- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਚੀਨੀ ਦੀ ਕੀਮਤ ਅਜੇ ਵੀ 60 ਰੁਪਏ ਕਿਲੋ ਤੋਂ ਪਾਰ, ਸਰਕਾਰ ਦੀ ਸਖ਼ਤੀ ਦੇ ਬਾਵਜੂਦ ਵੀ ਨਹੀਂ ਘੱਟ ਰਹੇ ਭਾਅ
ਖਪਤਕਾਰ ਮਾਮਲਿਆਂ ਦੇ ਮੰਤਰਾਲੇ ਦੇ ਅੰਕੜਿਆਂ ਮੁਤਾਬਕ, ਐਤਵਾਰ ਨੂੰ ਚੀਨੀ ਦੀ ਔਸਤ ਪ੍ਰਚੂਨ ਕੀਮਤ 64.24 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ। ਇਹ ਇੱਕ ਹਫ਼ਤੇ ਪਹਿਲਾਂ ਦੇ 63.12 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਮੁਕਾਬਲੇ 1.77 ਫ਼ੀਸਦੀ ਵੱਧ ਹੈ।
Posted By Anuradha Bains
Publish Date: Mon, 31 Aug 2026 10:49 AM (IST)
Updated Date: Mon, 31 Aug 2026 10:51 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਚੀਨੀ ਦੀਆਂ ਕੀਮਤਾਂ ਵਿੱਚ ਵਾਧੇ 'ਤੇ ਕਾਬੂ ਪਾਉਣ ਲਈ ਸਰਕਾਰ ਨੇ ਕਈ ਕਦਮ ਚੁੱਕੇ ਹਨ, ਇਸ ਦੇ ਬਾਵਜੂਦ ਦੇਸ਼ ਦੇ ਬਹੁਤ ਸਾਰੇ ਪ੍ਰਚੂਨ ਬਾਜ਼ਾਰਾਂ ਵਿੱਚ ਐਤਵਾਰ ਨੂੰ ਚੀਨੀ ਦੀ ਕੀਮਤ 60 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ ਉੱਪਰ ਬਣੀ ਰਹੀ।
ਖਪਤਕਾਰ ਮਾਮਲਿਆਂ ਦੇ ਮੰਤਰਾਲੇ ਦੇ ਅੰਕੜਿਆਂ ਮੁਤਾਬਕ, ਐਤਵਾਰ ਨੂੰ ਚੀਨੀ ਦੀ ਔਸਤ ਪ੍ਰਚੂਨ ਕੀਮਤ 64.24 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ। ਇਹ ਇੱਕ ਹਫ਼ਤੇ ਪਹਿਲਾਂ ਦੇ 63.12 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਮੁਕਾਬਲੇ 1.77 ਫ਼ੀਸਦੀ ਵੱਧ ਹੈ।
ਚੀਨੀ ਦੀ ਮੌਜੂਦਾ ਕੀਮਤ ਇੱਕ ਮਹੀਨੇ ਪਹਿਲਾਂ ਦੇ ਮੁਕਾਬਲੇ 30 ਫ਼ੀਸਦੀ ਵੱਧ ਹੈ। 30 ਅਗਸਤ ਨੂੰ ਚੀਨੀ ਦੀ ਵੱਧ ਤੋਂ ਵੱਧ ਪ੍ਰਚੂਨ ਕੀਮਤ 74 ਰੁਪਏ ਅਤੇ ਘੱਟੋ-ਘੱਟ 40 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ।
ਕੀ ਹੈ ਤੁਹਾਡੇ ਸ਼ਹਿਰ ’ਚ ਭਾਅ?
ਦਿੱਲੀ ’ਚ ਚੀਨੀ 62 ਰੁਪਏ, ਮੁੰਬਈ ਵਿੱਚ 66 ਰੁਪਏ, ਚੇਨਈ ਵਿੱਚ 63 ਰੁਪਏ ਅਤੇ ਰਾਂਚੀ ਵਿੱਚ 68 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵਿਕ ਰਹੀ ਸੀ। ਥੋਕ ਬਾਜ਼ਾਰ ਵਿੱਚ ਵੀ ਚੀਨੀ ਦੀ ਕੀਮਤ 59.73 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ। ਇੱਕ ਹਫ਼ਤੇ ਪਹਿਲਾਂ ਇਹ ਕੀਮਤ 58.66 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ।
ਪ੍ਰਚੂਨ ਅਤੇ ਥੋਕ ਕੀਮਤਾਂ ਵਿੱਚ ਤੇਜ਼ੀ ਅਜਿਹੇ ਸਮੇਂ ’ਚ ਬਣੀ ਹੋਈ ਹੈ, ਜਦੋਂ ਸਰਕਾਰ ਦੇ 10 ਲੱਖ ਟਨ ਕੱਚੀ ਚੀਨੀ ਦੇ ਡਿਊਟੀ-ਫ਼੍ਰੀ (ਸ਼ੁਲਕ-ਮੁਕਤ) ਦਰਾਮਦ ਦੀ ਮਨਜ਼ੂਰੀ ਦੇਣ ਦੇ ਫ਼ੈਸਲੇ ਤੋਂ ਬਾਅਦ ਮਿੱਲ ਪੱਧਰ ਦੀਆਂ ਕੀਮਤਾਂ ਵਿੱਚ ਕਰੀਬ 20 ਫ਼ੀਸਦੀ ਦੀ ਗਿਰਾਵਟ ਆਈ ਹੈ।