- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਾਤਾ-ਪਿਤਾ ਦੀ ਜਗ੍ਹਾ ਮੋਬਾਈਲ ਲੈ ਰਿਹਾ, ਇਹ ਆਫ਼ਤ ਹੈ...; ਸੰਯੁਕਤ ਪਰਿਵਾਰ ਨੂੰ ਲੈ ਕੇ SC ਦੀ ਅਹਿਮ ਟਿੱਪਣੀ
ਸਾਂਝੇ ਪਰਿਵਾਰ ਪ੍ਰਣਾਲੀ ਦੇ ਲਗਾਤਾਰ ਖ਼ਤਮ ਹੋਣ ਅਤੇ ਇਕੱਲੇ ਪਰਿਵਾਰਾਂ ’ਚ ਬੱਚਿਆਂ ਨੂੰ ਸਮਾਂ ਦੇਣ ਦੀ ਬਜਾਏ ਮੋਬਾਈਲ-ਗੈਜੇਟਸ ਫੜ੍ਹਾ ਦੇਣ 'ਤੇ ਸੁਪਰੀਮ ਕੋਰਟ ਨੇ ਡੂੰਘੀ ਚਿੰਤਾ ਅਤੇ ਨਾਰਾਜ਼ਗੀ ਜਤਾਈ ਹੈ।
Posted By Anuradha Bains
Publish Date: Fri, 24 Jul 2026 11:00 AM (IST)
Updated Date: Fri, 24 Jul 2026 11:02 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਸਾਂਝੇ ਪਰਿਵਾਰ ਪ੍ਰਣਾਲੀ ਦੇ ਲਗਾਤਾਰ ਖ਼ਤਮ ਹੋਣ ਅਤੇ ਇਕੱਲੇ ਪਰਿਵਾਰਾਂ ’ਚ ਬੱਚਿਆਂ ਨੂੰ ਸਮਾਂ ਦੇਣ ਦੀ ਬਜਾਏ ਮੋਬਾਈਲ-ਗੈਜੇਟਸ ਫੜ੍ਹਾ ਦੇਣ 'ਤੇ ਸੁਪਰੀਮ ਕੋਰਟ ਨੇ ਡੂੰਘੀ ਚਿੰਤਾ ਅਤੇ ਨਾਰਾਜ਼ਗੀ ਜਤਾਈ ਹੈ।
ਸੁਪਰੀਮ ਕੋਰਟ ਨੇ ਕਿਹਾ ਕਿ ਜੇਕਰ ਮਾਪਿਆਂ ਦੀ ਜਗ੍ਹਾ ਗੈਜੇਟਸ (ਮੋਬਾਈਲ) ਲੈ ਲੈਣਗੇ, ਤਾਂ ਇਹ ਸਥਿਤੀ ਸਮਾਜ ਲਈ ਵਿਨਾਸ਼ਕਾਰੀ ਸਾਬਤ ਹੋਵੇਗੀ ਅਤੇ ਆਉਣ ਵਾਲੀ ਪੀੜ੍ਹੀ ਪਰਿਵਾਰਕ ਰਿਸ਼ਤਿਆਂ ਅਤੇ ਬੰਧਨਾਂ ਤੋਂ ਪੂਰੀ ਤਰ੍ਹਾਂ ਅਣਜਾਣ ਹੋ ਜਾਵੇਗੀ।
ਦਰਅਸਲ, ਹਾਲ ਹੀ ਵਿੱਚ ਪਤੀ-ਪਤਨੀ ਦੇ ਕਤਲ ਦੀਆਂ ਘਟਨਾਵਾਂ, ਜਿਨ੍ਹਾਂ ਵਿੱਚ ਸੋਨਮ ਰਘੂਵੰਸ਼ੀ ਦਾ ਮਾਮਲਾ ਵੀ ਸ਼ਾਮਲ ਹੈ, ਦਾ ਵਿਸ਼ਲੇਸ਼ਣ ਕਰਦੇ ਹੋਏ ਜਸਟਿਸ ਐੱਮ.ਐੱਮ. ਸੁੰਦਰੇਸ਼ ਅਤੇ ਜਸਟਿਸ ਪੀ.ਬੀ. ਵਰਾਾਲੇ ਦੇ ਬੈਂਚ ਨੇ ਕਿਹਾ ਕਿ ਇਹ ਬਦਲਦੇ ਸਮਾਜ ਦਾ ਅਕਸ ਹੈ।
ਇਹ ਬਦਕਿਸਮਤੀ ਦੀ ਗੱਲ ਹੈ...
ਬੈਂਚ ਨੇ ਕਿਹਾ ਕਿ ਮੌਜੂਦਾ ਪੀੜ੍ਹੀ ਜ਼ਿਆਦਾ ਬੁੱਧੀਮਾਨ ਅਤੇ ਜਾਣਕਾਰ ਹੈ ਪਰ ਅੱਜ ਦੀ ਪੀੜ੍ਹੀ ਬਹੁਤ ਜ਼ਿਆਦਾ ਦਬਾਅ ਸਹਿਣ ਦੇ ਸਮਰੱਥ ਨਹੀਂ ਹੈ। ਕੋਰਟ ਨੇ ਕਿਹਾ ਕਿ ਇਹ ਬਦਕਿਸਮਤੀ ਦੀ ਗੱਲ ਹੈ ਕਿ ਅੱਜਕੱਲ੍ਹ ਲੋਕ ਵਟਸਐਪ 'ਤੇ ਆਉਣ ਵਾਲੇ ਸੰਦੇਸ਼ਾਂ 'ਤੇ ਭਰੋਸਾ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਹੀ ਗਿਆਨ ਮੰਨ ਲੈਂਦੇ ਹਨ।
ਅਦਾਲਤ ਦੀ ਚਿੰਤਾ ਨਾਲ ਸਹਿਮਤ ਹੁੰਦਿਆਂ ਸੋਲਿਸਟਰ ਜਨਰਲ ਤੁਸ਼ਾਰ ਮਹਿਤਾ ਨੇ ਕਿਹਾ ਕਿ ਇਹ ਇੱਕ ਸਮਾਜਿਕ ਸਮੱਸਿਆ ਬਣ ਗਈ ਹੈ। ਇਨਸਾਨੀ ਰਿਸ਼ਤਿਆਂ ਵਿੱਚ ਵਿਸ਼ਵਾਸ ਘਟ ਰਿਹਾ ਹੈ ਅਤੇ ਸਹਿਣਸ਼ੀਲਤਾ ਦੀ ਘਾਟ ਹੋ ਰਹੀ ਹੈ।
ਇਹ ਇੱਕ ਆਫ਼ਤ ਹੈ...
ਜਸਟਿਸ ਸੁੰਦਰੇਸ਼ ਨੇ ਦੱਸਿਆ ਕਿ ਹਾਲ ਹੀ ਵਿੱਚ ਉਹ ਇੱਕ ਰੈਸਟੋਰੈਂਟ ਵਿੱਚ ਸਨ ਅਤੇ ਉਨ੍ਹਾਂ ਨੇ ਦੇਖਿਆ ਕਿ ਇੱਕ ਪਰਿਵਾਰ ਨੇ ਖਾਣਾ ਖਾਂਦੇ ਸਮੇਂ ਬੱਚੇ ਨੂੰ ਰੁੱਝਿਆ ਰੱਖਣ ਲਈ ਉਸ ਨੂੰ ਫੋਨ ਦੇ ਦਿੱਤਾ।
ਉਨ੍ਹਾਂ ਕਿਹਾ, "ਜੇਕਰ ਮਾਪਿਆਂ ਦੀ ਥਾਂ ਗੈਜੇਟਸ ਨੇ ਲੈ ਲਈ, ਤਾਂ ਇਹ ਇੱਕ ਆਫ਼ਤ ਹੈ। ਭਵਿੱਖ ਵਿੱਚ ਅਜਿਹਾ ਹੋਰ ਵੀ ਜ਼ਿਆਦਾ ਹੋਵੇਗਾ। ਸਾਂਝਾ ਪਰਿਵਾਰ ਇੱਕ ਵੱਡੀ ਜਾਇਦਾਦ ਹੈ ਅਤੇ ਲੋਕ ਇਸ ਨੂੰ ਸਮਝਦੇ ਨਹੀਂ ਹਨ। ਖ਼ੁਸ਼ੀ ਭੌਤਿਕ ਚੀਜ਼ਾਂ ਤੋਂ ਨਹੀਂ, ਸਗੋਂ ਇਨਸਾਨੀ ਰਿਸ਼ਤਿਆਂ ਅਤੇ ਬੰਧਨਾਂ ਤੋਂ ਮਿਲਦੀ ਹੈ। ਅਸੀਂ ਮਸ਼ੀਨਾਂ ਵਰਗੇ ਹੁੰਦੇ ਜਾ ਰਹੇ ਹਾਂ।"