ਪਹਿਲਾਂ ਹਨੂਮਾਨ ਚਾਲੀਸਾ ਦਾ ਪਾਠ ਕੀਤਾ, ਫਿਰ ਟਰੇਨ ਅੱਗੇ ਛਾਲ ਮਾਰੀ: ਸੇਵਾਮੁਕਤ ਬੈਂਕ ਮੈਨੇਜਰ ਨੇ ਕੀਤੀ ਖੁਦਕੁਸ਼ੀ

ਸੰਵਾਦ ਸੂਤਰ, ਅਯੁੱਧਿਆ : ਡਿਪ੍ਰੈਸ਼ਨ ਤੋਂ ਪੀੜਤ ਸੇਵਾਮੁਕਤ ਬੈਂਕ ਮੈਨੇਜਰ ਨੇ ਟਰੇਨ ਅੱਗੇ ਆ ਕੇ ਆਪਣੀ ਜਾਨ ਦੇ ਦਿੱਤੀ। ਗੋਸਾਈਂਗੰਜ ਦੇ ਪ੍ਰਭਾਰੀ ਨਿਰੀਖਕ ਅਭਿਮਨਿਊ ਸ਼ੁਕਲਾ ਨੇ ਦੱਸਿਆ ਕਿ ਈਸ਼ਾਪੁਰ ਪਿੰਡ ਦੇ ਰਹਿਣ ਵਾਲੇ ਅਨਿਰੁੱਧ ਮੁਨੀ ਪਾਂਡੇ ਬੈਂਕ ਮੈਨੇਜਰ ਦੇ ਅਹੁਦੇ ਤੋਂ ਸੇਵਾਮੁਕਤ ਹੋਏ ਸਨ। ਉਹ ਆਪਣੇ ਪਰਿਵਾਰ ਨਾਲ ਘਰ ਬਣਵਾ ਕੇ ਗੋਸਾਈਂਗੰਜ ਨੇੜੇ ਨਗਹਰਾ ’ਚ ਰਹਿੰਦੇ ਸਨ। ਇੱਕ ਚਸ਼ਮਦੀਦ ਨੇ ਪੁਲਿਸ ਨੂੰ ਦੱਸਿਆ ਕਿ ਮੰਗਲਵਾਰ ਸਵੇਰੇ ਟੰਡੌਲੀ ਰੇਲਵੇ ਕ੍ਰਾਸਿੰਗ ਨੇੜੇ ਪਾਂਡੇ ਨੇ ਆਪਣੀ ਬਾਈਕ ਖੜ੍ਹੀ ਕਰਕੇ ਉਸ ਨੂੰ ਲਾਕ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਹਨੂਮਾਨ ਚਾਲੀਸਾ ਦਾ ਪਾਠ ਕੀਤਾ ਤੇ ਫਿਰ ਇੰਟਰਸਿਟੀ ਐਕਸਪ੍ਰੈੱਸ ਅੱਗੇ ਛਾਲ ਮਾਰ ਦਿੱਤੀ। ਉਨ੍ਹਾਂ ਦੀ ਬਾਈਕ ਨੇੜਿਓਂ ਹਨੂਮਾਨ ਚਾਲੀਸਾ ਦੀ ਇੱਕ ਪ੍ਰਤੀ ਵੀ ਮਿਲੀ ਹੈ।