ਚੰਡੀਗੜ੍ਹ ਦੇ ਤਾਜ ਹੋਟਲ ਕੋਲ ਮਿਲਿਆ ‘ਬੰਬ’, ਮਚੀ ਤਰਥੱਲੀ; ਕੁਝ ਹੀ ਦੇਰ ’ਚ ਖੁੱਲ੍ਹ ਗਿਆ ਸਾਰਾ ਰਾਜ਼

ਇਸਦਾ ਉਦੇਸ਼ ਅਸਲ ਖ਼ਤਰੇ ਨਾਲ ਨਜਿੱਠਣ ਲਈ ਪੁਲਿਸ ਅਤੇ ਹੋਰ ਐਮਰਜੈਂਸੀ ਏਜੰਸੀਆਂ ਦੀ ਤਿਆਰੀ, ਤੇਜ਼ ਪ੍ਰਤੀਕਿਰਿਆ ਅਤੇ ਤਾਲਮੇਲ ਦੀ ਜਾਂਚ ਕਰਨਾ ਸੀ।

ਸੂਚਨਾ ਮਿਲਦਿਆਂ ਹੀ ਆਪ੍ਰੇਸ਼ਨ ਸੈੱਲ ਦੇ ਕਮਾਂਡੋਜ਼ ਨੇ ਨਿਰਧਾਰਤ ਪ੍ਰਕਿਰਿਆ ਅਧੀਨ ਸ਼ੱਕੀ ਖੇਤਰ ਦੀ ਘੇਰਾਬੰਦੀ ਕਰਕੇ ਲੋਕਾਂ ਨੂੰ ਸੁਰੱਖਿਅਤ ਸਥਾਨ 'ਤੇ ਪਹੁੰਚਾਇਆ। ਇਸ ਤੋਂ ਬਾਅਦ ਐੱਚ.ਆਈ.ਟੀ. ਟੀਮ, ਬੰਮ ਡਿਟੈਕਸ਼ਨ ਸਕੁਐਡ ਅਤੇ ਡੌਗ ਸਕੁਐਡ ਨੇ ਹੋਟਲ ਕੰਪਲੈਕਸ ’ਚ ਤਲਾਸ਼ੀ ਮੁਹਿੰਮ ਚਲਾਈ।

ਤਲਾਸ਼ੀ ਦੌਰਾਨ ਬੈਂਕੁਏਟ ਹਾਲ ਦੇ ਕੋਲ ਲੈਟਰ ਬਾਕਸ ਦੇ ਨੇੜੇ ਡਮੀ ਆਈ.ਈ.ਡੀ. ਬਰਾਮਦ ਕੀਤੀ ਗਈ। ਇਸ ਤੋਂ ਬਾਅਦ ਪੂਰੇ ਇਲਾਕੇ ਨੂੰ ਦੁਬਾਰਾ ਸੈਨੀਟਾਈਜ਼ ਕੀਤਾ ਗਿਆ ਤਾਂ ਜੋ ਕਿਸੇ ਹੋਰ ਸ਼ੱਕੀ ਵਸਤੂ ਦੀ ਮੌਜੂਦਗੀ ਦੀ ਸੰਭਾਵਨਾ ਨੂੰ ਖ਼ਤਮ ਕੀਤਾ ਜਾ ਸਕੇ।

ਇੱਕਠੇ ਮੈਦਾਨ ’ਚ ਉੱਤਰੀਆਂ ਕਈ ਏਜੰਸੀਆਂ

ਮੌਕ ਡ੍ਰਿਲ ’ਚ ਚੰਡੀਗੜ੍ਹ ਪੁਲਿਸ ਦੀ ਕਿਊ.ਆਰ.ਟੀ., ਪੀ.ਸੀ.ਆਰ., ਡਾਇਲ-112, ਫਾਇਰ ਬ੍ਰਿਗੇਡ, ਸਿਵਲ ਡਿਫੈਂਸ, ਬੰਮ ਡਿਟੈਕਸ਼ਨ ਸਕੁਐਡ, ਡੌਗ ਸਕੁਐਡ, ਮੋਬਾਈਲ ਫੋਰੈਂਸਿਕ ਟੀਮ, ਜ਼ਿਲ੍ਹਾ ਕ੍ਰਾਈਮ ਸੈੱਲ ਅਤੇ ਕ੍ਰਾਈਮ ਬ੍ਰਾਂਚ ਸਮੇਤ ਕਈ ਇਕਾਈਆਂ ਨੇ ਹਿੱਸਾ ਲਿਆ।

ਸੈਕਟਰ-17 ਥਾਣਾ ਪੁਲਿਸ, ਐੱਸ.ਡੀ.ਪੀ.ਓ. ਸੈਂਟਰਲ ਤਥਾ ਜੀ.ਐੱਮ.ਐੱਸ.ਐੱਚ.-16 ਅਤੇ ਪੁਲਿਸ ਹਸਪਤਾਲ ਸੈਕਟਰ-26 ਦੀਆਂ ਐਂਬੂਲੈਂਸ ਸੇਵਾਵਾਂ ਵੀ ਅਭਿਆਸ ਵਿੱਚ ਸ਼ਾਮਲ ਰਹੀਆਂ। ਬਰਾਮਦ ਡਮੀ ਆਈ.ਈ.ਡੀ. ਨੂੰ ਨਿਰਧਾਰਤ ਐੱਸ.ਓ.ਪੀ. ਤਹਿਤ ਸੈਂਡਬੈਗ ਵਾਹਨ ’ਚ ਪੁਲਿਸ ਲਾਈਨਜ਼ ਸੈਕਟਰ-26 ਲਿਜਾਇਆ ਗਿਆ। ਪੀ.ਸੀ.ਆਰ. ਵਾਹਨਾਂ ਦੀ ਪਾਇਲਟ ਅਤੇ ਐਸਕਾਰਟ ਦੇ ਵਿਚਕਾਰ ਇਸ ਨੂੰ ਸੁਰੱਖਿਅਤ ਸਥਾਨ 'ਤੇ ਲਿਜਾ ਕੇ ਨਿਪਟਾਰੇ ਦੀ ਪ੍ਰਕਿਰਿਆ ਪੂਰੀ ਕੀਤੀ ਗਈ।

ਸੁਤੰਤਰਤਾ ਦਿਵਸ ਨੂੰ ਲੈ ਕੇ ਸੁਰੱਖਿਆ ਦਾ ਰਿਹਰਸਲ

ਇਹ ਮੌਕ ਡ੍ਰਿਲ ਐੱਸ.ਪੀ. ਆਪ੍ਰੇਸ਼ਨਜ਼ ਗੀਤਾਂਜਲੀ ਖੰਡੇਲਵਾਲ, ਆਈ.ਪੀ.ਐੱਸ. ਦੇ ਨਿਰਦੇਸ਼ ਅਤੇ ਡੀ.ਐੱਸ.ਪੀ. ਆਪ੍ਰੇਸ਼ਨਜ਼ ਰਣਜੋਧ ਸਿੰਘ ਦੀ ਨਿਗਰਾਨੀ ’ਚ ਆਯੋਜਿਤ ਕੀਤੀ ਗਈ। ਪੁਲਿਸ ਮੁਤਾਬਕ ਇਸ ਤਰ੍ਹਾਂ ਦੇ ਅਭਿਆਸ ਦਾ ਉਦੇਸ਼ ਐਮਰਜੈਂਸੀ ਸਥਿਤੀ ’ਚ ਪ੍ਰਤੀਕਿਰਿਆ ਸਮਾਂ ਘਟਾਉਣਾ ਅਤੇ ਵੱਖ-ਵੱਖ ਏਜੰਸੀਆਂ ਦੇ ਵਿਚਕਾਰ ਤਾਲਮੇਲ ਨੂੰ ਮਜ਼ਬੂਤ ਕਰਨਾ ਹੈ।

ਮੌਕ ਡ੍ਰਿਲ ਨੇ ਇਹ ਵੀ ਪਰਖਿਆ ਕਿ ਸ਼ੱਕੀ ਵਿਸਫੋਟਕ ਦੀ ਸੂਚਨਾ ਮਿਲਣ 'ਤੇ ਕਿਸ ਟੀਮ ਨੂੰ ਕਿੰਨੀ ਤੇਜ਼ੀ ਨਾਲ ਮੌਕੇ 'ਤੇ ਪਹੁੰਚਣਾ ਹੈ, ਇਲਾਕੇ ਨੂੰ ਕਿਵੇਂ ਸੁਰੱਖਿਅਤ ਕਰਨਾ ਹੈ ਅਤੇ ਲੋਕਾਂ ਨੂੰ ਸੁਰੱਖਿਅਤ ਕੱਢਣ ਤੋਂ ਬਾਅਦ ਸਰਚ ਤੇ ਸੈਨੀਟਾਈਜ਼ੇਸ਼ਨ ਕਿਸ ਤਰ੍ਹਾਂ ਕੀਤਾ ਜਾਣਾ ਹੈ।

ਪੁਲਿਸ ਦੇ ਅਨੁਸਾਰ, ਇਹ ਅਭਿਆਸ ਸਫਲਤਾਪੂਰਵਕ ਪੂਰਾ ਹੋਇਆ ਹੈ ਅਤੇ ਅਜਿਹੇ ਅਭਿਆਸ ਨਿਯਮਤ ਤੌਰ 'ਤੇ ਜਾਰੀ ਰਹਿਣਗੇ ਤਾਂ ਜੋ ਸੁਰੱਖਿਆ ਏਜੰਸੀਆਂ ਕਿਸੇ ਵੀ ਅਸਲ ਐਮਰਜੈਂਸੀ ਦੀ ਸਥਿਤੀ ਵਿੱਚ ਪੂਰੀ ਤਰ੍ਹਾਂ ਤਿਆਰ ਰਹਿਣ।