ਅਯੁੱਧਿਆ ’ਚ ਰਾਮ ਵਨ ਗਮਨ ਮਾਰਗ ’ਤੇ ਯਾਦਾਂ ਦੇ ਸਤੰਭ, ਅੱਠ ਪੌਰਾਣਿਕ ਸਥਾਨਾਂ ’ਤੇ ਹੋਇਆ ਉਦਘਾਟਨ

ਭਾਜਪਾ ਦੇ ਖੇਤਰੀ ਉਪ ਪ੍ਰਧਾਨ ਅਵਧੇਸ਼ ਪਾਂਡੇ ‘ਬਾਦਲ’ ਨੇ ਕਿਹਾ ਕਿ ਰਾਮ ਵਨ ਗਮਨ ਨਾਲ ਜੁੜੇ ਇਨ੍ਹਾਂ ਪੌਰਾਣਿਕ ਸਥਾਨਾਂ ਨੂੰ ਸ੍ਰੀਰਾਮ ਦੇ ਵਨਵਾਸ ਗਮਨ ਦੀ ਪਰੰਪਰਾ ਤੇ ਯਾਦਾਂ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਇਨ੍ਹਾਂ ਸਥਾਨਾਂ ’ਤੇ ਸ੍ਰੀਰਾਮ ਸਤੰਭਾਂ ਦੀ ਸਥਾਪਨਾ ਨਾਲ ਰਾਮ ਵਨ ਗਮਨ ਨਾਲ ਜੁੜੇ ਸਥਾਨਾਂ ਦੀ ਪਛਾਣ ਤੇ ਮਹੱਤਵ ਨੂੰ ਅੱਗੇ ਵਧਾਉਣ ’ਚ ਮਦਦ ਮਿਲੇਗੀ। ਵਿਹਿਪ ਦੇ ਵਿਭਾਗ ਮੰਤਰੀ ਧੀਰੇਸ਼ਵਰ ਵਰਮਾ ਨੇ ਦੱਸਿਆ ਕਿ ਦਸ਼ਰਥ ਮਹਲ, ਦਸ਼ਰਥ ਸਮਾਧੀ ਸਥਲ ਤੇ ਮਖੌੜਾ ਧਾਮ ’ਚ ਵੀ ਸ੍ਰੀਰਾਮ ਸਤੰਭ ਸਥਾਪਿਤ ਕੀਤੇ ਜਾ ਰਹੇ ਹਨ। ਇਨ੍ਹਾਂ ਤਿੰਨਾਂ ਸਥਾਨਾਂ ’ਤੇ ਇਸ ਸਮੇਂ ਨੀਂਹ ਦਾ ਕੰਮ ਚੱਲ ਰਿਹਾ ਹੈ। ਕੰਮ ਪੂਰਾ ਹੋਣ ਤੋਂ ਬਾਅਦ ਇਨ੍ਹਾਂ ਸਤੰਭਾਂ ਦਾ ਵੀ ਜਲਦ ਹੀ ਉਦਘਾਟਨ ਕੀਤਾ ਜਾਵੇਗਾ।