- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਰਿਸ਼ਤੇ ਤਾਰ-ਤਾਰ : ਸੱਸ-ਸਹੁਰੇ ਦੀ ਮੌਤ ਤੋਂ ਬਾਅਦ ਜੀਜੇ ਨੇ ਦੋ ਸਾਲੀਆਂ ਨਾਲ ਕੀਤਾ ਜਬਰ-ਜਨਾਹ, ਮਕਾਨ ਵੇਚ ਕੇ ਪੈਸੇ ਵੀ ਹੜੱਪੇ
ਇਸ ਤੋਂ ਇਲਾਵਾ ਪੀੜਤਾ ਦਾ ਮਕਾਨ ਵੀ ਵਿਕਵਾ ਦਿੱਤਾ ਗਿਆ ਪਰ ਮਕਾਨ ਵੇਚਣ ਤੋਂ ਮਿਲੀ ਰਕਮ ਵਿਸ਼ਾਲ ਨੇ ਆਪਣੇ ਕੋਲ ਰੱਖ ਲਈ। ਜਦੋਂ ਪੀੜਤਾ ਨੇ ਉਸ ਤੋਂ ਪੈਸੇ ਵਾਪਸ ਮੰਗੇ ਤਾਂ ਉਹ ਉਸ ਨੂੰ ਧਮਕਾਉਣ ਲੱਗ ਪਿਆ।
Posted By alisha
Publish Date: Sat, 14 Nov 2026 01:47 PM (IST)
Updated Date: Sat, 14 Nov 2026 01:53 PM (IST)
ਜਾਸ, ਮਥੁਰਾ : ਮਾਤਾ-ਪਿਤਾ ਦੀ ਮੌਤ ਤੋਂ ਬਾਅਦ ਚਾਰ ਸਾਲੀਆਂ ਨੂੰ ਆਪਣੇ ਘਰ ਵਿੱਚ ਰੱਖਣ ਵਾਲੇ ਜੀਜੇ 'ਤੇ ਦੋ ਭੈਣਾਂ ਨਾਲ ਜਬਰ-ਜਨਾਹ ਕਰਨ ਅਤੇ ਉਨ੍ਹਾਂ ਦਾ ਮਕਾਨ ਵਿਕਵਾ ਕੇ ਉਸ ਦੀ ਰਕਮ ਹੜੱਪਣ ਦਾ ਦੋਸ਼ ਲੱਗਾ ਹੈ। ਪੀੜਤਾ ਦੀ ਸ਼ਿਕਾਇਤ 'ਤੇ ਕੋਤਵਾਲੀ ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰਕੇ ਨਿਆਂਇਕ ਹਿਰਾਸਤ ਵਿੱਚ ਜੇਲ੍ਹ ਭੇਜ ਦਿੱਤਾ ਹੈ। ਪੁਲਿਸ ਵੱਲੋਂ ਉਸ ਦੀ ਪਤਨੀ ਦੀ ਭੂਮਿਕਾ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।
ਕੋਤਵਾਲੀ ਸ਼ਹਿਰ ਦੇ ਰਹਿਣ ਵਾਲੇ ਮੁਲਜ਼ਮ ਵਿਸ਼ਾਲ ਸਿੰਘਲ ਦੀ ਅੜੀਂਗ ਵਿੱਚ ਹਾਰਡਵੇਅਰ ਦੀ ਦੁਕਾਨ ਹੈ। ਪੀੜਤਾ ਦੇ ਮਾਤਾ-ਪਿਤਾ ਦੀ ਮੌਤ ਤੋਂ ਬਾਅਦ ਉਹ ਆਪਣੀਆਂ ਤਿੰਨ ਭੈਣਾਂ ਨਾਲ ਜੀਜੇ ਵਿਸ਼ਾਲ ਦੇ ਘਰ ਰਹਿਣ ਲੱਗ ਪਈ ਸੀ। ਸਮਾਂ ਬੀਤਣ ਦੇ ਨਾਲ ਦੋ ਭੈਣਾਂ ਦਾ ਵਿਆਹ ਹੋ ਗਿਆ, ਜਦਕਿ ਦੋ ਭੈਣਾਂ ਅਜੇ ਵੀ ਅਣਵਿਆਹੀਆਂ ਹਨ।
ਪੀੜਤਾ ਤੇ ਉਸ ਦੀ ਛੋਟੀ ਭੈਣ ਨਾਲ ਕੀਤਾ ਜਬਰ-ਜਨਾਹ
ਦੋਸ਼ ਹੈ ਕਿ ਇਸ ਦੌਰਾਨ ਵਿਸ਼ਾਲ ਨੇ ਪੀੜਤਾ ਅਤੇ ਉਸ ਦੀ ਛੋਟੀ ਭੈਣ ਨਾਲ ਜਬਰ-ਜਨਾਹ ਕੀਤਾ। ਵਿਰੋਧ ਕਰਨ 'ਤੇ ਦੋਵਾਂ ਨੂੰ ਧਮਕੀਆਂ ਵੀ ਦਿੱਤੀਆਂ ਗਈਆਂ।
ਇਸ ਤੋਂ ਇਲਾਵਾ ਪੀੜਤਾ ਦਾ ਮਕਾਨ ਵੀ ਵਿਕਵਾ ਦਿੱਤਾ ਗਿਆ ਪਰ ਮਕਾਨ ਵੇਚਣ ਤੋਂ ਮਿਲੀ ਰਕਮ ਵਿਸ਼ਾਲ ਨੇ ਆਪਣੇ ਕੋਲ ਰੱਖ ਲਈ। ਜਦੋਂ ਪੀੜਤਾ ਨੇ ਉਸ ਤੋਂ ਪੈਸੇ ਵਾਪਸ ਮੰਗੇ ਤਾਂ ਉਹ ਉਸ ਨੂੰ ਧਮਕਾਉਣ ਲੱਗ ਪਿਆ।
ਪੀੜਤਾ ਨੇ ਆਪਣੀ ਵਿਆਹੀ ਹੋਈ ਭੈਣ ਨੂੰ ਵੀ ਪੈਸੇ ਵਾਪਸ ਦਿਵਾਉਣ ਲਈ ਕਿਹਾ, ਪਰ ਉਸ ਨੇ ਆਪਣੇ ਪਤੀ ਦਾ ਹੀ ਸਾਥ ਦਿੱਤਾ।
SSP ਕੋਲੋਂ ਮੰਗਿਆ ਇਨਸਾਫ਼
ਸ਼ੁੱਕਰਵਾਰ ਨੂੰ ਪੀੜਤਾ ਨੇ SSP ਸ਼ਲੋਕ ਕੁਮਾਰ ਕੋਲ ਪਹੁੰਚ ਕੇ ਇਨਸਾਫ਼ ਦੀ ਗੁਹਾਰ ਲਗਾਈ। ਇਸ ਤੋਂ ਬਾਅਦ ਕੋਤਵਾਲੀ ਪੁਲਿਸ ਨੇ ਮੁਲਜ਼ਮ ਪਤੀ-ਪਤਨੀ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਜੀਜੇ ਵਿਸ਼ਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਕੋਤਵਾਲੀ ਇੰਚਾਰਜ ਅਜੈ ਕੌਸ਼ਲ ਨੇ ਦੱਸਿਆ ਕਿ ਮੁਲਜ਼ਮ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਸ ਨੂੰ ਨਿਆਂਇਕ ਹਿਰਾਸਤ ਵਿੱਚ ਜੇਲ੍ਹ ਭੇਜ ਦਿੱਤਾ ਗਿਆ ਹੈ। ਪੁਲਿਸ ਮਾਮਲੇ ਦੀ ਅਗਲੇਰੀ ਜਾਂਚ ਕਰ ਰਹੀ ਹੈ।