ਮੁਸ਼ਕਲਾਂ ’ਚ ਸੋਸ਼ਲ ਮੀਡੀਆ ਸਟਾਰ! ਵਾਇਰਲ ਹੋਣ ਦੀ ਚਾਹਤ ਨੇ ਇਨਫਲੂਐਂਸਰਾਂ ਨੂੰ ਕਿਵੇਂ ਫਸਾਇਆ ਕਾਨੂੰਨੀ ਪਚੜਿਆਂ ’ਚ ?

ਪੁਲਿਸ ਨੂੰ ਇੱਕ ਪਿਤਾ ਵੱਲੋਂ ਸ਼ਿਕਾਇਤ ਮਿਲੀ ਸੀ ਕਿ ਉਸ ਨੇ ਸੋਸ਼ਲ ਮੀਡੀਆ ’ਤੇ ਆਪਣੀਆਂ ਨਾਬਾਲਗ ਧੀਆਂ ਦੇ ਸਕੂਟਰ ਨੂੰ ਟੱਕਰ ਮਾਰਨ ਵਾਲੀ ਵੀਡੀਓ ਦੇਖੀ ਸੀ। ਇਸ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ। ਜਾਂਚ ਦੌਰਾਨ ਦੋਸ਼ ਸਾਹਮਣੇ ਆਇਆ ਕਿ ਗੁਰਮਨ ਪਹਿਲਾਂ ਨਾਬਾਲਗ ਲੜਕੀਆਂ ਨੂੰ ਟੱਕਰ ਮਾਰਦਾ ਸੀ ਅਤੇ ਸ਼ੱਕ ਤੋਂ ਬਚਣ ਲਈ ‘ਸੌਰੀ ਦੀਦੀ’ ਕਹਿ ਦਿੰਦਾ ਸੀ। ਇਸ ਦੌਰਾਨ ਉਹ ਚੁੱਪ-ਚਾਪ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ’ਤੇ ਅਪਲੋਡ ਕਰਦਾ ਅਤੇ ਪੈਸੇ ਕਮਾਉਂਦਾ ਸੀ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਰਿਪੋਰਟ ਮੁਤਾਬਕ, ਗੁਰਮਨ ਨੂੰ ਹੁਣ ਪੋਕਸੋ ਐਕਟ ਵਰਗੇ ਗੰਭੀਰ ਕਾਨੂੰਨ ਤਹਿਤ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।