- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਾਜਪਾ ਆਗੂ 'ਤੇ ਟੁੱਟਿਆ ਦੁੱਖਾਂ ਦਾ ਪਹਾੜ, ਪਤਨੀ ਤੇ ਇੰਜੀਨੀਅਰ ਪੁੱਤਰ ਦੀ ਦਰਦਨਾਕ ਮੌਤ; ਜਾਂਚ 'ਚ ਜੁਟੀ ਪੁਲਿਸ
ਯਮੁਨਾ ਐਕਸਪ੍ਰੈਸਵੇਅ ’ਤੇ ਬੁੱਧਵਾਰ ਦੇਰ ਰਾਤ ਸਲੀਪਰ ਬੱਸ 'ਚ ਅੱਗ ਲੱਗਣ ਦੀ ਘਟਨਾ 'ਚ ਚਰਖਾਰੀ ਕਸਬੇ ਦੇ ਛੈਲਬਿਹਾਰੀ ਮੁਹੱਲਾ ਵਾਸੀ ਭਾਜਪਾ ਜ਼ਿਲ੍ਹਾ ਖ਼ਜ਼ਾਨਚੀ ਨੀਰਜ ਗੁਪਤਾ ਦੀ 50 ਸਾਲਾ ਪਤਨੀ ਸੁਨੀਤਾ ਅਤੇ 25 ਸਾਲਾ ਪੁੱਤਰ ਸ਼ਸ਼ਾਂਕ ਦੀ ਮੌਤ ਹੋ ਗਈ। ਵੀਰਵਾਰ ਨੂੰ ਦਿਨ ਭਰ ਸਥਿਤੀ ਸਪੱਸ਼ਟ ਨਹੀਂ ਹੋ ਸਕੀ ਸੀ, ਪਰ ਸ਼ੁੱਕਰਵਾਰ ਸਵੇਰੇ ਫੋਰੈਂਸਿਕ ਜਾਂਚ ਦੀ ਰਿਪੋਰਟ ਆਉਣ ਤੋਂ ਬਾਅਦ ਦੋਵਾਂ ਦੀ ਮੌਤ ਦੀ ਪੁਸ਼ਟੀ ਹੋਈ। ਖ਼ਬਰ ਮਿਲਦੇ ਹੀ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੋ ਗਿਆ ਅਤੇ ਘਰ ’ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।
Posted By Sunita
Publish Date: Fri, 25 Sep 2026 03:05 PM (IST)
Updated Date: Fri, 25 Sep 2026 03:06 PM (IST)
ਜਾਗਰਣ ਸੰਵਾਦਦਾਤਾ, ਮਹੋਬਾ - ਯਮੁਨਾ ਐਕਸਪ੍ਰੈਸਵੇਅ ’ਤੇ ਬੁੱਧਵਾਰ ਦੇਰ ਰਾਤ ਸਲੀਪਰ ਬੱਸ 'ਚ ਅੱਗ ਲੱਗਣ ਦੀ ਘਟਨਾ 'ਚ ਚਰਖਾਰੀ ਕਸਬੇ ਦੇ ਛੈਲਬਿਹਾਰੀ ਮੁਹੱਲਾ ਵਾਸੀ ਭਾਜਪਾ ਜ਼ਿਲ੍ਹਾ ਖ਼ਜ਼ਾਨਚੀ ਨੀਰਜ ਗੁਪਤਾ ਦੀ 50 ਸਾਲਾ ਪਤਨੀ ਸੁਨੀਤਾ ਅਤੇ 25 ਸਾਲਾ ਪੁੱਤਰ ਸ਼ਸ਼ਾਂਕ ਦੀ ਮੌਤ ਹੋ ਗਈ। ਵੀਰਵਾਰ ਨੂੰ ਦਿਨ ਭਰ ਸਥਿਤੀ ਸਪੱਸ਼ਟ ਨਹੀਂ ਹੋ ਸਕੀ ਸੀ, ਪਰ ਸ਼ੁੱਕਰਵਾਰ ਸਵੇਰੇ ਫੋਰੈਂਸਿਕ ਜਾਂਚ ਦੀ ਰਿਪੋਰਟ ਆਉਣ ਤੋਂ ਬਾਅਦ ਦੋਵਾਂ ਦੀ ਮੌਤ ਦੀ ਪੁਸ਼ਟੀ ਹੋਈ। ਖ਼ਬਰ ਮਿਲਦੇ ਹੀ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੋ ਗਿਆ ਅਤੇ ਘਰ ’ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।
ਵਪਾਰੀ ਨੀਰਜ ਗੁਪਤਾ ਕਸਬੇ 'ਚ ਮੈਡੀਕਲ ਸਟੋਰ ਚਲਾਉਂਦੇ ਹਨ। ਉਨ੍ਹਾਂ ਦੱਸਿਆ ਕਿ ਬੁੱਧਵਾਰ ਰਾਤ ਕਰੀਬ ਸਾਢੇ 10 ਵਜੇ ਉਨ੍ਹਾਂ ਦੀ ਆਪਣੀ ਪਤਨੀ ਨਾਲ ਫੋਨ ’ਤੇ ਗੱਲ ਹੋਈ ਸੀ। ਇਸ ਤੋਂ ਬਾਅਦ ਬੱਸ ਹਾਦਸੇ ਦੀ ਖ਼ਬਰ ਮਿਲੀ ਅਤੇ ਪਰਿਵਾਰ ਨਾਲ ਸੰਪਰਕ ਟੁੱਟ ਗਿਆ।
ਇੰਡੀਗੋ ਏਅਰਲਾਈਨਜ਼ 'ਚ ਇੰਜੀਨੀਅਰ ਸੀ ਸ਼ਸ਼ਾਂਕ
ਸ਼ਸ਼ਾਂਕ ਦਿੱਲੀ 'ਚ ਇੰਡੀਗੋ ਏਅਰਲਾਈਨਜ਼ 'ਚ ਇੰਜੀਨੀਅਰ ਵਜੋਂ ਕੰਮ ਕਰਦਾ ਸੀ। ਉਹ ਆਪਣੀ ਮਾਂ ਦੇ ਨਾਲ ਡਬਲ ਡੈਕਰ ਬੱਸ ਰਾਹੀਂ ਚਰਖਾਰੀ ਆ ਰਿਹਾ ਸੀ। ਟਰੇਨ 'ਚ ਰਿਜ਼ਰਵੇਸ਼ਨ ਨਾ ਮਿਲਣ ਕਾਰਨ ਦੋਵਾਂ ਨੇ ਰਾਜ ਕਲਪਨਾ ਟ੍ਰੈਵਲਜ਼ ਦੀ ਬੱਸ ਰਾਹੀਂ ਸਫ਼ਰ ਕਰਨ ਦਾ ਫ਼ੈਸਲਾ ਕੀਤਾ ਸੀ।
ਹਾਦਸੇ ਤੋਂ ਬਾਅਦ ਨੀਰਜ ਦੇ ਭਰਾ ਅਜੇ ਗੁਪਤਾ ਅਤੇ ਛੋਟਾ ਪੁੱਤਰ ਨਿਖਿਲ ਮੌਕੇ ’ਤੇ ਪਹੁੰਚੇ, ਪਰ ਰਾਤ ਭਰ ਸਥਿਤੀ ਸਪੱਸ਼ਟ ਨਹੀਂ ਹੋ ਸਕੀ। ਸ਼ੁੱਕਰਵਾਰ ਸਵੇਰੇ ਫੋਰੈਂਸਿਕ ਜਾਂਚ ਦੀ ਰਿਪੋਰਟ ਆਉਣ ਤੋਂ ਬਾਅਦ ਮਾਂ-ਪੁੱਤਰ ਦੀ ਮੌਤ ਦੀ ਪੁਸ਼ਟੀ ਹੋਈ। ਨੀਰਜ ਦੇ ਭਰਾ ਅਜੇ ਨੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਏਆਰਟੀਓ ਦਯਾ ਸ਼ੰਕਰ ਨੇ ਦੱਸਿਆ ਕਿ ਬੱਸ ਦਾ ਮਾਲਕ ਦਿੱਲੀ ਦਾ ਰਹਿਣ ਵਾਲਾ ਹੈ ਅਤੇ ਬੱਸ ਬਿਹਾਰ ਦੇ ਮਧੁਬਨੀ 'ਚ ਰਜਿਸਟਰਡ ਹੈ। ਮਹੋਬਾ 'ਚ ਇਸ ਬੱਸ ਦਾ ਕੋਈ ਚਲਾਨ ਨਹੀਂ ਹੋਇਆ ਹੈ।