- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਪਾਸਵਰਡ ਕੀ ਹੈ...? ਪਹਿਲਾਂ ਚੋਰੀ ਕੀਤਾ ਮੋਬਾਈਲ, ਫਿਰ ਮਾਲਕ ਨੂੰ ਹੀ ਕਰ ਦਿੱਤਾ ਮੈਸੇਜ'
ਦੇਹਰਾਦੂਨ ਦੇ ਕਲੇਮੈਂਟਟਾਊਨ ’ਚ ਮੋਬਾਈਲ ਚੋਰੀ ਦੀ ਇੱਕ ਅਨੋਖੀ ਘਟਨਾ ਸਾਹਮਣੇ ਆਈ ਹੈ। ਚੋਰ ਨੇ ਫ਼ੋਨ ਚੋਰੀ ਕਰਨ ਤੋਂ ਬਾਅਦ ਪੀੜਤ ਨੂੰ ਮੈਸੇਜ ਕਰਕੇ ਉਸ ਦਾ ਪਾਸਵਰਡ ਵੀ ਪੁੱਛ ਲਿਆ।
Posted By Paramjit Kaur
Publish Date: Fri, 09 Oct 2026 03:33 PM (IST)
Updated Date: Fri, 09 Oct 2026 03:35 PM (IST)
ਜਾਗਰਣ ਸੰਵਾਦਦਾਤਾ, ਦੇਹਰਾਦੂਨ। ਉੱਤਰਾਖੰਡ ਦੀ ਰਾਜਧਾਨੀ ਦੇਹਰਾਦੂਨ ਦੇ ਕਲੇਮੈਂਟਟਾਊਨ ਇਲਾਕੇ ’ਚ ਵਾਪਰੀ ਮੋਬਾਈਲ ਚੋਰੀ ਦੀ ਘਟਨਾ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਦਰਅਸਲ, ਮੁਲਜ਼ਮ ਨੇ ਮੋਬਾਈਲ ਚੋਰੀ ਕਰਨ ਤੋਂ ਬਾਅਦ ਖ਼ੁਦ ਹੀ ਪੀੜਤ ਨੂੰ ਮੈਸੇਜ ਭੇਜ ਕੇ ਫ਼ੋਨ ਦਾ ਪਾਸਵਰਡ ਪੁੱਛ ਲਿਆ।
ਹੁਣ ਇਸ ਘਟਨਾ ਨਾਲ ਸਬੰਧਤ ਇੱਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਇੱਕ ਲੜਕੀ ਨੇ ਬਣਾਇਆ ਹੈ। ਖ਼ਾਸ ਗੱਲ ਇਹ ਹੈ ਕਿ ਥੋੜ੍ਹੇ ਸਮੇਂ ’ਚ ਹੀ ਇਸ ਵੀਡੀਓ ਨੂੰ ਲੱਖਾਂ ਲੋਕ ਦੇਖ ਚੁੱਕੇ ਹਨ। ਦੱਸ ਦੇਈਏ ਕਿ ਪਿਛਲੇ ਕੁਝ ਸਮੇਂ ਦੌਰਾਨ ਦੇਹਰਾਦੂਨ ਦੇ ਕਲੇਮੈਂਟਟਾਊਨ ਇਲਾਕੇ ’ਚ ਕਈ ਲੋਕਾਂ ਦੇ ਮੋਬਾਈਲ ਫ਼ੋਨ ਚੋਰੀ ਹੋਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ।
ਕਈ ਲੋਕਾਂ ਦੇ ਫ਼ੋਨ ਹੋਏ ਚੋਰੀ
ਮੋਬਾਈਲ ਚੋਰੀ ਨਾਲ ਸਬੰਧਤ ਇਹ ਮਾਮਲਾ 12 ਸਤੰਬਰ ਦਾ ਹੈ। ਪੁਲਿਸ ਅਨੁਸਾਰ, ਸਮਰੱਥ ਨਾਂ ਦੇ ਇੱਕ ਨੌਜਵਾਨ ਨੇ ਮੋਬਾਈਲ ਫ਼ੋਨ ਚੋਰੀ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਦੇ ਆਧਾਰ ’ਤੇ ਸਰਵੇਲੈਂਸ ਟੀਮ ਨੂੰ ਜਾਂਚ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਸੀ। ਇਸ ਤੋਂ ਬਾਅਦ ਬੀਤੇ ਬੁੱਧਵਾਰ ਨੂੰ ਕੌਸ਼ਿਕੀ ਧਿਆਨੀ ਨਾਂ ਦੀ ਇੱਕ ਲੜਕੀ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋਈ। ਇਸ ਵੀਡੀਓ ’ਚ ਉਹ ਮੋਬਾਈਲ ਚੋਰੀ ਦੀਆਂ ਘਟਨਾਵਾਂ ਬਾਰੇ ਦੱਸ ਰਹੀ ਹੈ।
ਵੀਡੀਓ ’ਚ ਕੀ ਕਹਿ ਰਹੀ ਹੈ ਲੜਕੀ?
ਵੀਡੀਓ ’ਚ ਕੌਸ਼ਿਕੀ ਦੱਸਦੀ ਹੈ ਕਿ ਕਲੇਮੈਂਟਟਾਊਨ ਤੋਂ ਉਸ ਦਾ, ਉਸ ਦੇ ਭਰਾ ਅਤੇ ਹੋਰ ਲੋਕਾਂ ਦੇ ਮੋਬਾਈਲ ਫ਼ੋਨ ਚੋਰੀ ਹੋਏ ਹਨ। ਫ਼ੋਨ ਚੋਰੀ ਕਰਨ ਵਾਲੇ ਨੇ ਉਨ੍ਹਾਂ ਨੂੰ ਮੈਸੇਜ ਕਰਕੇ ਪਾਸਵਰਡ ਤੱਕ ਪੁੱਛ ਲਿਆ।
ਦੋਸ਼ ਹੈ ਕਿ ਮੋਬਾਈਲ ਚੋਰੀ ਕਰਨ ਵਾਲਾ ਮੁਲਜ਼ਮ ਦੇਹਰਾਦੂਨ ਦੇ ਪ੍ਰੇਮਨਗਰ ਸਮੇਤ ਕਈ ਹੋਰ ਇਲਾਕਿਆਂ ਵਿੱਚੋਂ ਵੀ ਫ਼ੋਨ ਚੋਰੀ ਕਰ ਚੁੱਕਾ ਹੈ। ਉੱਧਰ, ਇਸ ਮਾਮਲੇ ਬਾਰੇ ਸੀਓ ਅੰਕਿਤ ਕੰਡਾਰੀ ਨੇ ਦੱਸਿਆ ਕਿ ਕਲੇਮੈਂਟਟਾਊਨ ’ਚ ਮੋਬਾਈਲ ਚੋਰੀ ਹੋਣ ਦੀ ਸ਼ਿਕਾਇਤ ਮਿਲੀ ਸੀ। ਇਸ ਤੋਂ ਬਾਅਦ ਹੀ ਸਰਵੇਲੈਂਸ ਟੀਮ ਨੂੰ ਜਾਂਚ ’ਚ ਲਗਾਇਆ ਗਿਆ ਸੀ। ਚੋਰੀ ਹੋਏ ਫ਼ੋਨਾਂ ਦੀ ਬਰਾਮਦਗੀ ਲਈ ਯਤਨ ਕੀਤੇ ਜਾ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਪਾਸਵਰਡ ਮੰਗਣ ਲਈ ਵਰਤੇ ਗਏ ਮੋਬਾਈਲ ਨੰਬਰ ਨੂੰ ਸਰਵੇਲੈਂਸ ’ਤੇ ਰੱਖਿਆ ਗਿਆ ਹੈ। ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਲਈ ਪੁਲਿਸ ਟੀਮ ਵੱਲੋਂ ਵੱਖ-ਵੱਖ ਥਾਵਾਂ ’ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।