ਮਹਿਲਾ ਤੇ ਬੱਚਿਆਂ ਨੂੰ ਅੱਠ ਦਿਨ ਬੰਧਕ ਬਣਾ ਕੇ ਕੀਤਾ ਸਮੂਹਿਕ ਜਬਰ-ਜਨਾਹ, ਵਾਲ ਕੱਟੇ ਤੇ ਨਸ਼ਾ ਦੇ ਕੇ ਕੀਤੀਆਂ ਘਿਨੌਉਣੀਆਂ ਹਰਕਤਾਂ

ਦੇਵਾ ਕੋਤਵਾਲੀ ਖੇਤਰ ਦੀ ਇੱਕ ਮਹਿਲਾ ਨੂੰ ਨੌਕਰੀ ਦਿਵਾਉਣ ਦਾ ਝਾਂਸਾ ਦੇ ਕੇ ਅੱਠ ਦਿਨ ਤੱਕ ਬੰਧਕ ਬਣਾ ਕੇ ਸਮੂਹਿਕ ਜਬਰ-ਜਨਾਹ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੋਸ਼ ਹੈ ਕਿ ਮਹਿਲਾ ਅਤੇ ਉਸ ਦੇ ਦੋ ਮਾਸੂਮ ਬੱਚਿਆਂ ਨੂੰ ਵੀ ਬੰਧਕ ਬਣਾ ਕੇ ਰੱਖਿਆ ਗਿਆ, ਮਹਿਲਾ ਨੂੰ ਨਸ਼ੇ ਦੀਆਂ ਗੋਲੀਆਂ ਮਿਲਾ ਕੇ ਸ਼ਰਾਬ ਪਿਲਾਈ ਗਈ ਅਤੇ ਵਿਰੋਧ ਕਰਨ 'ਤੇ ਵਾਲ ਕੱਟ ਕੇ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਗਈ। ਐੱਸ.ਪੀ. ਤੋਂ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਨੇ ਮੁੱਢਲੀ ਜਾਂਚ ਕੀਤੀ। ਦੇਰ ਰਾਤ ਦੋ ਦੋਸ਼ੀਆਂ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ। ਸੀ.ਓ. ਸਿਟੀ ਸੰਗਮ ਕੁਮਾਰ ਨੇ ਦੱਸਿਆ ਕਿ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ।