ਲਹਿਰਾ ਮੁਹੱਬਤ ਥਰਮਲ ਪਲਾਂਟ ਮੁਲਾਜ਼ਮਾਂ ਦੀ ਹੜਤਾਲ 26 ਜੁਲਾਈ ਤੱਕ ਵਧੀ, ਸਰਕਾਰ ਤੇ ਪਾਵਰਕਾਮ ਖ਼ਿਲਾਫ਼ ਖੋਲ੍ਹਿਆ ਮੋਰਚਾ

ਇਸ ਤੋਂ ਇਲਾਵਾ ਡੀਏ ਸਮੇਤ ਬਣਦੇ ਬਕਾਏ ਜਾਰੀ ਕਰਨ, ਨਵੇਂ ਨਿਯੁਕਤ ਕਰਮਚਾਰੀਆਂ ਨੂੰ ਰੈਂਟ ਫ਼ਰੀ ਕੁਆਰਟਰ ਅਲਾਟ ਕਰਨ, ਸੋਲੈਸ਼ੀਅਮ ਦੀ ਰਕਮ 'ਤੇ 12 ਫ਼ੀਸਦੀ ਵਿਆਜ ਸਬੰਧੀ ਜਾਰੀ ਪੱਤਰ ਵਾਪਸ ਲੈਣ, ਸਬ-ਸਟੇਸ਼ਨ ਸਟਾਫ਼ ਦੀ ਘਾਟ ਨੂੰ ਪੂਰਾ ਕਰਨ ਲਈ ਐੱਸਐੱਸਏ ਅਤੇ ਏਐੱਸਐੱਸਏ ਦੀ ਤੁਰੰਤ ਤਾਇਨਾਤੀ ਕਰਨ ਅਤੇ ਜੁਲਾਈ 2021 ਤੋਂ ਜੀਆਈ ਲਾਗੂ ਕਰਕੇ ਸਮੇਤ ਬਕਾਇਆ ਰਾਸ਼ੀ ਜਾਰੀ ਕਰਨ ਦੀਆਂ ਮੰਗਾਂ ਵੀ ਪ੍ਰਮੁੱਖ ਹਨ। ਆਗੂਆਂ ਨੇ ਕਿਹਾ ਕਿ ਜਥੇਬੰਦੀਆਂ ਵੱਲੋਂ ਕਈ ਵਾਰ ਮੰਗ ਪੱਤਰ ਦਿੱਤੇ ਜਾ ਚੁੱਕੇ ਹਨ, ਪਰ ਮਸਲਿਆਂ ਦੇ ਹੱਲ ਲਈ ਕੋਈ ਸਾਰਥਕ ਪਹਿਲ ਨਹੀਂ ਕੀਤੀ ਗਈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਜੇਕਰ ਸਰਕਾਰ ਅਤੇ ਪਾਵਰਕਾਮ ਪ੍ਰਬੰਧਨ ਨੇ ਜਲਦੀ ਮੰਗਾਂ ਦਾ ਹੱਲ ਨਾ ਕੀਤਾ ਤਾਂ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ, ਜਿਸ ਦੀ ਜ਼ਿੰਮੇਵਾਰੀ ਸਰਕਾਰ ਅਤੇ ਪ੍ਰਬੰਧਨ ਦੀ ਹੋਵੇਗੀ। ਅੱਜ ਦੀ ਸ਼ਿਫਟ ਰੈਲੀ ਵਿੱਚ ਗੁਰਲਾਲ ਸਿੰਘ ਗਿੱਲ, ਇਕਬਾਲ ਸਿੰਘ ਸੇਖੋਂ, ਵਿਕਰਮਜੀਤ ਸਿੰਘ (ਵਿੱਕੀ), ਦਾਨਿਸ਼, ਦੇਵੀ ਲਾਲ ਸਮੇਤ ਥਰਮਲ ਪਲਾਂਟ ਦੇ ਵੱਡੀ ਗਿਣਤੀ ਵਿੱਚ ਮੁਲਾਜ਼ਮ ਹਾਜ਼ਰ ਸਨ ਅਤੇ ਉਨ੍ਹਾਂ ਨੇ ਜਥੇਬੰਦੀਆਂ ਵੱਲੋਂ ਉਲੀਕੇ ਗਏ ਸੰਘਰਸ਼ ਪ੍ਰੋਗਰਾਮ ਨੂੰ ਪੂਰਨ ਸਮਰਥਨ ਦੇਣ ਦਾ ਐਲਾਨ ਕੀਤਾ।