SBI ਦੀ ਬੰਦ ਬਿਲਡਿੰਗ ਪਿੱਛੇ ਪਲਾਟ ਦੀਆਂ ਝਾੜੀਆਂ ’ਚੋਂ ਮਿਲੀ 20-25 ਦਿਨ ਪੁਰਾਣੀ ਲਾਸ਼, ਕਬਾੜ ਚੁੱਕਣ ਵਾਲੇ ਦੀ ਸੂਚਨਾ ’ਤੇ ਉੱਡੇ ਹੋਸ਼

ਸੂਚਨਾ ਮਿਲਣ 'ਤੇ ਸਹਾਰਾ ਜਨ ਸੇਵਾ ਦੀ ਲਾਈਫ ਸੇਵਿੰਗ ਬ੍ਰਿਗੇਡ ਹੈਲਪਲਾਈਨ ਟੀਮ ਦੇ ਵਿੱਕੀ ਕੁਮਾਰ, ਰਾਜਿੰਦਰ ਕੁਮਾਰ, ਜੱਗਾ ਅਤੇ ਵਿਜੇ ਗੋਇਲ ਮੌਕੇ 'ਤੇ ਪਹੁੰਚੇ। ਟੀਮ ਨੇ ਕਾਫ਼ੀ ਮੁਸ਼ਕਿਲ ਨਾਲ ਲਾਸ਼ ਨੂੰ ਝਾੜੀਆਂ ਵਿੱਚੋਂ ਬਾਹਰ ਕੱਢਿਆ। ਲਾਸ਼ ਦੀ ਹਾਲਤ ਬੇਹੱਦ ਖ਼ਰਾਬ ਸੀ ਅਤੇ ਸਰੀਰ ਗਲ ਚੁੱਕਾ ਸੀ। ਉਸ 'ਤੇ ਕੀੜੇ ਵੀ ਰਿੰਗ ਰਹੇ ਸਨ। ਮ੍ਰਿਤਕ ਨੇ ਕਾਲੀ ਪੈਂਟ ਅਤੇ ਚੈੱਕਦਾਰ ਕਮੀਜ਼ ਪਾਈ ਸੀ। ਉਸ ਕੋਲੋਂ ਅਜਿਹਾ ਕੋਈ ਦਸਤਾਵੇਜ਼ ਨਹੀਂ ਮਿਲਿਆ, ਜਿਸ ਨਾਲ ਉਸ ਦੀ ਪਛਾਣ ਹੋ ਸਕੇ।