- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗਣੇਸ਼ ਵਿਸਰਜਨ ਵੇਲੇ ਵਾਪਰਿਆ ਸੀ ਦਰਦਨਾਕ ਹਾਦਸਾ, 3 ਦਿਨਾਂ ਦੀ ਭਾਲ ਤੋਂ ਬਾਅਦ ਗੁਮਜਾਲ ਟੇਲ ਤੋਂ ਮਿਲੀ ਅਨਮੋਲ ਦੀ ਲਾਸ਼
ਅਬੋਹਰ ਦੀ ਹਨੂਮਾਨਗੜ੍ਹ ਰੋਡ ਸਥਿਤ ਮਲੂਕਪੁਰਾ ਮਾਈਨਰ 'ਚ ਵੀਰਵਾਰ ਸ਼ਾਮ ਗਣੇਸ਼ ਮੂਰਤੀ ਵਿਸਰਜਨ ਦੌਰਾਨ ਨਹਿਰ 'ਚ ਵਹਿ ਗਏ ਨੌਜਵਾਨ ਅਨਮੋਲ ਦੀ ਲਾਸ਼ ਸ਼ਨੀਵਾਰ ਨੂੰ ਤੀਜੇ ਦਿਨ ਗੁਮਜਾਲ ਟੇਲ ਤੋਂ ਬਰਾਮਦ ਹੋਈ। ਲਾਸ਼ ਮਿਲਦੇ ਹੀ ਪਰਿਵਾਰ 'ਚ ਕੋਹਰਾਮ ਮਚ ਗਿਆ। ਮ੍ਰਿਤਕ ਰਾਮਨਗਰ ਦਾ ਰਹਿਣ ਵਾਲਾ ਸੀ ਅਤੇ ਪਰਿਵਾਰ ਦਾ ਛੋਟਾ ਪੁੱਤਰ ਸੀ।
Posted By Sunita
Publish Date: Sat, 26 Sep 2026 11:27 AM (IST)
Updated Date: Sat, 26 Sep 2026 11:28 AM (IST)
ਸੰਵਾਦ ਸਹਿਯੋਗੀ, ਅਬੋਹਰ - ਅਬੋਹਰ ਦੀ ਹਨੂਮਾਨਗੜ੍ਹ ਰੋਡ ਸਥਿਤ ਮਲੂਕਪੁਰਾ ਮਾਈਨਰ 'ਚ ਵੀਰਵਾਰ ਸ਼ਾਮ ਗਣੇਸ਼ ਮੂਰਤੀ ਵਿਸਰਜਨ ਦੌਰਾਨ ਨਹਿਰ 'ਚ ਵਹਿ ਗਏ ਨੌਜਵਾਨ ਅਨਮੋਲ ਦੀ ਲਾਸ਼ ਸ਼ਨੀਵਾਰ ਨੂੰ ਤੀਜੇ ਦਿਨ ਗੁਮਜਾਲ ਟੇਲ ਤੋਂ ਬਰਾਮਦ ਹੋਈ। ਲਾਸ਼ ਮਿਲਦੇ ਹੀ ਪਰਿਵਾਰ 'ਚ ਕੋਹਰਾਮ ਮਚ ਗਿਆ। ਮ੍ਰਿਤਕ ਰਾਮਨਗਰ ਦਾ ਰਹਿਣ ਵਾਲਾ ਸੀ ਅਤੇ ਪਰਿਵਾਰ ਦਾ ਛੋਟਾ ਪੁੱਤਰ ਸੀ।
ਗਣੇਸ਼ ਮਹੋਤਸਵ ਤੋਂ ਬਾਅਦ ਸ਼ਰਧਾਲੂ ਵੀਰਵਾਰ ਸ਼ਾਮ ਗਣੇਸ਼ ਮੂਰਤੀ ਵਿਸਰਜਨ ਲਈ ਮਲੂਕਪੁਰਾ ਮਾਈਨਰ ਪਹੁੰਚੇ ਸਨ। ਅਨਮੋਲ ਡੀਜੇ ਦਾ ਕੰਮ ਕਰਦਾ ਸੀ ਅਤੇ ਡੀਜੇ ਵਾਲਿਆਂ ਦੇ ਨਾਲ ਹੀ ਮੂਰਤੀ ਵਿਸਰਜਨ ਲਈ ਨਹਿਰ ’ਤੇ ਗਿਆ ਸੀ। ਮੂਰਤੀ ਵਿਸਰਜਨ ਦੌਰਾਨ ਉਹ ਅਚਾਨਕ ਨਹਿਰ ਦੇ ਤੇਜ਼ ਵਹਾਅ 'ਚ ਵਹਿ ਗਿਆ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਪਰਿਵਾਰਕ ਮੈਂਬਰ ਅਤੇ ਹੋਰ ਲੋਕ ਮੌਕੇ ’ਤੇ ਪਹੁੰਚੇ ਅਤੇ ਨਹਿਰ 'ਚ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਲੋਕਾਂ ਨੇ ਨਹਿਰ 'ਚ ਕਾਫੀ ਦੂਰ ਤੱਕ ਭਾਲ ਕੀਤੀ, ਪਰ ਦੋ ਦਿਨ ਤੱਕ ਅਨਮੋਲ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ।
ਸ਼ਨੀਵਾਰ ਨੂੰ ਤੀਜੇ ਦਿਨ ਉਸ ਦੀ ਲਾਸ਼ ਗੁਮਜਾਲ ਟੇਲ ਤੋਂ ਬਰਾਮਦ ਹੋਈ। ਕੱਲਰਖੇੜਾ ਚੌਕੀ ਪੁਲਿਸ ਨੇ ਲਾਸ਼ ਨੂੰ ਸਰਕਾਰੀ ਹਸਪਤਾਲ ਦੀ ਮੋਰਚਰੀ 'ਚ ਰਖਵਾ ਦਿੱਤਾ ਹੈ। ਮਾਮਲੇ 'ਚ ਅਗਲੀ ਕਾਰਵਾਈ ਸਿਟੀ ਨੰਬਰ-2 ਪੁਲਿਸ ਵੱਲੋਂ ਕੀਤੀ ਜਾਵੇਗੀ। ਲਾਸ਼ ਮਿਲਣ ਦੀ ਸੂਚਨਾ ਮਿਲਦੇ ਹੀ ਪਰਿਵਾਰ 'ਚ ਸੋਗ ਛਾ ਗਿਆ। ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।