- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
‘CJP ਦੇ ਸੰਪਰਕ 'ਚ ਸੋਨਮ ਵਾਂਗਚੁਕ’, ਕਸੌਲੀ ਲਿਟਫੈਸਟ 'ਚ ਪਤਨੀ ਗੀਤਾਂਜਲੀ ਨੇ ਕਿਹਾ-ਮੰਤਰੀ ਦੇ ਅਸਤੀਫ਼ੇ ਨਾਲ ਨਹੀਂ ਚੱਲੇਗਾ ਕੰਮ
ਆਨਲਾਈਨ ਸੈਸ਼ਨ ਵਿੱਚ ਸ਼ਾਮਲ ਹੋਏ ਸੋਨਮ ਵਾਂਗਚੁਕ ਨੇ ਕਿਹਾ ਕਿ ਲੱਦਾਖ ਨੂੰ ਬਚਾਉਣਾ ਭਾਰਤ ਨੂੰ ਬਚਾਉਣ ਦੇ ਬਰਾਬਰ ਹੈ। ਵਾਤਾਵਰਣ ਮਾਹਿਰ ਡਾ. ਰਵੀ ਚੋਪੜਾ ਅਤੇ ਸਾਬਕਾ ਆਈਏਐਸ ਅਧਿਕਾਰੀ ਅਵੈ ਸ਼ੁਕਲਾ ਨੇ ਹਿਮਾਲਿਆ ਵਿੱਚ ਵਿਗੜ ਰਹੇ ਵਾਤਾਵਰਣਕ ਸੰਕਟ ਬਾਰੇ ਚਿਤਾਵਨੀ ਦਿੱਤੀ।
Posted By alisha
Publish Date: Sun, 25 Oct 2026 12:42 PM (IST)
Updated Date: Sun, 25 Oct 2026 12:47 PM (IST)
ਸੰਵਾਦ ਸਹਿਯੋਗੀ, ਕਸੌਲੀ (ਸੋਲਨ) : ਸਿੱਖਿਆ ਸ਼ਾਸਤਰੀ ਅਤੇ ਸੋਨਮ ਵਾਂਗਚੁਕ ਦੀ ਪਤਨੀ ਡਾ. ਗੀਤਾਂਜਲੀ ਜੇ. ਆਂਗਮੋ ਨੇ ਕਿਹਾ ਕਿ ਹਰ ਉੱਠਣ ਵਾਲੀ ਆਵਾਜ਼ ਨੂੰ ਆਪਣਾ ਵਿਰੋਧ ਸਮਝ ਕੇ ਦਬਾਉਣਾ ਸਹੀ ਨਹੀਂ ਹੈ। ਇਸ ਦੀ ਬਜਾਏ ਅੰਦੋਲਨਾਂ ਅਤੇ ਵਿਰੋਧ ਪ੍ਰਦਰਸ਼ਨਾਂ ਦੇ ਕਾਰਨਾਂ ਦਾ ਪਤਾ ਲਗਾ ਕੇ ਉਨ੍ਹਾਂ ਦਾ ਹੱਲ ਕੱਢਣਾ ਚਾਹੀਦਾ ਹੈ।
ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਵਿੱਚ ਕਸੌਲੀ ਕਲੱਬ ਵਿਖੇ ਕਰਵਾਏ ਗਏ ਖੁਸ਼ਵੰਤ ਸਿੰਘ ਲਿਟਫੈਸਟ ਦੌਰਾਨ ‘ਦ ਆਰਟ ਆਫ਼ ਡਿਸਅਗਰੀਮੈਂਟ’ ਸੈਸ਼ਨ ਵਿੱਚ ਸੁਨੇਤਰਾ ਚੌਧਰੀ ਨਾਲ ਗੱਲਬਾਤ ਕਰਦਿਆਂ ਡਾ. ਗੀਤਾਂਜਲੀ ਨੇ ਕਿਹਾ ਕਿ ਉਹ ਅਤੇ ਸੋਨਮ ਵਾਂਗਚੁਕ ਸੀਜੇਪੀ (CJP) ਦੇ ਸੰਪਰਕ ਵਿੱਚ ਹਨ।
ਉਨ੍ਹਾਂ ਕਿਹਾ ਕਿ ਅਸਲ ਬਦਲਾਅ ਲਿਆਉਣ ਲਈ ਸਿਰਫ਼ ਕਿਸੇ ਮੰਤਰੀ ਦੇ ਅਸਤੀਫ਼ੇ ਨਾਲ ਕੰਮ ਨਹੀਂ ਚੱਲੇਗਾ, ਸਗੋਂ ਸਿੱਖਿਆ ਅਤੇ ਸਮਾਜਿਕ ਸੁਧਾਰਾਂ ਦੀ ਵੀ ਲੋੜ ਹੈ।
ਲੱਦਾਖ ਨੂੰ ਬਚਾਉਣਾ ਭਾਰਤ ਨੂੰ ਬਚਾਉਣ ਦੇ ਬਰਾਬਰ
ਆਨਲਾਈਨ ਸੈਸ਼ਨ ਵਿੱਚ ਸ਼ਾਮਲ ਹੋਏ ਸੋਨਮ ਵਾਂਗਚੁਕ ਨੇ ਕਿਹਾ ਕਿ ਲੱਦਾਖ ਨੂੰ ਬਚਾਉਣਾ ਭਾਰਤ ਨੂੰ ਬਚਾਉਣ ਦੇ ਬਰਾਬਰ ਹੈ। ਵਾਤਾਵਰਣ ਮਾਹਿਰ ਡਾ. ਰਵੀ ਚੋਪੜਾ ਅਤੇ ਸਾਬਕਾ ਆਈਏਐਸ ਅਧਿਕਾਰੀ ਅਵੈ ਸ਼ੁਕਲਾ ਨੇ ਹਿਮਾਲਿਆ ਵਿੱਚ ਵਿਗੜ ਰਹੇ ਵਾਤਾਵਰਣਕ ਸੰਕਟ ਬਾਰੇ ਚਿਤਾਵਨੀ ਦਿੱਤੀ।
ਲਿਟਫੈਸਟ ਦੇ ਦੂਜੇ ਦਿਨ, ਸ਼ਨੀਵਾਰ ਨੂੰ ਵੱਖ-ਵੱਖ ਵਿਸ਼ਿਆਂ ’ਤੇ 10 ਤੋਂ ਵੱਧ ਸੈਸ਼ਨ ਕਰਵਾਏ ਗਏ।
ਵਾਤਾਵਰਣ ਦੀ ਸੁਰੱਖਿਆ ’ਤੇ ਦਿੱਤਾ ਜ਼ੋਰ
‘ਡਿਸਟੋਪੀਆ ਇਨ ਐਨ ਏਆਈ ਵਰਲਡ’ ਸੈਸ਼ਨ ਵਿੱਚ ਮੰਦਿਰਾ ਸ਼ਾਹ ਨੇ ਵਿਦਿਆਰਥੀਆਂ ਨੂੰ ਇਸ ਗੱਲ ’ਤੇ ਵਿਚਾਰ ਕਰਨ ਲਈ ਪ੍ਰੇਰਿਤ ਕੀਤਾ ਕਿ ਆਰਟੀਫ਼ਿਸ਼ਲ ਇੰਟੈਲੀਜੈਂਸ (AI) ਦਾ ਰਚਨਾਤਮਕਤਾ, ਨਿੱਜਤਾ ਅਤੇ ਸੁਤੰਤਰ ਸੋਚ ’ਤੇ ਕੀ ਪ੍ਰਭਾਵ ਪੈ ਸਕਦਾ ਹੈ।
ਇੱਕ ਹੋਰ ਸੈਸ਼ਨ ਵਿੱਚ ਵਾਤਾਵਰਣ ਪੱਤਰਕਾਰ ਬਹਾਰ ਦੱਤ ਅਤੇ ਲੇਖਿਕਾ ਨਿਖਿਤਾ ਸਿੰਘ ਨੇ ਕੇਐੱਸਐੱਲਐੱਫ (KSLF) ਵਿੱਚ ਵਾਤਾਵਰਣ-ਅਨੁਕੂਲ ਜੀਵਨ ਸ਼ੈਲੀ, ਜ਼ਿੰਮੇਵਾਰ ਸੈਰ-ਸਪਾਟੇ ਅਤੇ ਕੁਦਰਤ ਦੀ ਸੰਭਾਲ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ।
‘ਇਟਸ ਟੀਨ ਟਾਈਮ, ਬ੍ਰੋ’ ਸੈਸ਼ਨ ਵਿੱਚ ਲੇਖਿਕਾ ਪੂਜਾ ਪੋੱਦਾਰ ਮਰਵਾਹ ਨੇ ਸ਼ਾਇਨੀ ਐਂਟਨੀ ਨਾਲ ਗੱਲਬਾਤ ਕਰਦਿਆਂ ਮਾਪਿਆਂ ਅਤੇ ਕਿਸ਼ੋਰ ਉਮਰ ਦੇ ਬੱਚਿਆਂ ਵਿਚਕਾਰ ਹੋਣ ਵਾਲੇ ਟਕਰਾਅ ਬਾਰੇ ਚਰਚਾ ਕੀਤੀ।