- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਘਿਣਾਉਣਾ ਕਾਰਨਾਮਾ: ਇਲਾਜ ਕਰਵਾਉਣ ਆਈ 16 ਸਾਲਾ ਕਿਸ਼ੋਰੀ ਨਾਲ ਪੇਂਡੂ ਡਾਕਟਰ ਨੇ 6 ਮਹੀਨੇ ਕੀਤਾ ਜਬਰ-ਜਨਾਹ, ਵੀਡੀਓ ਬਣਾ ਕੇ ਕਰਦਾ ਰਿਹੈ ਬਲੈਕਮੇਲ
ਉਸਦਾ ਵੀਡੀਓ ਬਣਾ ਕੇ ਉਸਨੂੰ ਵਾਇਰਲ ਕਰਨ ਦੀ ਧਮਕੀ ਦੇ ਕੇ ਉਹ ਮਨਮਾਨੀ ਕਰਦਾ ਰਿਹਾ। ਸ਼ਨੀਵਾਰ ਨੂੰ ਕਿਸ਼ੋਰੀ ਨੇ ਸ਼ੇਖਪੁਰਾ ਮਹਿਲਾ ਥਾਣਾ ’ਚ ਪੇਂਡੂ ਡਾਕਟਰ ਵਿਨੋਦ ਕੁਮਾਰ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਕਰਵਾਈ।
Posted By Anuradha Bains
Publish Date: Sun, 13 Sep 2026 01:00 PM (IST)
Updated Date: Sun, 13 Sep 2026 01:03 PM (IST)
ਜਾਗਰਣ ਸੰਵਾਦਦਾਤਾ, ਸ਼ੇਖਪੁਰਾ। ਇੱਕ ਪੇਂਡੂ ਡਾਕਟਰ ਦਾ ਘਿਣਾਉਣਾ ਕਾਰਨਾਮਾ ਸਾਹਮਣੇ ਆਇਆ ਹੈ। ਮਾਹਵਾਰੀ (ਪੀਰੀਅਡ) ਦਾ ਇਲਾਜ ਕਰਵਾਉਣ ਆਈ ਇੱਕ 16 ਸਾਲਾ ਕਿਸ਼ੋਰੀ ਨਾਲ ਉਸਨੇ ਛੇ ਮਹੀਨੇ ਤੱਕ ਜਬਰ-ਜਨਾਹ ਕੀਤਾ।
ਉਸਦਾ ਵੀਡੀਓ ਬਣਾ ਕੇ ਉਸਨੂੰ ਵਾਇਰਲ ਕਰਨ ਦੀ ਧਮਕੀ ਦੇ ਕੇ ਉਹ ਮਨਮਾਨੀ ਕਰਦਾ ਰਿਹਾ। ਸ਼ਨੀਵਾਰ ਨੂੰ ਕਿਸ਼ੋਰੀ ਨੇ ਸ਼ੇਖਪੁਰਾ ਮਹਿਲਾ ਥਾਣਾ ’ਚ ਪੇਂਡੂ ਡਾਕਟਰ ਵਿਨੋਦ ਕੁਮਾਰ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਕਰਵਾਈ।
ਮਹਿਲਾ ਥਾਣਾ ਦੀ ਐੱਸ.ਐੱਚ.ਓ. ਰਿਸ਼ੂ ਕੁਮਾਰੀ ਨੇ ਦੱਸਿਆ ਕਿ ਕਿਸ਼ੋਰੀ ਦੀ ਲਿਖਤੀ ਅਰਜ਼ੀ 'ਤੇ ਐੱਫ.ਆਈ.ਆਰ. ਦਰਜ ਕਰਕੇ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਕਿਸ਼ੋਰੀ ਦਾ ਮੈਡੀਕਲ ਟੈਸਟ ਵੀ ਕਰਵਾਇਆ ਜਾ ਰਿਹਾ ਹੈ। ਇਹ ਮਾਮਲਾ ਜ਼ਿਲ੍ਹੇ ਦੇ ਚੇਵਾੜਾ ਥਾਣਾ ਖੇਤਰ ਦੇ ਇੱਕ ਪਿੰਡ ਦਾ ਹੈ। ਕਿਸ਼ੋਰੀ ਅਤੇ ਦੋਸ਼ੀ ਪੇਂਡੂ ਡਾਕਟਰ ਦੋਵੇਂ ਇੱਕੋ ਪਿੰਡ ਦੇ ਹਨ।
ਬੇਹੋਸ਼ ਕਰਕੇ ਕੀਤਾ ਗੰਦਾ ਕੰਮ
ਕਿਸ਼ੋਰੀ ਨੇ ਦੱਸਿਆ ਕਿ ਉਸਨੂੰ ਪੀਰੀਅਡ ਦੀ ਸਮੱਸਿਆ ਸੀ। ਛੇ ਮਹੀਨੇ ਪਹਿਲਾਂ ਉਹ ਵਿਨੋਦ ਕੁਮਾਰ ਕੋਲ ਇਲਾਜ ਕਰਵਾਉਣ ਗਈ ਸੀ। ਉਸਨੇ ਜਾਂਚ ਤੋਂ ਬਾਅਦ ਕਿਹਾ ਕਿ ਸਲਾਈਨ (ਗਲੂਕੋਜ਼) ਚੜ੍ਹਾਏਗਾ। ਇਸ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੂੰ ਘਰ ਭੇਜ ਦਿੱਤਾ।
ਦੋਸ਼ ਹੈ ਕਿ ਸਲਾਈਨ ਵਿੱਚ ਬੇਹੋਸ਼ੀ ਦੀ ਦਵਾਈ ਮਿਲਾਈ ਗਈ ਸੀ। ਇਸ ਨਾਲ ਉਹ ਬੇਹੋਸ਼ ਹੋ ਗਈ, ਜਿਸ ਤੋਂ ਬਾਅਦ ਉਸਨੇ ਉਸਦੇ ਨਾਲ ਜਬਰ-ਜਨਾਹ ਕੀਤਾ।
ਹੋਸ਼ ਆਉਣ 'ਤੇ ਜਦੋਂ ਆਪਣੇ ਆਪ ਨੂੰ ਅਸਹਿਜ ਮਹਿਸੂਸ ਕੀਤਾ ਤਾਂ ਡਾਕਟਰ ਨੇ ਜਬਰ-ਜਨਾਹ ਕੀਤੇ ਜਾਣ ਦੀ ਵੀਡੀਓ ਅਤੇ ਫੋਟੋ ਆਪਣੇ ਮੋਬਾਈਲ ’ਚ ਦਿਖਾਈ। ਉਹ ਸੁੰਨ ਰਹਿ ਗਈ।
ਪੇਂਡੂ ਡਾਕਟਰ ਨੇ ਵੀਡੀਓ ਵਾਇਰਲ ਕਰਨ ਦੀ ਧਮਕੀ ਦੇ ਕੇ ਉਸਨੂੰ ਚੁੱਪ ਕਰਵਾ ਦਿੱਤਾ। ਇਸ ਤੋਂ ਬਾਅਦ ਉਹ ਲਗਾਤਾਰ ਉਸਦੇ ਨਾਲ ਘਿਣਾਉਣੀ ਹਰਕਤ ਕਰਦਾ ਰਿਹਾ।
ਇਸ ਤਰ੍ਹਾਂ ਖੁੱਲ੍ਹਿਆ ਪੂਰੇ ਮਾਮਲੇ ਦਾ ਰਾਜ਼
ਵੀਰਵਾਰ ਨੂੰ ਡਾਕਟਰ ਦਵਾਈ ਦੇਣ ਦੀ ਗੱਲ ਕਹਿ ਕੇ ਕਿਸ਼ੋਰੀ ਦੇ ਘਰ ਪਹੁੰਚ ਗਿਆ ਅਤੇ ਕਿਸ਼ੋਰੀ ਦੇ ਕਮਰੇ ਵਿੱਚ ਜਾ ਕੇ ਦਵਾਈ ਦੇਣ ਦੇ ਨਾਂ 'ਤੇ ਕਿਸ਼ੋਰੀ ਦੀ ਨੱਕ ’ਚ ਜ਼ਬਰਦਸਤੀ ਬੇਸੁਰ (ਨੱਕ ਦਾ ਗਹਿਣਾ) ਪਾਉਣ ਲੱਗਿਆ।
ਕਿਸ਼ੋਰੀ ਨੇ ਇਸਦਾ ਵਿਰੋਧ ਕੀਤਾ। ਉਸਦੀ ਆਵਾਜ਼ ਸੁਣ ਕੇ ਘਰ ਦੇ ਲੋਕ ਕਮਰੇ ’ਚ ਪਹੁੰਚੇ ਤਾਂ ਹੈਰਾਨ ਰਹਿ ਗਏ। ਤਦ ਉਸ ਪੇਂਡੂ ਡਾਕਟਰ ਨੇ ਮੋਬਾਈਲ ਵਿੱਚ ਵੀਡੀਓ ਅਤੇ ਫੋਟੋ ਦਿਖਾ ਕੇ ਧਮਕੀ ਦਿੱਤੀ। ਇਸ ਤੋਂ ਬਾਅਦ ਪਰਿਵਾਰਕ ਲੋਕ ਥਾਣੇ ਪਹੁੰਚੇ ਅਤੇ ਐੱਫ.ਆਈ.ਆਰ. ਦਰਜ ਕਰਵਾਈ।