ਰੈਸਟੋਰੈਂਟ ’ਚ ਚੂਹੇ-ਬਿੱਲੀਆਂ ਦਾ ਰਾਜ, ਖਾਣਾ ਖਾਣ ਜਾ ਰਹੇ ਹੋ ਤਾਂ ਸਾਵਧਾਨ! ਕੀੜੇ ਲੱਗਿਆ ਖਾਣਾ ਪਰੋਸਣ ’ਤੇ 8 ਦੇ ਲਾਇਸੈਂਸ ਸਸਪੈਂਡ

ਜਦੋਂ ਅਧਿਕਾਰੀ ਸਾਈਬਰਾਬਾਦ ਇਲਾਕੇ ਦੇ ਰਾਇਦੁਰਗ ਸਥਿਤ 'ਪਕਵਾਨ ਗ੍ਰੈਂਡ ਰੈਸਟੋਰੈਂਟ' ’ਚ ਪਹੁੰਚੇ ਤਾਂ ਉੱਥੇ 1,170 ਕਿਲੋ ਮਿਆਦ ਪੁੱਗੇ ਚੌਲ ਤੇ 45 ਕਿਲੋ ਨੂਡਲਜ਼ ਮਿਲੇ। ਇਨ੍ਹਾਂ ਦੀ ਲੇਬਲਿੰਗ ’ਚ ਵੀ ਗੜਬੜੀ ਪਾਈ ਗਈ। ਰੈਸਟੋਰੈਂਟ ’ਚ ਖਰਾਬ ਅੰਡੇ, ਚੂਹਿਆਂ ਦੀ ਭਰਮਾਰ ਤੇ ਠੀਕ ਤਰ੍ਹਾਂ ਸੰਭਾਲੇ ਨਾ ਗਏ ਰੈਫ੍ਰਿਜਰੇਟਰ ਵੀ ਮਿਲੇ। ਪੰਜ ਹੋਰ ਅਦਾਰਿਆਂ—'ਗਰਲ ਫ੍ਰੈਂਡ ਮੰਡੀ', 'ਈਟ ਕਲੱਬ ਬ੍ਰਾਂਡਸ' ਦੇ 'ਬਾਕਸ 8' ਤੇ 'ਮੋਜੋ ਪਿਜ਼ਜ਼ਾ' ਆਊਟਲੈਟ, 'ਸੀਜ਼ਨਜ਼ ਐਕਸਪ੍ਰੈੱਸ' ਤੇ 'ਯਮੀ ਬੀ'—ਨੂੰ ਸੁਧਾਰ ਲਈ ਨੋਟਿਸ ਭੇਜੇ ਜਾਣਗੇ। ਪੁੱਪਲਗੁਡਾ ਸਥਿਤ 'ਆਸਾ ਨਿਓ ਇੰਡੀਅਨ ਕਿਚਨ' ਖ਼ਿਲਾਫ਼ ਵੀ ਕਾਰਨ ਦੱਸੋ ਨੋਟਿਸ ਜਾਰੀ ਕਰਨ ਦਾ ਪ੍ਰਸਤਾਵ ਹੈ। ਜੇਕਰ ਭਵਿੱਖ ’ਚ ਦੁਬਾਰਾ ਗੜਬੜੀ ਮਿਲਦੀ ਹੈ ਤਾਂ ਜੁਰਮਾਨੇ ਦੀ ਕਾਰਵਾਈ ਵੀ ਕੀਤੀ ਜਾ ਸਕਦੀ ਹੈ। ਸਾਈਬਰਾਬਾਦ ਦੇ ਹੀ ਗੱਚੀਬੌਲੀ ’ਚ ਸਥਿਤ 'ਅਰੋਮਾ ਮਲਟੀ-ਕੁਜ਼ੀਨ ਰੈਸਟੋਰੈਂਟ' ਦਾ ਲਾਇਸੈਂਸ ਵੀ ਸਸਪੈਂਡ ਕੀਤਾ ਗਿਆ ਹੈ। ਇਸ ਨੂੰ Acsys Hospitality LLP ਚਲਾ ਰਹੀ ਹੈ। ਜਾਂਚ ਦੌਰਾਨ ਇੱਥੇ ਕਾਕਰੋਚ ਤੇ ਚੂਹਿਆਂ ਦੀ ਭਾਰੀ ਭਰਮਾਰ, ਕੀੜਿਆਂ ਨਾਲ ਦੂਸ਼ਿਤ ਖਾਣਾ, ਮਿਆਦ ਪੁੱਗੇ ਫੂਡ ਪ੍ਰੋਡਕਟਸ ਤੇ ਪਰਿਸਰ ’ਚ ਬਿੱਲੀਆਂ ਮਿਲੀਆਂ। ਇਸ ਤੋਂ ਇਲਾਵਾ ਲੋੜੀਂਦੇ ਪੈਸਟ ਕੰਟਰੋਲ ਤੇ ਫੂਡ ਹੈਂਡਲਰਾਂ ਦੇ ਸਿਹਤ ਰਿਕਾਰਡ ਵੀ ਮੌਜੂਦ ਨਹੀਂ ਸਨ। ਜਿਨ੍ਹਾਂ ਹੋਰ ਥਾਵਾਂ ਦੇ FSSAI ਲਾਇਸੈਂਸ ਸਸਪੈਂਡ ਕੀਤੇ ਗਏ ਹਨ, ਉਨ੍ਹਾਂ ’ਚ ਸਫ਼ਿਲਗੁਡਾ ਦਾ 'ਆਦਿਤਿਆ ਰੈਸਟੋਰੈਂਟ ਐਂਡ ਬਾਰ', ਬੇਗਮ ਬਾਜ਼ਾਰ ਦਾ 'ਵੈਸ਼ਨਵੀ ਦਰਸ਼ਨੀ', ਕੋਠਾਪੇਟ ਦਾ 'ਸਪਾਈਸੀ ਹਬ' (ਗ੍ਰੀਨ ਟ੍ਰੀਟ ਰੈਸਟੋਰੈਂਟ), ਹਫੀਜ਼ਪੇਟ ਦਾ 'ਗੋਦਾਵਰੀ ਘੁਮਾਘੁਮਾਲੂ', ਗੋਪਨਪੱਲੀ ਦਾ 'ਸ਼੍ਰੀ ਕ੍ਰਿਸ਼ਨਾ ਫੈਮਿਲੀ ਢਾਬਾ ਪਿਊਰ ਵੇਜ' ਤੇ ਕੋਂਡਾਪੁਰ ਦਾ 'ਸ਼੍ਰੀ ਸਾਈ ਮੇਸ' (ਜੋ 'ਬਾਬਾਈ ਹੋਟਲ' ਦੀ ਇੱਕ ਯੂਨਿਟ ਹੈ) ਸ਼ਾਮਲ ਹਨ।