ਗੁੰਮਰਾਹ ਹੋਏ ਬੱਚਿਆਂ ਦੀਆਂ ਗ਼ਲਤੀਆਂ ਮਾਫ਼ ਕਰ ਕੇ ਉਨ੍ਹਾਂ ਨੂੰ ਸਹੀ ਰਾਹ ਦਿਖਾਉਣਾ ਚਾਹੁੰਦੇ ਹਾਂ: PM ਮੋਦੀ

ਉਨ੍ਹਾਂ ਕਿਹਾ ਕਿ ਕਈ ਵਾਰ ਦੰਦਾਂ ਹੇਠ ਸਾਡੀ ਜੀਭ ਆ ਜਾਂਦੀ ਹੈ, ਖ਼ੂਨ ਨਿਕਲ ਆਉਂਦਾ ਹੈ, ਪਰ ਅਸੀਂ ਦੰਦ ਨਹੀਂ ਤੋੜਦੇ ਕਿਉਂਕਿ ਦੰਦ ਵੀ ਸਾਡੇ ਹਨ ਤੇ ਜੀਭ ਵੀ ਸਾਡੀ ਹੈ। ਇਸੇ ਤਰ੍ਹਾਂ ਬੱਚੇ ਵੀ ਸਾਡੇ ਹਨ, ਉਨ੍ਹਾਂ ਨੂੰ ਰਾਹ ਦਿਖਾਉਣਾ ਸਾਡਾ ਕੰਮ ਹੈ। ਮੋਦੀ ਨੇ ਕਿਹਾ ਕਿ ਗੁਮਰਾਹ ਨੂੰ ਰਾਹ ਦਿਖਾਉਣਾ ਔਖਾ ਹੁੰਦਾ ਹੈ, ਪਰ ਔਖੇ ਕੰਮ ਹੀ ਕਰਨੇ ਹੁੰਦੇ ਹਨ। ਉਨ੍ਹਾਂ ਬੱਚਿਆਂ ਨੂੰ ਅਪੀਲ ਕੀਤੀ ਕਿ ਉਹ ਦੇਸ਼ ਲਈ ਮਿਲ ਕੇ ਅੱਗੇ ਵਧਣ, ਕੁਝ ਨਵਾਂ ਸਿੱਖਣ ਤੇ ਆਪਣੀਆਂ ਗ਼ਲਤੀਆਂ ਤੋਂ ਵੀ ਸਿੱਖਣ। ਆਪਣੇ ਸੁਪਨਿਆਂ ਨੂੰ ਲੈ ਕੇ ਅੱਗੇ ਵਧਣ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਦੇਸ਼ ਬਹੁਤ ਅੱਗੇ ਵੱਧ ਰਿਹਾ ਹੈ, ਹੋਰ ਵੀ ਅੱਗੇ ਵਧੇਗਾ ਤੇ ਦੇਸ਼ ਦੇ ਬੱਚਿਆਂ ਦਾ ਅੱਗੇ ਵਧਣਾ ਵੀ ਯਕੀਨੀ ਹੋਵੇ, ਇਹੀ ਉਨ੍ਹਾਂ ਦਾ ਸੁਪਨਾ ਹੈ। ਉਹ ਬੱਚਿਆਂ ਲਈ ਜੀਉਂਦੇ ਹਨ ਤੇ ਉਨ੍ਹਾਂ ਦੇ ਉਜਲੇ ਭਵਿੱਖ ਲਈ ਆਪਣਾ ਜੀਵਨ ਸਮਰਪਿਤ ਕਰਦੇ ਹਨ। ਇਸ ਲਈ ਉਹ ਵੀ ਮਿਲ ਕੇ ਦੇਸ਼ ਨੂੰ ਅੱਗੇ ਵਧਾਉਣ, ਆਪਣੀਆਂ ਗ਼ਲਤੀਆਂ ਤੋਂ ਸਿੱਖਣ ਤੇ ਅੱਗੇ ਵਧਣ।