ਵੱਡਾ ਫ਼ਰਜ਼ੀਵਾੜਾ: ਕਿਸੇ ਹੋਰ ਦੀ ਜ਼ਮੀਨ ’ਤੇ ਬੈਂਕ ਤੋਂ ਕਰਜ਼ਾ ਹੜੱਪਣ ਵਾਲੀ ਔਰਤ ਫਸੀ ਕਾਨੂੰਨੀ ਸ਼ਿਕੰਜੇ ’ਚ, ਔਰਤ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ

ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ, ਹਾਲਾਂਕਿ ਅਜੇ ਤੱਕ ਮੁਲਜ਼ਮ ਔਰਤ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ’ਚ ਜ਼ਿਲ੍ਹਾ ਫ਼ਰੀਦਕੋਟ ਦੇ ਜੈਤੋ ਨਿਵਾਸੀ ਪੰਕਜ ਨੇ ਦੱਸਿਆ ਕਿ ਹੰਸ ਨਗਰ ਬਠਿੰਡਾ ਦੀ ਗਲੀ ਨੰਬਰ 9/1 ’ਚ ਉਸ ਦਾ 100 ਵਰਗ ਗਜ਼ ਦਾ ਪਲਾਟ ਹੈ। ਉਸ ਨੇ ਦੋਸ਼ ਲਗਾਇਆ ਕਿ ਰਾਜ ਰਾਣੀ ਨਾਮਕ ਮਹਿਲਾ ਨੇ ਧੋਖੇ ਨਾਲ ਉਸ ਦੇ ਪਲਾਟ ਨਾਲ ਸਬੰਧਤ ਜਾਅਲੀ ਦਸਤਾਵੇਜ਼ ਤਿਆਰ ਕਰਵਾਏ ਅਤੇ ਉਨ੍ਹਾਂ ਦੇ ਆਧਾਰ ’ਤੇ ਬੈਂਕ ਤੋਂ ਕਰਜ਼ਾ ਪ੍ਰਾਪਤ ਕਰ ਲਿਆ।