ਜੰਮੂ-ਕਸ਼ਮੀਰ 'ਚ ਕਦੋਂ ਥੰਮ੍ਹੇਗਾ ਆਫ਼ਤ ਦਾ ਮੀਂਹ? ਚਾਰ ਦਿਨਾਂ 'ਚ 31 ਮੌਤਾਂ, ਪੰਜਵੇਂ ਦਿਨ ਵੀ ਰੋਕੀ ਗਈ ਅਮਰਨਾਥ ਤੇ ਵੈਸ਼ਨੋ ਦੇਵੀ ਯਾਤਰਾ

ਇਸੇ ਤਰ੍ਹਾਂ ਜੰਮੂ-ਪੁੰਛ ਹਾਈਵੇਅ 'ਤੇ ਸੁਰਨਕੋਟ ਨੇੜੇ ਸੰਸਦ ਮੈਂਬਰ ਮੀਆਂ ਅਲਤਾਫ਼ ਅਹਿਮਦ ਦਾ ਸਰਕਾਰੀ ਵਾਹਨ ਵੀ ਲੈਂਡਸਲਾਇਡ ਦੌਰਾਨ ਮਿੱਟੀ 'ਚ ਫਸ ਗਿਆ। ਇਸ ਤੋਂ ਬਾਅਦ ਸੰਸਦ ਮੈਂਬਰ ਪੈਦਲ ਹੀ ਪ੍ਰਭਾਵਿਤਾਂ ਨੂੰ ਮਿਲਣ ਲਈ ਨਿਕਲ ਪਏ। ਉੱਥੇ ਹੀ, ਊਧਮਪੁਰ ਤੋਂ ਰਾਮਬਨ ਵਿਚਕਾਰ ਕਈ ਥਾਵਾਂ 'ਤੇ ਢਿਗਾਂ ਡਿੱਗਣ ਕਾਰਨ ਜੰਮੂ-ਸ਼੍ਰੀਨਗਰ ਰਾਸ਼ਟਰੀ ਰਾਜਮਾਰਗ ਬੰਦ ਹੈ।

ਪੰਜਵੇਂ ਦਿਨ ਵੀ ਮੁਲਤਵੀ ਰਹੀ ਯਾਤਰਾ

ਮੌਸਮ ਵਿਭਾਗ ਅਨੁਸਾਰ, ਵੀਰਵਾਰ ਦੁਪਹਿਰ ਤੋਂ ਬਾਅਦ ਮੌਸਮ ਵਿੱਚ ਸੁਧਾਰ ਹੋਣ ਦੀ ਸੰਭਾਵਨਾ ਹੈ। ਇਸ ਦੌਰਾਨ, ਸ਼੍ਰੀ ਅਮਰਨਾਥ ਯਾਤਰਾ, ਮਾਤਾ ਵੈਸ਼ਨੋ ਦੇਵੀ ਦੀ ਯਾਤਰਾ ਅਤੇ ਸ਼ਿਵਖੋੜੀ ਦੀ ਯਾਤਰਾ ਪੰਜਵੇਂ ਦਿਨ ਵੀ ਮੁਲਤਵੀ ਰਹੀ। ਕਟੜਾ ਵਿੱਚ ਬੈਟਰੀ ਕਾਰ ਮਾਰਗ 'ਤੇ ਢਿਗਾਂ ਡਿੱਗਣ ਅਤੇ ਪੱਥਰ ਖਿਸਕਣ ਦੀ ਖ਼ਬਰ ਹੈ।

ਕਟੜਾ ਦੇ ਏਸ਼ੀਆ ਚੌਂਕ ਤੋਂ ਬਲਾਨੀ ਚੈੱਕ ਪੋਸਟ ਮਾਰਗ ਨੂੰ ਵੀ ਆਰਜ਼ੀ ਤੌਰ 'ਤੇ ਬੰਦ ਕਰ ਦਿੱਤਾ ਗਿਆ ਹੈ। ਊਧਮਪੁਰ, ਡੋਡਾ, ਕਿਸ਼ਤਵਾੜ, ਰਿਆਸੀ ਅਤੇ ਰਾਮਬਨ ਵਿੱਚ ਲੈਂਡਸਲਾਇਡ ਕਾਰਨ ਸੈਂਕੜੇ ਸੰਪਰਕ ਮਾਰਗ ਬੰਦ ਹਨ। ਕਠੂਆ ਵਿੱਚ ਬਾਰਿਸ਼ ਕਾਰਨ ਬਿਜਲੀ ਦੇ 56 ਖੰਭੇ ਨੁਕਸਾਨੇ ਗਏ, ਜਦੋਂ ਕਿ 17 ਟ੍ਰਾਂਸਫਾਰਮਰ ਖ਼ਰਾਬ ਹੋ ਗਏ।