Vande Mataram ਵਿਵਾਦ ਦਰਮਿਆਨ ਹੋਇਆ ਸਮੂਹਿਕ ਗਾਇਨ, ਵਿਦਿਆ ਭਾਰਤੀ ਦੀ ਪਹਿਲ ’ਤੇ ਸਕੂਲਾਂ ’ਚ ਗੂੰਜਿਆ ਰਾਸ਼ਟਰਗੀਤ

ਸਰਸਵਤੀ ਵਿਦਿਆ ਮੰਦਰ ਭੂਲੀ ਦੇ ਪ੍ਰਿੰਸੀਪਲ ਰਣ ਸੁਮਨ ਸਿੰਘ ਤੇ ਕਮੇਟੀ ਦੇ ਫੂਲ ਸਿੰਘ ਨੇ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਵਿਦਿਆ ਭਾਰਤੀ ਦਾ ‘ਨਮਾਮਿ ਭਾਰਤਮ’ ਪ੍ਰੋਗਰਾਮ ਵੰਦੇ ਮਾਤਰਮ ਦੇ 150 ਸਾਲ ਪੂਰੇ ਹੋਣ ਦੇ ਮੌਕੇ ’ਤੇ ਕਰਵਾਇਆ ਜਾ ਰਿਹਾ ਹੈ। ਵੰਦੇ ਮਾਤਰਮ ਦੀ ਰਚਨਾ ਨੂੰ 150 ਸਾਲ ਪੂਰੇ ਹੋ ਚੁੱਕੇ ਹਨ। ਦੇਸ਼ ਦੇ 25 ਹਜ਼ਾਰ ਤੋਂ ਵੱਧ ਸਥਾਨਾਂ ’ਤੇ ਇੱਕ ਕਰੋੜ ਤੋਂ ਵੱਧ ਵਿਦਿਆਰਥੀਆਂ, ਅਧਿਆਪਕਾਂ, ਮਾਪਿਆਂ ਤੇ ਆਮ ਨਾਗਰਿਕਾਂ ਨੇ ਇੱਕੋ ਸਮੇਂ ਸੰਪੂਰਨ ਵੰਦੇ ਮਾਤਰਮ (ਛੇ ਛੰਦ) ਦਾ ਗਾਇਨ ਕੀਤਾ। ਪ੍ਰਿੰਸੀਪਲ ਨੇ ਕਿਹਾ ਕਿ ਤੁਸੀਂ ਸਾਰੇ ਵੀ ਇਸ ਮੁਹਿੰਮ ਦਾ ਹਿੱਸਾ ਹੋ। ਉਨ੍ਹਾਂ ਨੇ ‘ਇੱਕ ਸੁਰ, ਇੱਕ ਸੰਕਲਪ, ਇੱਕ ਭਾਰਤ’ ਦਾ ਨਾਅਰਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਹ ਸਿਰਫ਼ ਗਾਇਨ ਨਹੀਂ, ਸਗੋਂ ਨਵੀਂ ਪੀੜ੍ਹੀ ਨੂੰ ਵੰਦੇ ਮਾਤਰਮ ਦੀ ਇਤਿਹਾਸਕ ਯਾਤਰਾ, ਆਜ਼ਾਦੀ ਅੰਦੋਲਨ ’ਚ ਇਸ ਦੇ ਯੋਗਦਾਨ ਤੇ ਰਾਸ਼ਟਰੀ ਮਹੱਤਵ ਨਾਲ ਜੋੜਨ ਦੀ ਮੁਹਿੰਮ ਹੈ। ਪ੍ਰਿੰਸੀਪਲ ਨੇ ਕਿਹਾ ਕਿ ਹੁਣ ਤੱਕ ਸਕੂਲਾਂ ’ਚ ਆਮ ਤੌਰ ’ਤੇ ਵੰਦੇ ਮਾਤਰਮ ਦੇ ਸਿਰਫ਼ ਦੋ ਛੰਦ ਹੀ ਗਾਏ ਜਾਂਦੇ ਹਨ।