- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੁਨੀਤਾ ਵਿਲੀਅਮਜ਼ ਦਾ ਪੁਲਾੜ ਮਿਸ਼ਨ ਇੱਕ ਤ੍ਰਾਸਦੀ ਸੀ, ਨਾਸਾ ਦਾ ਇਕਬਾਲੀਆ ਬਿਆਨ; ਕਲਪਨਾ ਚਾਵਲਾ ਨਾਲ ਹੋਏ ਹਾਦਸੇ ਵਰਗਾ ਦੱਸਿਆ
ਨੈਸ਼ਨਲ ਐਰੋਨੌਟਿਕਸ ਐਂਡ ਸਪੇਸ ਐਡਮਿਨਿਸਟ੍ਰੇਸ਼ਨ (NASA) ਨੇ 2024 ਦੇ ਬੋਇੰਗ ਸਟਾਰਲਾਈਨਰ ਮਿਸ਼ਨ ਨੂੰ ਅਧਿਕਾਰਤ ਤੌਰ 'ਤੇ 'ਟਾਈਪ A' ਹਾਦਸਾ ਕਰਾਰ ਦਿੱਤਾ ਹੈ। ਇਸ ਮਿਸ਼ਨ ਕਾਰਨ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਅਤੇ ਬੁੱਚ ਵਿਲਮੋਰ ਨੌਂ ਮਹੀਨਿਆਂ ਤੱਕ ਪੁਲਾੜ ਵਿੱਚ ਫਸੇ ਰਹੇ। ਇਸ ਨੂੰ ਏਜੰਸੀ ਦੇ ਸਭ ਤੋਂ ਉੱਚੇ ਪੱਧਰ ਦੀ ਸਭ ਤੋਂ ਗੰਭੀਰ ਅਸਫ਼ਲਤਾ ਮੰਨਿਆ ਗਿਆ ਹੈ।
Posted By Anuradha Bains
Publish Date: Sat, 21 Feb 2026 11:19 AM (IST)
Updated Date: Sat, 21 Feb 2026 11:21 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਨੈਸ਼ਨਲ ਐਰੋਨੌਟਿਕਸ ਐਂਡ ਸਪੇਸ ਐਡਮਿਨਿਸਟ੍ਰੇਸ਼ਨ (NASA) ਨੇ 2024 ਦੇ ਬੋਇੰਗ ਸਟਾਰਲਾਈਨਰ ਮਿਸ਼ਨ ਨੂੰ ਅਧਿਕਾਰਤ ਤੌਰ 'ਤੇ 'ਟਾਈਪ A' ਹਾਦਸਾ ਕਰਾਰ ਦਿੱਤਾ ਹੈ। ਇਸ ਮਿਸ਼ਨ ਕਾਰਨ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਅਤੇ ਬੁੱਚ ਵਿਲਮੋਰ ਨੌਂ ਮਹੀਨਿਆਂ ਤੱਕ ਪੁਲਾੜ ਵਿੱਚ ਫਸੇ ਰਹੇ। ਇਸ ਨੂੰ ਏਜੰਸੀ ਦੇ ਸਭ ਤੋਂ ਉੱਚੇ ਪੱਧਰ ਦੀ ਸਭ ਤੋਂ ਗੰਭੀਰ ਅਸਫ਼ਲਤਾ ਮੰਨਿਆ ਗਿਆ ਹੈ।
ਕੀ ਸੀ ਮਿਸ਼ਨ ਦਾ ਪਲਾਨ?
19 ਫਰਵਰੀ 2026 ਦੀ 311 ਪੰਨਿਆਂ ਦੀ ਰਿਪੋਰਟ ਵਿੱਚ ਇਸ ਮਿਸ਼ਨ ਦੀ ਸਖ਼ਤ ਆਲੋਚਨਾ ਕੀਤੀ ਗਈ ਹੈ। ਰਿਪੋਰਟ ਵਿੱਚ ਗੰਭੀਰ ਤਕਨੀਕੀ ਖ਼ਰਾਬੀ ਅਤੇ ਗ਼ਲਤ ਫੈਸਲੇ ਲੈਣ ਕਾਰਨ ਇਸ ਦੀ ਤੁਲਨਾ ਚੈਲੰਜਰ ਅਤੇ ਕੋਲੰਬੀਆ ਹਾਦਸਿਆਂ ਨਾਲ ਕੀਤੀ ਗਈ ਹੈ।
ਸ਼ੁਰੂ ਵਿੱਚ ਜੂਨ 2024 ਵਿੱਚ ਇਸ ਨੂੰ 8 ਤੋਂ 14 ਦਿਨਾਂ ਦੇ ਮਿਸ਼ਨ ਵਜੋਂ ਪਲਾਨ ਕੀਤਾ ਗਿਆ ਸੀ, ਪਰ ਪ੍ਰੋਪਲਸ਼ਨ ਸਿਸਟਮ ਦੇ ਫੇਲ੍ਹ ਹੋਣ ਕਾਰਨ, ਜਿਸ ਵਿੱਚ ਪੰਜ ਥ੍ਰਸਟਰ ਫੇਲ੍ਹ ਹੋਣਾ ਅਤੇ ਹੀਲੀਅਮ ਲੀਕ ਹੋਣਾ ਸ਼ਾਮਲ ਸੀ, ਇਹ ਮਿਸ਼ਨ 9 ਮਹੀਨਿਆਂ ਦੀ ਮੁਸ਼ਕਲ ਵਿੱਚ ਬਦਲ ਗਿਆ।
ਕੀ ਹੁੰਦਾ ਹੈ ਟਾਈਪ A ਮਿਸ਼ਨ?
'ਟਾਈਪ A' ਵਰਗੀਕਰਨ ਲੇਬਲ ਵਿੱਚ ਉਨ੍ਹਾਂ ਘਟਨਾਵਾਂ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ, ਜਿਨ੍ਹਾਂ ਕਾਰਨ ਮੌਤ, ਸਥਾਈ ਅਪੰਗਤਾ ਜਾਂ $2 ਮਿਲੀਅਨ ਵੱਧ ਦਾ ਨੁਕਸਾਨ ਹੁੰਦਾ ਹੈ, ਜੋ ਇੱਕ ਵੱਡੇ ਹਾਦਸੇ ਦੀ ਸੰਭਾਵਨਾ ਨੂੰ ਦਰਸਾਉਂਦਾ ਹੈ।
ਜਾਂਚ ਵਿੱਚ ਨਾਸਾ (NASA) ਅਤੇ ਬੋਇੰਗ ਦੀ ਸੁਰੱਖਿਆ ਚੇਤਾਵਨੀਆਂ ਨੂੰ ਨਜ਼ਰਅੰਦਾਜ਼ ਕਰਨ ਅਤੇ ਖ਼ਰਾਬ ਲੀਡਰਸ਼ਿਪ ਫੈਸਲਿਆਂ ਲਈ ਸਖ਼ਤ ਆਲੋਚਨਾ ਕੀਤੀ ਗਈ।
ਸਟਾਰਲਾਈਨਰ ਕੈਪਸੂਲ ਬਿਨਾਂ ਕਿਸੇ ਇਨਸਾਨ ਦੇ ਧਰਤੀ 'ਤੇ ਵਾਪਸ ਪਰਤਿਆ, ਪਰ ਕਰੂ (ਸੁਨੀਤਾ ਵਿਲੀਅਮਜ਼ ਅਤੇ ਬੁੱਚ ਵਿਲਮੋਰ) ਮਾਰਚ 2025 ਵਿੱਚ ਸਪੇਸਐਕਸ (SpaceX) ਮਿਸ਼ਨ ਰਾਹੀਂ ਸੁਰੱਖਿਅਤ ਵਾਪਸ ਆ ਗਿਆ।