ਇਸ ਵਾਰ ਸਰਦੀਆਂ 'ਚ ਵੀ ਪਏਗੀ ਗਰਮੀ! ਅਲਨੀਨੋ ਦੇ ਅਸਰ ਨਾਲ ਬਦਲੇਗਾ ਮੌਸਮ ਦਾ ਮਿਜਾਜ਼

ਅਲਨੀਨੋ ਦਾ ਅਸਰ ਹੁਣੇ ਤੋਂ ਦਿਸਣ ਲੱਗਾ ਹੈ। ਦੇਸ਼ ’ਚ ਹੁਣ ਤੱਕ ਬਾਰਿਸ਼ ਸਾਧਾਰਨ ਤੋਂ ਕਰੀਬ 13 ਫ਼ੀਸਦੀ ਘੱਟ ਰਹੀ ਹੈ। ਸਕਾਈਮੇਟ ਨੇ ਆਪਣੇ ਸ਼ੁਰੂਆਤੀ ਅਨੁਮਾਨ ਨੂੰ ਘਟਾ ਕੇ ਪੂਰੇ ਮੌਨਸੂਨ ’ਚ ਲੰਬੇ ਸਮੇਂ ਦੇ ਔਸਤ ਦੇ 85 ਫ਼ੀਸਦੀ ਤੱਕ ਕਰ ਦਿੱਤਾ ਹੈ ਤੇ ਸੋਕੇ ਵਰਗੀ ਸਥਿਤੀ ਦਾ ਖ਼ਦਸ਼ਾ 70 ਫ਼ੀਸਦੀ ਦੱਸਿਆ ਹੈ। ਅਪ੍ਰੈਲ ’ਚ ਉਸ ਦਾ ਅਨੁਮਾਨ 94 ਫ਼ੀਸਦੀ ਸੀ। ਮੌਸਮ ਵਿਭਾਗ ਦਾ ਅਨੁਮਾਨ ਵੀ ਚਿੰਤਾ ਵਧਾਉਣ ਵਾਲਾ ਹੈ। ਉਸ ਨੇ ਪੂਰੇ ਮੌਨਸੂਨ ਸੈਸ਼ਨ ਲਈ ਬਾਰਿਸ਼ ਦਾ ਅਨੁਮਾਨ ਐੱਲਪੀਏ ਦੇ 90 ਫ਼ੀਸਦੀ ’ਤੇ ਰੱਖਿਆ ਹੈ ਤੇ ਸਾਧਾਰਨ ਤੋਂ ਘੱਟ ਜਾਂ ਘੱਟ ਬਾਰਿਸ਼ ਦੀ ਸ਼੍ਰੇਣੀ ’ਚ ਜਾਣ ਦੀ ਕੁੱਲ ਸੰਭਾਵਨਾ 84 ਫ਼ੀਸਦੀ ਦੱਸੀ ਹੈ। ਘੱਟ ਬਾਰਿਸ਼ ਦਾ ਸਿੱਧਾ ਅਸਰ ਖੇਤੀ ’ਤੇ ਪਵੇਗਾ, ਕਿਉਂਕਿ ਦੇਸ਼ ਦੀ ਸਾਲਾਨਾ ਬਾਰਿਸ਼ ਦਾ ਵੱਡਾ ਹਿੱਸਾ ਇਨ੍ਹਾਂ ਚਾਰ ਮਹੀਨਿਆਂ ’ਚ ਆਉਂਦਾ ਹੈ ਤੇ ਸਾਉਣੀ ਫ਼ਸਲਾਂ ਇਸੇ ’ਤੇ ਨਿਰਭਰ ਕਰਦੀਆਂ ਹਨ।