ਮੀਂਹ ਦੌਰਾਨ ਵੀ ਮਾਂ ਵੈਸ਼ਨੋ ਦੇਵੀ ਦੀ ਯਤਰਾ ਜਾਰੀ, ਬੈਟਰੀ ਕਾਰ ਮਾਰਗ ਬੰਦ; ਹੈਲੀਕਾਪਟਰ ਸੇਵਾ ਵੀ ਠੱਪ

ਖ਼ਰਾਬ ਮੌਸਮ ਅਤੇ ਲਗਾਤਾਰ ਪੈ ਰਹੇ ਮੀਂਹ ਦੇ ਬਾਵਜੂਦ ਮਾਂ ਵੈਸ਼ਨੋ ਦੇਵੀ ਦੀ ਯਤਰਾ ਬੁੱਧਵਾਰ ਨੂੰ ਰਵਾਇਤੀ ਰਸਤੇ ਤੋਂ ਸੁਚਾਰੂ ਰੂਪ 'ਚ ਜਾਰੀ ਰਹੀ। ਯਤਰਾ ਦੌਰਾਨ ਸ਼ਰਧਾਲੂਆਂ ਨੂੰ ਕਦੇ ਤੇਜ਼ ਅਤੇ ਕਦੇ ਹਲਕੇ ਮੀਂਹ ਦਾ ਸਾਹਮਣਾ ਕਰਨਾ ਪਿਆ। ਮੀਂਹ ਤੋਂ ਬਚਣ ਲਈ ਸ਼ਰਧਾਲੂ ਰਸਤੇ 'ਚ ਬਣਾਏ ਗਏ ਆਸਰਾ ਸਥਾਨਾਂ 'ਤੇ ਕੁਝ ਦੇਰ ਆਰਾਮ ਕਰਨ ਤੋਂ ਬਾਅਦ ਜੈਕਾਰੇ ਲਗਾਉਂਦੇ ਹੋਏ ਭਵਨ ਵੱਲ ਵਧਦੇ ਰਹੇ। ਲਗਾਤਾਰ ਮੀਂਹ ਅਤੇ ਖ਼ਰਾਬ ਮੌਸਮ ਨੂੰ ਵੇਖਦਿਆਂ ਸ਼ਰਧਾਲੂਆਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਮਾਤਾ ਵੈਸ਼ਨੋ ਦੇਵੀ ਸ਼ਰਾਈਨ ਬੋਰਡ ਪ੍ਰਸ਼ਾਸਨ ਨੇ ਮਹੱਤਵਪੂਰਨ ਬੈਟਰੀ ਕਾਰ ਮਾਰਗ ਨੂੰ ਸਾਵਧਾਨੀ ਵਜੋਂ ਬੰਦ ਕਰ ਦਿੱਤਾ ਹੈ।