- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੁਰੱਖਿਆ ਏਜੰਸੀਆਂ ਨੂੰ ਪਈ ਹੱਥਾਂ-ਪੈਰਾਂ ਦੀ : CM ਦੀ ਕੋਠੀ 'ਚ ਵੜਿਆ ਨਸ਼ੇੜੀ, ਹਲਚਲ ਮਚਣ ਮਗਰੋਂ ਪੁਲਿਸ ਨੇ ਦਬੋਚਿਆ
ਰਿਆਸੀ ਜ਼ਿਲ੍ਹੇ ਦੇ ਕਕਰਿਆਲ ਇਲਾਕੇ ਦੇ ਰਹਿਣ ਵਾਲੇ ਇੱਕ ਨੌਜਵਾਨ ਵੱਲੋਂ ਪਿਛਲੇ ਹਫ਼ਤੇ ਜੰਮੂ ਦੇ ਵਜ਼ਾਰਤ ਰੋਡ ਸਥਿਤ ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਦੇ ਸਰਕਾਰੀ ਨਿਵਾਸ 'ਚ ਕਥਿਤ ਤੌਰ ’ਤੇ ਘੁਸਪੈਠ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮੁੱਖ ਮੰਤਰੀ ਨਿਵਾਸ ਦੀ ਸੁਰੱਖਿਆ 'ਚ ਤਾਇਨਾਤ ਵਿਸ਼ੇਸ਼ ਸੁਰੱਖਿਆ ਸਮੂਹ (SSG) ਦੇ ਜਵਾਨਾਂ ਨੇ ਉਕਤ ਨੌਜਵਾਨ ਨੂੰ ਫੜ ਕੇ ਗੁੱਜਰ ਨਗਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।
Posted By Sunita
Publish Date: Tue, 08 Sep 2026 10:27 AM (IST)
Updated Date: Tue, 08 Sep 2026 10:28 AM (IST)
ਰਾਜ ਬਿਊਰੋ, ਜੰਮੂ - ਰਿਆਸੀ ਜ਼ਿਲ੍ਹੇ ਦੇ ਕਕਰਿਆਲ ਇਲਾਕੇ ਦੇ ਰਹਿਣ ਵਾਲੇ ਇੱਕ ਨੌਜਵਾਨ ਵੱਲੋਂ ਪਿਛਲੇ ਹਫ਼ਤੇ ਜੰਮੂ ਦੇ ਵਜ਼ਾਰਤ ਰੋਡ ਸਥਿਤ ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਦੇ ਸਰਕਾਰੀ ਨਿਵਾਸ 'ਚ ਕਥਿਤ ਤੌਰ ’ਤੇ ਘੁਸਪੈਠ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮੁੱਖ ਮੰਤਰੀ ਨਿਵਾਸ ਦੀ ਸੁਰੱਖਿਆ 'ਚ ਤਾਇਨਾਤ ਵਿਸ਼ੇਸ਼ ਸੁਰੱਖਿਆ ਸਮੂਹ (SSG) ਦੇ ਜਵਾਨਾਂ ਨੇ ਉਕਤ ਨੌਜਵਾਨ ਨੂੰ ਫੜ ਕੇ ਗੁੱਜਰ ਨਗਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।
ਅਧਿਕਾਰੀਆਂ ਮੁਤਾਬਕ ਨੌਜਵਾਨ ਦੀ ਪਛਾਣ ਤਿਲਕ ਰਾਜ, ਵਾਸੀ ਕਕਰਿਆਲ, ਜ਼ਿਲ੍ਹਾ ਰਿਆਸੀ ਵਜੋਂ ਹੋਈ ਹੈ। ਦੱਸਿਆ ਗਿਆ ਕਿ ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਗੁੱਜਰ ਨਗਰ ਪੁਲਿਸ ਨੇ ਉਸ ਨੂੰ ਨਸ਼ੇ ਦੀ ਹਾਲਤ 'ਚ ਫੜਿਆ ਸੀ। ਹਾਲਾਂਕਿ, ਅਗਲੇ ਦਿਨ ਜ਼ਮਾਨਤੀ ਅਪਰਾਧ ਹੋਣ ਕਾਰਨ ਉਸ ਨੂੰ ਜ਼ਮਾਨਤ ’ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ। ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਤਿਲਕ ਰਾਜ ਮੁੱਖ ਮੰਤਰੀ ਦੇ ਨਿਵਾਸ 'ਚ ਦਾਖ਼ਲ ਹੋਇਆ, ਉਸ ਸਮੇਂ ਉਹ ਪੁਲਿਸ ਹਿਰਾਸਤ 'ਚ ਨਹੀਂ ਸੀ, ਸਗੋਂ ਪਹਿਲਾਂ ਹੀ ਜ਼ਮਾਨਤ ’ਤੇ ਬਾਹਰ ਆ ਚੁੱਕਾ ਸੀ। ਅਧਿਕਾਰੀਆਂ ਦੇ ਅਨੁਸਾਰ, ਤਿਲਕ ਰਾਜ ਖ਼ਿਲਾਫ਼ ਨਾਰਕੋਟਿਕ ਡਰੱਗਜ਼ ਐਂਡ ਸਾਈਕੋਟ੍ਰੋਪਿਕ ਸਬਸਟੈਂਸ ਐਕਟ (NDPS Act) ਦੀ ਧਾਰਾ 8/27 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਹ ਅਪਰਾਧ ਜ਼ਮਾਨਤੀ ਹੋਣ ਕਾਰਨ ਉਸ ਦੇ ਪਿਤਾ ਵੱਲੋਂ ਜ਼ਮਾਨਤੀ ਬਾਂਡ ਪੇਸ਼ ਕੀਤੇ ਜਾਣ ਤੋਂ ਬਾਅਦ ਸ਼ੁੱਕਰਵਾਰ ਸ਼ਾਮ ਤੋਂ ਪਹਿਲਾਂ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ।
ਹਾਲਾਂਕਿ, ਪੁਲਿਸ ਪੋਸਟ ਤੋਂ ਨਿਕਲਣ ਤੋਂ ਪਹਿਲਾਂ ਪੋਸਟ ਇੰਚਾਰਜ ਨੇ ਤਿਲਕ ਰਾਜ ਦੇ ਪਿਤਾ ਨੂੰ ਇੱਕ ਸਥਾਨਕ ਵਿਅਕਤੀ ਨੂੰ ਜ਼ਮਾਨਤਦਾਰ ਵਜੋਂ ਲਿਆਉਣ ਲਈ ਕਿਹਾ। ਇਹ ਵਿਅਕਤੀ ਪੁਲਿਸ ਵੱਲੋਂ ਬੁਲਾਏ ਜਾਣ ’ਤੇ ਤਿਲਕ ਰਾਜ ਦੀ ਥਾਣੇ ਜਾਂ ਪੁਲਿਸ ਪੋਸਟ 'ਚ ਹਾਜ਼ਰੀ ਯਕੀਨੀ ਬਣਾਉਣ ਵਾਲਾ ਸੀ।
ਜ਼ਮਾਨਤ ਤੋਂ ਬਾਅਦ ਕੰਧ ਟੱਪ ਕੇ ਮੁੱਖ ਮੰਤਰੀ ਦੇ ਘਰ 'ਚ ਦਾਖ਼ਲ ਹੋਇਆ
ਅਧਿਕਾਰੀਆਂ ਮੁਤਾਬਕ, ਜਦੋਂ ਤਿਲਕ ਰਾਜ ਦੇ ਪਿਤਾ ਸਥਾਨਕ ਜ਼ਮਾਨਤਦਾਰ ਨੂੰ ਲਿਆਉਣ ਲਈ ਗਏ, ਉਸੇ ਦੌਰਾਨ ਜ਼ਮਾਨਤ ’ਤੇ ਰਿਹਾਅ ਹੋ ਚੁੱਕਾ ਤਿਲਕ ਰਾਜ ਅਚਾਨਕ ਪੁਲਿਸ ਪੋਸਟ ਦੇ ਸਾਹਮਣੇ ਸਥਿਤ ਪਹਾੜੀ ’ਤੇ ਚੜ੍ਹ ਗਿਆ। ਇਸ ਤੋਂ ਬਾਅਦ ਉਸ ਨੇ ਪਿੱਛੇ ਵਾਲੀ ਕੰਧ ਟੱਪ ਕੇ ਮੁੱਖ ਮੰਤਰੀ ਦੇ ਸਰਕਾਰੀ ਨਿਵਾਸ 'ਚ ਦਾਖ਼ਲ ਹੋ ਗਿਆ।
ਮੁੱਖ ਮੰਤਰੀ ਨਿਵਾਸ 'ਚ ਤਾਇਨਾਤ SSG ਦੇ ਜਵਾਨਾਂ ਨੇ ਉਸ ਨੂੰ ਤੁਰੰਤ ਪਛਾਣ ਲਿਆ ਅਤੇ ਫੜ ਲਿਆ। ਮੁੱਢਲੀ ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਮੁੜ ਗੁੱਜਰ ਨਗਰ ਪੁਲਿਸ ਪੋਸਟ ਦੇ ਹਵਾਲੇ ਕਰ ਦਿੱਤਾ ਗਿਆ। ਪੁਲਿਸ ਅਧਿਕਾਰੀਆਂ ਦੇ ਅਨੁਸਾਰ, ਮੁੱਖ ਮੰਤਰੀ ਦੇ ਨਿਵਾਸ 'ਚ ਕਥਿਤ ਘੁਸਪੈਠ ਦੇ ਮਾਮਲੇ 'ਚ ਤਿਲਕ ਰਾਜ ਖ਼ਿਲਾਫ਼ ਅਣਅਧਿਕਾਰਤ ਦਾਖ਼ਲੇ (Unauthorized Entry) ਦਾ ਮਾਮਲਾ ਦਰਜ ਕੀਤਾ ਗਿਆ। ਇਹ ਅਪਰਾਧ ਵੀ ਜ਼ਮਾਨਤੀ ਹੋਣ ਕਾਰਨ ਉਸ ਨੂੰ ਬਾਅਦ 'ਚ ਜ਼ਮਾਨਤ ’ਤੇ ਰਿਹਾਅ ਕਰ ਦਿੱਤਾ ਗਿਆ।