- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗਾਇਕ ਅੰਕਿਤ ਬਾਲਿਆਨ ਕਤਲ ਕਾਂਡ: ਪੋਸਟਮਾਰਟਮ ਰਿਪੋਰਟ ਤੋਂ ਵੱਡਾ ਖ਼ੁਲਾਸਾ, ਸਰੀਰ ’ਚੋਂ ਮਿਲੀਆਂ 9 ਗੋਲੀਆਂ
ਇਸ ਤੋਂ ਇਲਾਵਾ ਵੀਰਵਾਰ ਦਿਨ ’ਚ ਹਰਿਆਣਵੀ ਸਿੰਗਰ ਭੂਪੇਂਦਰ ਢੀਂਗਰਾ ਨੇ ਖ਼ੁਦ ਦਾ ਵੀਡੀਓ ਵਾਇਰਲ ਕਰਕੇ ਦਾਅਵਾ ਕੀਤਾ ਹੈ ਕਿ ਅੰਕਿਤ ਦੀ ਹੱਤਿਆ ਉਸ ਨੇ ਕਰਵਾਈ ਹੈ, ਕਿਉਂਕਿ ਅੰਕਿਤ ਨੇ ਉਸ ਨੂੰ ਗਾਲ੍ਹ ਕੱਢੀ ਸੀ। ਹਾਲਾਂਕਿ ਅੰਕਿਤ ਦੇ ਪਿਤਾ ਨੇ ਕਿਹਾ ਕਿ ਉਨ੍ਹਾਂ ਦੇ ਪੁੱਤਰ ਦੀ ਅਜਿਹੇ ਕਿਸੇ ਵੱਡੇ ਗੈਂਗ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। ਇਸ ਵਿੱਚ ਕਿਸੇ ਹਰਿਆਣਵੀ ਗਾਇਕ ਦਾ ਹੱਥ ਹੋ ਸਕਦਾ ਹੈ।
Posted By Anuradha Bains
Publish Date: Fri, 28 Aug 2026 11:47 AM (IST)
Updated Date: Fri, 28 Aug 2026 11:50 AM (IST)
ਜਾਗਰਣ ਸੰਵਾਦਦਾਤਾ, ਸ਼ਾਮਲੀ। ਹਰਿਆਣਵੀ ਗਾਇਕ ਅੰਕਿਤ ਬਾਲਿਆਨ ਦੀ ਬੁੱਧਵਾਰ ਸ਼ਾਮ ਨਾਲਾ ਪਟੜੀ ਮਾਰਗ 'ਤੇ ਜਿਮ ਤੋਂ ਬਾਹਰ ਨਿਕਲਦਿਆਂ ਹੀ ਬਦਮਾਸ਼ਾਂ ਨੇ ਗੋਲੀਆਂ ਨਾਲ ਭੁੰਨ ਕੇ ਹੱਤਿਆ ਕਰ ਦਿੱਤੀ ਸੀ। ਕੁਝ ਘੰਟਿਆਂ ਬਾਅਦ ਹੀ ਰਾਤ ਨੂੰ ਇੰਸਟਾਗ੍ਰਾਮ 'ਤੇ ਪੋਸਟ ਕਰਦਿਆਂ ਲਾਰੈਂਸ ਗੈਂਗ ਨਾਲ ਜੁੜੇ ਗੋਗੀ ਗਰੁੱਪ ਦੇ ਭੋਲੂ ਸ਼ਾਹਪੁਰੀਆ ਨੇ ਹਤਿਆਕਾਂਡ ਦੀ ਜ਼ਿੰਮੇਵਾਰੀ ਲੈਣ ਦਾ ਦਾਅਵਾ ਕੀਤਾ ਸੀ।
ਇਸ ਤੋਂ ਇਲਾਵਾ ਵੀਰਵਾਰ ਦਿਨ ’ਚ ਹਰਿਆਣਵੀ ਸਿੰਗਰ ਭੂਪੇਂਦਰ ਢੀਂਗਰਾ ਨੇ ਖ਼ੁਦ ਦਾ ਵੀਡੀਓ ਵਾਇਰਲ ਕਰਕੇ ਦਾਅਵਾ ਕੀਤਾ ਹੈ ਕਿ ਅੰਕਿਤ ਦੀ ਹੱਤਿਆ ਉਸ ਨੇ ਕਰਵਾਈ ਹੈ, ਕਿਉਂਕਿ ਅੰਕਿਤ ਨੇ ਉਸ ਨੂੰ ਗਾਲ੍ਹ ਕੱਢੀ ਸੀ। ਹਾਲਾਂਕਿ ਅੰਕਿਤ ਦੇ ਪਿਤਾ ਨੇ ਕਿਹਾ ਕਿ ਉਨ੍ਹਾਂ ਦੇ ਪੁੱਤਰ ਦੀ ਅਜਿਹੇ ਕਿਸੇ ਵੱਡੇ ਗੈਂਗ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। ਇਸ ਵਿੱਚ ਕਿਸੇ ਹਰਿਆਣਵੀ ਗਾਇਕ ਦਾ ਹੱਥ ਹੋ ਸਕਦਾ ਹੈ।
ਉੱਧਰ, ਪੋਸਟਮਾਰਟਮ ਰਿਪੋਰਟ ਮੁਤਾਬਕ ਅੰਕਿਤ ਨੂੰ ਨੌਂ ਗੋਲੀਆਂ ਲੱਗੀਆਂ ਸਨ। ਪੰਜ ਸਰੀਰ ਵਿੱਚ ਫਸੀਆਂ ਰਹੀਆਂ, ਜਦਕਿ ਚਾਰ ਬਾਹਰ ਨਿਕਲ ਗਈਆਂ ਸਨ। ਵੀਰਵਾਰ ਦੁਪਹਿਰ ਪੁਲਿਸ ਦੀ ਮੌਜੂਦਗੀ ’ਚ ਲਾਸ਼ ਦਾ ਸਸਕਾਰ ਕਰ ਦਿੱਤਾ ਗਿਆ।
ਦੇਰ ਸ਼ਾਮ ਤੱਕ ਜਨਪ੍ਰਤੀਨਿਧੀਆਂ ਅਤੇ ਪਿੰਡ ਵਾਸੀਆਂ ਦਾ ਅੰਕਿਤ ਦੇ ਘਰ ਆਉਣਾ-ਜਾਣਾ ਲੱਗਿਆ ਰਿਹਾ। ਹਤਿਆਕਾਂਡ ਨੂੰ ਅੰਜਾਮ ਦੇਣ ਵਾਲੇ ਦੋ ਸ਼ੂਟਰਾਂ ਦੀ ਫੋਟੋ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਹੈ।
ਸਦਰ ਕੋਤਵਾਲੀ ਖੇਤਰ ’ਚ ਜਿਮ ਤੋਂ ਪਰਤਦੇ ਸਮੇਂ ਬਦਮਾਸ਼ਾਂ ਨੇ ਕੀਤੀ ਸੀ 20 ਰਾਉਂਡ ਫਾਇਰਿੰਗ
ਬੁੱਧਵਾਰ ਸ਼ਾਮ ਪੌਣੇ ਸੱਤ ਵਜੇ ਚਾਰ ਸ਼ੂਟਰਾਂ ਨੇ ਕੋਤਵਾਲੀ ਖੇਤਰ ਦੇ ਆਰਿਆਪੁਰੀ ਵਿੱਚ 'ਮਸਲਸ਼ ਸ਼੍ਰੀ ਬਾਲਾਜੀ ਜਿੰਮ' ਤੋਂ ਬਾਹਰ ਨਿਕਲਦਿਆਂ ਹੀ ਅੰਕਿਤ ਬਾਲਿਆਨ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਹਤਿਆਕਾਂਡ ਤੋਂ ਨਾਰਾਜ਼ ਪਰਿਵਾਰਕ ਮੈਂਬਰਾਂ ਅਤੇ ਹੋਰਨਾਂ ਨੇ ਰਾਤ 11:46 ਵਜੇ ਤੱਕ ਵਰਮਾ ਮਾਰਕੀਟ ਚੌਰਾਹੇ 'ਤੇ ਲਾਸ਼ ਰੱਖ ਕੇ ਜਾਮ ਲਾਈ ਰੱਖਿਆ ਸੀ।
ਬਾਅਦ ਵਿੱਚ ਐੱਸ.ਪੀ. ਨੇ ਚਾਰ ਦਿਨਾਂ ਵਿੱਚ ਹਤਿਆਕਾਂਡ ਦਾ ਪਰਦਾਫਾਸ਼ ਕਰਨ ਦਾ ਭਰੋਸਾ ਦਿੱਤਾ, ਜਿਸ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੇ ਜਾਮ ਖੋਲ੍ਹ ਦਿੱਤਾ। ਵੀਰਵਾਰ ਤੜਕੇ ਢਾਈ ਵਜੇ ਤੋਂ ਸਵੇਰੇ ਅੱਠ ਵਜੇ ਤੱਕ ਦੋ ਡਾਕਟਰਾਂ ਦੇ ਪੈਨਲ ਨੇ ਲਾਸ਼ ਦਾ ਪੋਸਟਮਾਰਟਮ ਕੀਤਾ।
ਸਰੀਰ ’ਚ ਫਸ ਗਈਆਂ ਸਨ ਪੰਜ ਗੋਲੀਆਂ
ਸੂਤਰਾਂ ਮੁਤਾਬਕ ਅੰਕਿਤ ਦੇ ਸਰੀਰ ਵਿੱਚ ਨੌਂ ਗੋਲੀਆਂ ਲੱਗੀਆਂ ਸਨ। ਪੰਜ ਸਰੀਰ ਵਿੱਚ ਫਸੀਆਂ ਸਨ, ਜਦਕਿ ਸਿਰ, ਹੱਥ ਅਤੇ ਦੋਵਾਂ ਮੋਢਿਆਂ ਵਿੱਚ ਲੱਗੀਆਂ ਚਾਰ ਗੋਲੀਆਂ ਆਰ-ਪਾਰ ਹੋ ਗਈਆਂ ਸਨ। ਦੁਪਹਿਰ ਡੇਢ ਵਜੇ ਪੁਲਿਸ ਦੀ ਮੌਜੂਦਗੀ ’ਚ ਲਾਸ਼ ਦਾ ਸਸਕਾਰ ਕੀਤਾ ਗਿਆ। ਵੱਡੇ ਭਾਈ ਰਾਜੀਵ ਨੇ ਮੁੱਖ ਅਗਨੀ ਦਿੱਤੀ ਸੀ। ਬੁੱਧਵਾਰ ਰਾਤ ਹੀ ਅੰਕਿਤ ਬਾਲਿਆਨ ਦੇ ਪਿਤਾ ਸਤਬੀਰ ਫੌਜੀ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਚਾਰ ਅਣਪਛਾਤੇ ਹਮਲਾਵਰਾਂ ਖ਼ਿਲਾਫ਼ ਮੁੱਦਮਾ ਦਰਜ ਕਰ ਲਿਆ ਸੀ।
ਹਤਿਆਕਾਂਡ ਵਿੱਚ ਕਿਸੇ ਗਾਇਕ ਦਾ ਹੱਥ ਹੋਣ ਦਾ ਪਿਤਾ ਦਾ ਦੋਸ਼
ਇਸ ਘਟਨਾ ਨਾਲ ਜੁੜੀ ਇੱਕ ਪੋਸਟ ਇੰਸਟਾਗ੍ਰਾਮ 'ਤੇ ਬੁੱਧਵਾਰ ਰਾਤ ਦੋ ਵਜੇ ਵਾਇਰਲ ਕੀਤੀ ਗਈ। ਪੋਸਟ ਕਰਨ ਵਾਲੇ ਨੇ ਖ਼ੁਦ ਨੂੰ ਗੋਗੀ ਗਰੁੱਪ ਦਾ ਭੋਲੂ ਸ਼ਾਹਪੁਰੀਆ ਸੋਨੀਪਤ ਦੱਸਿਆ। ਪੋਸਟ ’ਚ ਲਿਖਿਆ ਕਿ ਅੰਕਿਤ ਵਿਰੋਧੀਆਂ ਦਾ ਸਾਥ ਦਿੰਦਾ ਸੀ ਅਤੇ ਗੋਗੀ ਭਾਈ ਨਾਲ ਹੋਈ ਘਟਨਾ 'ਤੇ ਉਸ ਨੇ ਗਾਣਾ ਬਣਾਇਆ ਸੀ। ਇਸ ਤੋਂ ਇਲਾਵਾ ਉਹ ਵਿਰੋਧੀਆਂ ਦਾ ਅਪਰਾਧਿਕ ਕੰਮਾਂ ਵਿੱਚ ਵੀ ਸਹਿਯੋਗ ਕਰਦਾ ਸੀ, ਜਿਸ ਦੇ ਚੱਲਦਿਆਂ ਉਸ ਨੂੰ ਅੰਜਾਮ ਤੱਕ ਪਹੁੰਚਾਇਆ ਗਿਆ ਹੈ।
ਵਿਰੋਧੀਆਂ ਦਾ ਸਾਥ ਦੇਣ ਵਾਲਿਆਂ ਦਾ ਇਹੀ ਹਾਲ ਹੋਵੇਗਾ ਅਤੇ 'ਵੈਟ ਐਂਡ ਵਾਚ' ਦੀ ਗੱਲ ਕਹੀ ਗਈ। ਇਹ ਪੋਸਟ ਜਿਸ ਆਈਡੀ ਤੋਂ ਵਾਇਰਲ ਹੋਈ, ਉਹ ਵੀਰਵਾਰ ਸਵੇਰੇ ਛੇ ਵਜੇ ਤੋਂ ਬਾਅਦ ਬੰਦ ਹੋ ਗਈ।
ਪਿਤਾ ਬੋਲੇ, ਉਸ ਦਾ ਵੱਡਾ ਝਗੜਾ ਨਹੀਂ ਸੀ, ਭਟਕਾ ਰਹੇ ਹਨ
ਹਾਲਾਂਕਿ ਵੀਰਵਾਰ ਸਵੇਰੇ ਨੌਂ ਵਜੇ ਇੰਸਟਾਗ੍ਰਾਮ 'ਤੇ ਖ਼ੁਦ ਨੂੰ ਹਰਿਆਣਵੀ ਗਾਇਕ ਭੂਪੇਂਦਰ ਢੀਂਗਰਾ ਦੱਸਣ ਵਾਲੇ ਨੌਜਵਾਨ ਨੇ ਇੱਕ ਵੀਡੀਓ ਵਾਇਰਲ ਕੀਤਾ। ਦਾਅਵਾ ਕੀਤਾ ਕਿ ਅੰਕਿਤ ਬਾਲਿਆਨ ਨੇ ਉਸ ਨੂੰ ਗਾਲ੍ਹ ਕੱਢੀ ਸੀ, ਇਸ ਲਈ ਉਸ ਦੀ ਹੱਤਿਆ ਕਰਵਾਈ ਹੈ। ਉਸ ਦਾ ਵੀਡੀਓ ਵੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਪੋਸਟ ਅਤੇ ਵੀਡੀਓ ਨੂੰ ਪੁਲਿਸ ਨੇ ਜਾਂਚ ’ਚ ਸ਼ਾਮਲ ਕੀਤਾ ਹੈ ਅਤੇ ਦੋਸ਼ੀਆਂ ਦੀ ਭਾਲ ਜਾਰੀ ਹੈ। ਗੋਗੀ ਗਰੁੱਪ ਹਰਿਆਣਾ ਦੇ ਜਤਿੰਦਰ ਗੋਗੀ ਬਦਮਾਸ਼ ਦਾ ਹੈ, ਜਿਸ ਦੀ ਹੱਤਿਆ ਦਿੱਲੀ ਦੇ ਰੋਹਿਣੀ ਵਿੱਚ ਹੋਈ ਸੀ। ਇਸ ਤੋਂ ਬਾਅਦ ਉਸ ਨਾਲ ਜੁੜੇ ਲੋਕ ਲਾਰੈਂਸ ਬਿਸ਼ਨੋਈ ਗਰੁੱਪ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ।
ਉੱਧਰ, ਹਤਿਆਕਾਂਡ ਵਿੱਚ ਸ਼ਾਮਲ ਰਹੇ ਦੋ ਨੌਜਵਾਨਾਂ ਦੀ ਫੋਟੋ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕੀਤੀ ਗਈ ਹੈ। ਪੁਲਿਸ ਉਨ੍ਹਾਂ ਨੌਜਵਾਨਾਂ ਦੀ ਵੀ ਭਾਲ ਕਰ ਰਹੀ ਹੈ। ਪਰਿਵਾਰ ਨੂੰ ਮਿਲਣ ਲਈ ਜਨਪ੍ਰਤੀਨਿਧੀ, ਪਿੰਡ ਵਾਸੀ ਅਤੇ ਹਰਿਆਣਾ ਤੋਂ ਵੱਡੀ ਗਿਣਤੀ ਵਿੱਚ ਨੌਜਵਾਨ ਪਹੁੰਚੇ।
ਐੱਸ.ਪੀ. ਐੱਨ.ਪੀ. ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੇ ਖੁਲਾਸੇ ਲਈ ਅੱਠ ਟੀਮਾਂ ਲਗਾਈਆਂ ਗਈਆਂ ਹਨ। ਆਸਪਾਸ ਦੇ ਜ਼ਿਲ੍ਹਿਆਂ ਦੀ ਪੁਲਿਸ ਦਾ ਵੀ ਸਹਿਯੋਗ ਲਿਆ ਜਾ ਰਿਹਾ ਹੈ। ਜਲਦੀ ਹੀ ਹਮਲਾਵਰ ਗ੍ਰਿਫ਼ਤ ਵਿੱਚ ਹੋਣਗੇ।