ਸਾਧੂ ਦੇ ਭੇਸ ’ਚ ਲੁਕ ਕੇ ਰਹਿੰਦਾ ਸੀ ਜਬਰ-ਜਨਾਹ ਦਾ ਮੁਲਜ਼ਮ, ਪੁਲਿਸ ਮੁਕਾਬਲੇ ’ਚ ਗ੍ਰਿਫ਼ਤਾਰ; ਲੱਤ ’ਚ ਲੱਗੀ ਗੋਲੀ

ਜਾਗਰਣ ਸੰਵਾਦਦਾਤਾ, ਇਟਾਵਾ : ਨੌਂ ਸਾਲ ਦੀ ਬੱਚੀ ਨਾਲ ਜਬਰ-ਜਨਾਹ ਦੇ ਦੋਸ਼ ’ਚ ਲੋੜੀਂਦੇ ਸਾਧੂ ਦੇ ਭੇਸ ’ਚ ਰਹਿ ਰਹੇ ਮੁਲਜ਼ਮ ਨੂੰ ਪੁਲਿਸ ਨੇ ਸ਼ੁੱਕਰਵਾਰ ਦੇਰ ਰਾਤ ਪੀਹਰਪੁਰਾ ਪਿੰਡ ਦੀ ਨਹਿਰ ਝਾਲ ਨੇੜੇ ਮੁਕਾਬਲੇ ਤੋਂ ਬਾਅਦ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਮੁਤਾਬਕ ਘੇਰਾਬੰਦੀ ਦੌਰਾਨ ਮੁਲਜ਼ਮ ਨੇ ਦੇਸੀ ਕੱਟੇ ਨਾਲ ਪੁਲਿਸ ਟੀਮ ’ਤੇ ਗੋਲੀ ਚਲਾਈ ਤੇ ਭੱਜਣ ਦੀ ਕੋਸ਼ਿਸ਼ ਕੀਤੀ। ਜਵਾਬੀ ਕਾਰਵਾਈ ’ਚ ਉਸ ਦੀ ਸੱਜੀ ਲੱਤ ’ਚ ਗੋਲੀ ਲੱਗ ਗਈ, ਜਿਸ ਕਾਰਨ ਉਹ ਜ਼ਖ਼ਮੀ ਹੋ ਗਿਆ। ਪੁਲਿਸ ਨੇ ਉਸ ਨੂੰ ਇਲਾਜ ਲਈ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਹੈ।