ਕੱਚੇ ਤੇਲ ਦੀਆਂ ਕੀਮਤਾਂ ’ਚ ਵਾਧੇ ਨਾਲ ਸਟਾਕ ਮਾਰਕੀਟ ’ਚ ਉਥਲ-ਪੁਥਲ, ਨਿਫਟੀ 23,800 ਦੇ ਨੇੜੇ ਪੁੱਜੀ; IT ਤੇ ਆਟੋ ਸਟਾਕਾਂ ’ਚ ਭਾਰੀ ਵਿਕਰੀ

ਨਵੀਂ ਦਿੱਲੀ: ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧੇ ਅਤੇ ਵਿਸ਼ਵ ਬਾਜ਼ਾਰਾਂ ਵਿੱਚ ਭਾਰੀ ਵਿਕਰੀ ਵਿਚਕਾਰ ਭਾਰਤੀ ਸਟਾਕ ਬਾਜ਼ਾਰ ਗਿਰਾਵਟ ’ਚ ਵੀ ਖੁੱਲ੍ਹੇ ਹਨ। ਜਿਸ ’ਚ ਨਿਫਟੀ ਇੱਕ ਪ੍ਰਤੀਸ਼ਤ ਡਿੱਗ ਗਿਆ। ਬੈਂਚਮਾਰਕ ਨਿਫਟੀ ਇੰਡੈਕਸ 23,800 ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਹੈ। ਇਸ ਦੌਰਾਨ, ਬੈਂਕ ਨਿਫਟੀ 500 ਅੰਕ ਡਿੱਗ ਕੇ 56,823 ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਅੱਜ ਦੇ ਕਾਰੋਬਾਰੀ ਸੈਸ਼ਨ ’ਚ, ਆਈਟੀ, ਆਟੋ ਅਤੇ ਰੀਅਲਟੀ ਸਟਾਕ ਸਭ ਤੋਂ ਵੱਧ ਦਬਾਅ ਦਾ ਸਾਹਮਣਾ ਕਰ ਰਹੇ ਹਨ, ਤਿੰਨੋਂ ਸੈਕਟਰਲ ਸੂਚਕਾਂਕ 2 ਪ੍ਰਤੀਸ਼ਤ ਤੱਕ ਡਿੱਗ ਗਏ ਹਨ।

ਬ੍ਰੈਂਟ ਕਰੂਡ ਦੀਆਂ ਕੀਮਤਾਂ $96 ਪ੍ਰਤੀ ਬੈਰਲ ਦੇ ਨੇੜੇ ਪਹੁੰਚ ਗਈਆਂ ਹਨ। ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧੇ ਕਾਰਨ ਏਸ਼ੀਆਈ ਬਾਜ਼ਾਰਾਂ ਵਿੱਚ ਭਾਰੀ ਵਿਕਰੀ ਦਾ ਬੋਲਬਾਲਾ ਹੈ। ਨਿੱਕੇਈ 1,900 ਅੰਕ ਡਿੱਗ ਗਿਆ ਹੈ, ਜਦੋਂ ਕਿ ਹੈਂਗ ਸੇਂਗ 340 ਅੰਕ ਕਮਜ਼ੋਰ ਰਿਹਾ ਹੈ। ਅਮਰੀਕੀ ਬਾਜ਼ਾਰ ਵੀ ਕੱਲ੍ਹ ਗਿਰਾਵਟ ਨਾਲ ਬੰਦ ਹੋਏ। ਹਾਲਾਂਕਿ, ਡਾਓ ਫਿਊਚਰਜ਼ ਇਸ ਸਮੇਂ ਹਰੇ ਰੰਗ ਵਿੱਚ ਵਪਾਰ ਕਰ ਰਹੇ ਹਨ।