- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
15 ਅਗਸਤ ਨੂੰ ਖੁੱਲ੍ਹਣਗੇ 'ਆਪ੍ਰੇਸ਼ਨ ਸਿੰਦੂਰ' ਦੇ ਸਭ ਤੋਂ ਵੱਡੇ ਤੇ ਅਣਕਹੇ ਰਾਜ਼, ਡਿਸਕਵਰੀ ਚੈਨਲ 'ਤੇ ਆ ਰਹੀ ਹੈ ਡੋਕੂਮੈਂਟਰੀ ਸੀਰੀਜ਼
ਭਾਰਤ ਦੀ ਅੱਤਵਾਦ ਵਿਰੋਧੀ ਮੁਹਿੰਮ 'ਆਪ੍ਰੇਸ਼ਨ ਸਿੰਦੂਰ' ਨੂੰ ਇੱਕ ਦਸਤਾਵੇਜ਼ੀ ਸੀਰੀਜ਼ 'ਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਇਹ ਇਸ ਮਸ਼ਹੂਰ ਫੌਜੀ ਕਾਰਵਾਈ ਦੇ ਪਿੱਛੇ ਦੀ ਕਹਾਣੀ ਨੂੰ ਉਜਾਗਰ ਕਰੇਗੀ। 'ਡੀਕਲਾਸੀਫਾਈਡ: ਆਪ੍ਰੇਸ਼ਨ ਸਿੰਦੂਰ' ਸੀਰੀਜ਼ ਦਾ ਪਹਿਲਾ ਲੁੱਕ ਸ਼ੁੱਕਰਵਾਰ ਨੂੰ ਜਾਰੀ ਕੀਤਾ ਗਿਆ। ਇਸ 'ਚ ਭਾਰਤ ਦੀ ਫੌਜੀ ਲੀਡਰਸ਼ਿਪ, ਜ਼ਮੀਨੀ ਪੱਧਰ ਦੇ ਸਿਪਾਹੀ, ਰੱਖਿਆ ਮਾਹਰ ਅਤੇ ਪੱਤਰਕਾਰ ਸ਼ਾਮਲ ਹਨ, ਜੋ 88 ਘੰਟੇ ਚੱਲੇ ਸੰਘਰਸ਼ ਦੌਰਾਨ ਪਰਦੇ ਪਿੱਛੇ ਦੀਆਂ ਗਤੀਵਿਧੀਆਂ 'ਤੇ ਰੌਸ਼ਨੀ ਪਾਉਂਦੇ ਹਨ।
Posted By Sunita
Publish Date: Sat, 01 Aug 2026 08:43 AM (IST)
Updated Date: Sat, 01 Aug 2026 08:46 AM (IST)
ਆਈਏਐਨਐਸ, ਮੁੰਬਈ - ਭਾਰਤ ਦੀ ਅੱਤਵਾਦ ਵਿਰੋਧੀ ਮੁਹਿੰਮ 'ਆਪ੍ਰੇਸ਼ਨ ਸਿੰਦੂਰ' ਨੂੰ ਇੱਕ ਦਸਤਾਵੇਜ਼ੀ ਸੀਰੀਜ਼ 'ਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਇਹ ਇਸ ਮਸ਼ਹੂਰ ਫੌਜੀ ਕਾਰਵਾਈ ਦੇ ਪਿੱਛੇ ਦੀ ਕਹਾਣੀ ਨੂੰ ਉਜਾਗਰ ਕਰੇਗੀ। 'ਡੀਕਲਾਸੀਫਾਈਡ: ਆਪ੍ਰੇਸ਼ਨ ਸਿੰਦੂਰ' ਸੀਰੀਜ਼ ਦਾ ਪਹਿਲਾ ਲੁੱਕ ਸ਼ੁੱਕਰਵਾਰ ਨੂੰ ਜਾਰੀ ਕੀਤਾ ਗਿਆ। ਇਸ 'ਚ ਭਾਰਤ ਦੀ ਫੌਜੀ ਲੀਡਰਸ਼ਿਪ, ਜ਼ਮੀਨੀ ਪੱਧਰ ਦੇ ਸਿਪਾਹੀ, ਰੱਖਿਆ ਮਾਹਰ ਅਤੇ ਪੱਤਰਕਾਰ ਸ਼ਾਮਲ ਹਨ, ਜੋ 88 ਘੰਟੇ ਚੱਲੇ ਸੰਘਰਸ਼ ਦੌਰਾਨ ਪਰਦੇ ਪਿੱਛੇ ਦੀਆਂ ਗਤੀਵਿਧੀਆਂ 'ਤੇ ਰੌਸ਼ਨੀ ਪਾਉਂਦੇ ਹਨ।
ਇਹ ਸੀਰੀਜ਼ 15 ਅਗਸਤ 2026 ਨੂੰ ਡਿਸਕਵਰੀ ਅਤੇ ਡਿਸਕਵਰੀ+ 'ਤੇ ਪ੍ਰੀਮੀਅਰ ਹੋਣ ਲਈ ਤਿਆਰ ਹੈ। ਇਹ ਭਾਰਤ ਦੀਆਂ ਸ਼ੁਰੂਆਤੀ ਰਣਨੀਤਕ ਚਰਚਾਵਾਂ ਅਤੇ ਫੌਜੀ ਤਿਆਰੀਆਂ ਤੋਂ ਲੈ ਕੇ 'ਆਪ੍ਰੇਸ਼ਨ ਸਿੰਦੂਰ' ਦੀ ਸ਼ੁਰੂਆਤ ਅਤੇ ਲਾਗੂ ਕਰਨ ਤੱਕ ਦੀ ਪੂਰੀ ਪ੍ਰਕਿਰਿਆ ਦਾ ਵਰਣਨ ਕਰਦੀ ਹੈ।
ਇਸ 'ਚ ਲੋਕਾਂ ਦੇ ਸਿੱਧੇ ਤਜ਼ਰਬੇ ਸ਼ਾਮਲ ਹਨ। ਇਹ ਭਾਰਤ ਦੇ ਵਾਰ ਰੂਮ 'ਚ ਰਣਨੀਤੀ ਬਣਾਉਣ ਵਾਲੇ ਅਧਿਕਾਰੀਆਂ ਅਤੇ ਮੋਰਚੇ 'ਤੇ ਤਾਇਨਾਤ ਜਵਾਨਾਂ 'ਤੇ ਚਾਨਣਾ ਪਾਉਂਦੀ ਹੈ, ਜਿਸ ਨਾਲ ਇਸ ਸੰਘਰਸ਼ ਦੀ ਅੰਦਰੂਨੀ ਕਹਾਣੀ ਦਾ ਪਤਾ ਲੱਗਦਾ ਹੈ। 'ਆਪ੍ਰੇਸ਼ਨ ਸਿੰਦੂਰ' ਵਜੋਂ ਜਾਣੀ ਜਾਂਦੀ ਮੁਹਿੰਮ ਦੇ ਤਹਿਤ, ਪਾਕਿਸਤਾਨ 'ਚ ਨੌਂ ਅੱਤਵਾਦੀ ਟਿਕਾਣਿਆਂ 'ਤੇ ਹਮਲੇ ਕੀਤੇ ਗਏ। ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਇਨ੍ਹਾਂ ਹਮਲਿਆਂ ਨੇ ਖਾਸ ਤੌਰ 'ਤੇ ਪਾਕਿਸਤਾਨ ਅਤੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਜੰਮੂ ਅਤੇ ਕਸ਼ਮੀਰ 'ਚ ਸਥਿਤ ਅੱਤਵਾਦੀ ਢਾਂਚੇ ਨੂੰ ਨਿਸ਼ਾਨਾ ਬਣਾਇਆ।