- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਆਜ਼ਾਦੀ ਦਿਹਾੜੇ 'ਤੇ ਰਾਸ਼ਟਰਪਤੀ ਨੇ ਆਰਮੀ ਡੌਗ ਨੂੰ ਕੀਤਾ ਸਨਮਾਨਿਤ, ਅੱਤਵਾਦੀਆਂ ਦੀ ਗੋਲੀਬਾਰੀ ’ਚ ਹੋਇਆ ਸੀ ਜ਼ਖ਼ਮੀ
ਸ਼ੁੱਕਰਵਾਰ ਨੂੰ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਵੱਲੋਂ ਮਨਜ਼ੂਰ ਕੀਤੇ ਗਏ 89 ਮੈਂਸ਼ਨ-ਇਨ-ਡਿਸਪੈਚਿਜ਼ (MiD) ਵਿੱਚ ਰਿਮਾਉਂਟ ਵੈਟਰਨਰੀ ਕੋਰ ਦੇ ਜਰਮਨ ਸ਼ੇਫ਼ਰਡ ਕੁੱਤੇ ਟਾਇਸਨ ਦਾ ਨਾਂ ਵੀ ਸ਼ਾਮਲ ਹੈ। MiD ਲਈ ਚੁਣੇ ਗਏ 89 ਮੈਂਬਰਾਂ ’ਚ ਉਹ ਇਕੱਲਾ ਪਸ਼ੂ ਹੀਰੋ ਹੈ। MiD ਇੱਕ ਫ਼ੌਜੀ ਸਨਮਾਨ ਹੈ ਜੋ ਜੰਗ ਦੇ ਮੈਦਾਨ ’ਚ ਬਹਾਦਰੀ ਅਤੇ ਸ਼ਾਨਦਾਰ ਸੇਵਾ ਲਈ ਦਿੱਤਾ ਜਾਂਦਾ ਹੈ।
Posted By Anuradha Bains
Publish Date: Sun, 16 Aug 2026 02:22 PM (IST)
Updated Date: Sun, 16 Aug 2026 02:26 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਇਸ ਸਾਲ ਦੇ ਸ਼ੁਰੂ ’ਚ ਜੰਮੂ-ਕਸ਼ਮੀਰ ’ਚ ਆਪ੍ਰੇਸ਼ਨ ਰੱਖਿਅਕ ਤਹਿਤ ਅੱਤਵਾਦ ਵਿਰੋਧੀ ਮੁਹਿੰਮ ਦੌਰਾਨ ਬਹਾਦਰੀ ਅਤੇ ਅਸਾਧਾਰਨ ਸਾਹਸ ਦਿਖਾਉਣ ਲਈ ਭਾਰਤੀ ਫ਼ੌਜ ਦੇ 2 ਪੈਰਾ ਸਪੈਸ਼ਲ ਫ਼ੋਰਸਿਜ਼ ਨਾਲ ਜੁੜੇ ਅਸਲੌਟ ਡੌਗ ਟਾਇਸਨ ਨੂੰ ਆਜ਼ਾਦੀ ਦਿਹਾੜੇ ਦੇ ਸਮਾਰੋਹ ਦੌਰਾਨ ਸਨਮਾਨਿਤ ਕੀਤਾ ਗਿਆ ਹੈ।
ਸ਼ੁੱਕਰਵਾਰ ਨੂੰ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਵੱਲੋਂ ਮਨਜ਼ੂਰ ਕੀਤੇ ਗਏ 89 ਮੈਂਸ਼ਨ-ਇਨ-ਡਿਸਪੈਚਿਜ਼ (MiD) ਵਿੱਚ ਰਿਮਾਉਂਟ ਵੈਟਰਨਰੀ ਕੋਰ ਦੇ ਜਰਮਨ ਸ਼ੇਫ਼ਰਡ ਕੁੱਤੇ ਟਾਇਸਨ ਦਾ ਨਾਂ ਵੀ ਸ਼ਾਮਲ ਹੈ। MiD ਲਈ ਚੁਣੇ ਗਏ 89 ਮੈਂਬਰਾਂ ’ਚ ਉਹ ਇਕੱਲਾ ਪਸ਼ੂ ਹੀਰੋ ਹੈ। MiD ਇੱਕ ਫ਼ੌਜੀ ਸਨਮਾਨ ਹੈ ਜੋ ਜੰਗ ਦੇ ਮੈਦਾਨ ’ਚ ਬਹਾਦਰੀ ਅਤੇ ਸ਼ਾਨਦਾਰ ਸੇਵਾ ਲਈ ਦਿੱਤਾ ਜਾਂਦਾ ਹੈ।
ਅੱਤਵਾਦੀਆਂ ਦੇ ਟਿਕਾਣਿਆਂ ਦਾ ਲਗਾਇਆ ਸੀ ਪਤਾ
ਇਸ ਸਾਲ 22 ਫ਼ਰਵਰੀ ਨੂੰ ਜੰਮੂ-ਕਸ਼ਮੀਰ ਦੇ ਕਿਸ਼ਤਵਾੜ ਜ਼ਿਲ੍ਹੇ ਦੇ ਛੱਤਰੂ ਇਲਾਕੇ ’ਚ ਆਪ੍ਰੇਸ਼ਨ ਤ੍ਰਾਸ਼ੀ-1 ਦੌਰਾਨ ਟਾਇਸਨ ਨੇ ਫ਼ੌਜੀਆਂ ਤੋਂ ਅੱਗੇ ਵਧ ਕੇ ਜਾਇਜ਼ਾ ਲਿਆ ਅਤੇ ਅੱਤਵਾਦੀਆਂ ਦੇ ਇੱਕ ਟਿਕਾਣੇ ਦਾ ਪਤਾ ਲਗਾਇਆ।
ਫ਼ੌਜ ਨੇ ਟਵੀਟ ਕੀਤਾ, "ਅੱਤਵਾਦੀਆਂ ਦੇ ਟਿਕਾਣੇ ’ਚ ਦਾਖ਼ਲ ਹੁੰਦੇ ਸਮੇਂ ਸਭ ਤੋਂ ਅੱਗੇ ਰਹਿੰਦਿਆਂ ਪਹਿਲੀ ਗੋਲੀ ਖਾ ਕੇ ਟਾਇਸਨ ਨੇ ਅਸਾਧਾਰਨ ਸਾਹਸ ਦਾ ਪ੍ਰਦਰਸ਼ਨ ਕੀਤਾ। ਜ਼ਖ਼ਮੀ ਹੋਣ ਦੇ ਬਾਵਜੂਦ, ਉਹ ਅੱਗੇ ਵਧਿਆ ਅਤੇ ਜ਼ਬਰਦਸਤ ਹਮਲਾ ਕੀਤਾ, ਜਿਸ ਨਾਲ ਅੱਤਵਾਦੀ ਗੋਲੀਬਾਰੀ ਕਰਨ ਲਈ ਮਜਬੂਰ ਹੋ ਗਏ।"
ਨਿਡਰ ਆਰਮੀ ਡੌਗ ਨੇ ਕੀਤਾ ਅੱਤਵਾਦੀਆਂ ਦੀਆਂ ਗੋਲੀਆਂ ਦਾ ਸਾਹਮਣਾ
ਟਾਇਸਨ ਦੀ ਬਹਾਦਰੀ ਬਾਰੇ ਦੱਸਦਿਆਂ ਫ਼ੌਜ ਨੇ 'ਐਕਸ' (X) 'ਤੇ ਕਿਹਾ, "ਉਸਦੇ ਨਿਡਰ ਐਕਸ਼ਨ ਦੀ ਵਜ੍ਹਾ ਨਾਲ ਵ੍ਹਾਈਟ ਨਾਈਟ ਕਾਰਪਸ, ਜੰਮੂ-ਕਸ਼ਮੀਰ ਪੁਲਿਸ ਅਤੇ CRPF ਦੇ ਜਵਾਨਾਂ ਨੂੰ ਪਾਕਿਸਤਾਨ ਸਮਰਥਿਤ ਤਿੰਨ ਅੱਤਵਾਦੀਆਂ ਨੂੰ ਸਟੀਕ ਤਰੀਕੇ ਨਾਲ ਨਿਸ਼ਾਨਾ ਬਣਾਉਣ ਅਤੇ ਉਨ੍ਹਾਂ ਨੂੰ ਢੇਰ ਕਰਨ ’ਚ ਮਦਦ ਮਿਲੀ।" ਬਾਅਦ ’ਚ ਟਾਇਸਨ ਨੂੰ ਐਮਰਜੈਂਸੀ ਇਲਾਜ ਲਈ ਊਧਮਪੁਰ ਦੇ ਕਮਾਂਡ ਹਸਪਤਾਲ ਲਿਜਾਇਆ ਗਿਆ ਅਤੇ ਹੁਣ ਉਹ ਠੀਕ ਹੋ ਗਿਆ ਹੈ।
ਫੌਜ ਨੇ ਕਿਹਾ,"ਆਪਣੀਆਂ ਸੱਟਾਂ ਦੇ ਬਾਵਜੂਦ, ਟਾਈਸਨ ਉੱਚ ਮਨੋਬਲ, ਸੁਚੇਤ ਅਤੇ ਤੇਜ਼ੀ ਨਾਲ ਠੀਕ ਹੋ ਰਿਹਾ ਹੈ ਅਤੇ ਡਿਊਟੀ ਪ੍ਰਤੀ ਅਟੁੱਟ ਸਮਰਪਣ ਦੀ ਇੱਕ ਚਮਕਦਾਰ ਉਦਾਹਰਣ ਹੈ। ਉਹ ਸ਼ਬਦ ਦੇ ਹਰ ਅਰਥ ਵਿੱਚ ਇੱਕ ਸੱਚਾ ਯੋਧਾ ਅਤੇ ਸਿਪਾਹੀ ਹੈ।"
ਟਾਇਸਨ ਫ਼ੌਜ ਦੇ ਉਨ੍ਹਾਂ ਖ਼ਾਸ ਅਸਲੌਟ ਡੌਗਜ਼ (ਹਮਲਾ ਕਰਨ ਵਾਲੇ ਕੁੱਤਿਆਂ) ਦੀ ਟੀਮ ਦਾ ਹਿੱਸਾ ਹੈ, ਜਿਨ੍ਹਾਂ ਨੂੰ ਬਹੁਤ ਜੋਖ਼ਮ ਵਾਲੇ ਆਪ੍ਰੇਸ਼ਨਾਂ ਲਈ ਫ਼ੌਜੀਆਂ ਦੀ ਤਰ੍ਹਾਂ ਟ੍ਰੇਨਿੰਗ ਦਿੱਤੀ ਜਾਂਦੀ ਹੈ। ਇਨ੍ਹਾਂ ਦੀ ਵਰਤੋਂ ਅਜਿਹੀਆਂ ਸਥਿਤੀਆਂ ’ਚ ਕੀਤੀ ਜਾਂਦੀ ਹੈ ਜਿੱਥੇ ਕਿਸੇ ਫੌਜੀ ਨੂੰ ਤੁਰੰਤ ਖ਼ਤਰਾ ਹੋ ਸਕਦਾ ਹੈ, ਜਿਵੇਂ ਕਿ ਲੁਕੇ ਹੋਏ ਅੱਤਵਾਦੀਆਂ ਦਾ ਪਤਾ ਲਗਾਉਣਾ ਅਤੇ ਖ਼ਤਰਿਆਂ ਨੂੰ ਪਛਾਣਨਾ।