- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੀਂਹ ਨੇ ਵਿਗਾੜਿਆ ਰਸੋਈ ਦਾ ਬਜਟ, ਭਿੰਡੀ ਹੁਣ 80 ਦੀ ਤੇ ਹਰਾ ਧਨੀਆ 200 ਰੁਪਏ ਕਿਲੋ; ਜਾਣੋ ਬਾਕੀ ਸਬਜ਼ੀਆਂ ਦੇ ਭਾਅ
ਅਚਾਨਕ ਵਧੀਆਂ ਕੀਮਤਾਂ ਨੇ ਆਮ ਲੋਕਾਂ ਦੇ ਘਰੇਲੂ ਬਜਟ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਮੱਧਵਰਗੀ ਪਰਿਵਾਰਾਂ ਨੂੰ ਹੁਣ ਸਬਜ਼ੀਆਂ ਦੀ ਖ਼ਰੀਦਦਾਰੀ ਵਿੱਚ ਕਟੌਤੀ ਕਰਨੀ ਪੈ ਰਹੀ ਹੈ। ਖਲਾਰੀ ਦੇ ਬਾਜ਼ਾਰਾਂ ਵਿੱਚ ਟਮਾਟਰ 50 ਰੁਪਏ, ਲਸਣ ਅਤੇ ਅਦਰਕ 150-150 ਰੁਪਏ ਕਿਲੋ ਵਿਕ ਰਹੇ ਹਨ।
Posted By Anuradha Bains
Publish Date: Sat, 24 Oct 2026 03:52 PM (IST)
Updated Date: Sat, 24 Oct 2026 03:56 PM (IST)
ਸੰਵਾਦ ਸਹਿਯੋਗੀ, ਖਲਾਰੀ (ਰਾਂਚੀ)। ਖਲਾਰੀ ਕੋਲਾ ਖੇਤਰ ਅਤੇ ਆਲੇ-ਦੁਆਲੇ ਦੇ ਪੇਂਡੂ ਖੇਤਰਾਂ ਵਿੱਚ ਲਗਾਤਾਰ ਹੋ ਰਹੀ ਬਾਰਿਸ਼ ਨੇ ਸਬਜ਼ੀਆਂ ਦੀਆਂ ਕੀਮਤਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਬਾਜ਼ਾਰ ਦੀਆਂ ਕੀਮਤਾਂ ਤਿੰਨ ਤੋਂ ਚਾਰ ਗੁਣਾ ਵੱਧ ਗਈਆਂ ਹਨ। ਭਿੰਡੀ, ਜੋ ਕਦੇ 10 ਰੁਪਏ ਪ੍ਰਤੀ ਕਿਲੋ ਵਿਕਦੀ ਸੀ, ਹੁਣ 60 ਤੋਂ 80 ਰੁਪਏ ਪ੍ਰਤੀ ਕਿਲੋ ਦੀ ਕੀਮਤ 'ਤੇ ਹੈ।
ਅਚਾਨਕ ਵਧੀਆਂ ਕੀਮਤਾਂ ਨੇ ਆਮ ਲੋਕਾਂ ਦੇ ਘਰੇਲੂ ਬਜਟ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਮੱਧਵਰਗੀ ਪਰਿਵਾਰਾਂ ਨੂੰ ਹੁਣ ਸਬਜ਼ੀਆਂ ਦੀ ਖ਼ਰੀਦਦਾਰੀ ਵਿੱਚ ਕਟੌਤੀ ਕਰਨੀ ਪੈ ਰਹੀ ਹੈ। ਖਲਾਰੀ ਦੇ ਬਾਜ਼ਾਰਾਂ ਵਿੱਚ ਟਮਾਟਰ 50 ਰੁਪਏ, ਲਸਣ ਅਤੇ ਅਦਰਕ 150-150 ਰੁਪਏ ਕਿਲੋ ਵਿਕ ਰਹੇ ਹਨ।
ਹਰੀਆਂ ਸਬਜ਼ੀਆਂ ਵਿੱਚ ਫਰਸਬੀਨ (ਬੀਂਡੀਆਂ) 100 ਰੁਪਏ, ਫੁੱਲ ਗੋਭੀ 80 ਰੁਪਏ, ਪੱਤਾ ਗੋਭੀ 40 ਰੁਪਏ, ਸ਼ਿਮਲਾ ਮਿਰਚ 100 ਰੁਪਏ, ਬੈਂਗਣ ਅਤੇ ਕਰੇਲਾ 60-60 ਰੁਪਏ, ਪਰਵਲ 50 ਤੋਂ 60 ਰੁਪਏ, ਕੱਦੂ 40 ਰੁਪਏ, ਤੋਰੀ (ਨੇਨੂਆ) 50 ਰੁਪਏ, ਝੀਂਗੀ 60 ਰੁਪਏ, ਮੂਲੀ ਅਤੇ ਕੁੰਦਰੀ 40-40 ਰੁਪਏ ਅਤੇ ਕੱਚੂ 50 ਰੁਪਏ ਕਿਲੋ ਵਿਕ ਰਿਹਾ ਹੈ। ਉੱਥੇ ਹੀ ਹਰੇ ਧਨੀਏ ਦੀ ਕੀਮਤ 200 ਰੁਪਏ ਕਿਲੋ ਤੱਕ ਪਹੁੰਚ ਗਈ ਹੈ।
ਖ਼ਰੀਦਦਾਰੀ ’ਚ ਕਟੌਤੀ ਕਰਨ ਲਈ ਮਜਬੂਰ ਲੋਕ
ਸਬਜ਼ੀਆਂ ਦੀਆਂ ਵਧਦੀਆਂ ਕੀਮਤਾਂ ਤੋਂ ਘਰੇਲੂ ਔਰਤਾਂ ਪ੍ਰੇਸ਼ਾਨ ਹਨ। ਸਰਿਤਾ ਦੇਵੀ ਨੇ ਕਿਹਾ ਕਿ ਮੀਂਹ ਕਾਰਨ ਸਬਜ਼ੀਆਂ ਦੇ ਭਾਅ ਵਧਣ ਨਾਲ ਘਰੇਲੂ ਬਜਟ ਵਿਗੜ ਗਿਆ ਹੈ। ਪੂਨਮ ਦੇਵੀ ਅਤੇ ਪੁਸ਼ਪਾ ਦੇਵੀ ਨੇ ਦੱਸਿਆ ਕਿ ਹੁਣ ਬਾਜ਼ਾਰ ਜਾਣ ਤੋਂ ਪਹਿਲਾਂ ਬਜਟ ਦੀ ਯੋਜਨਾ ਬਣਉਣੀ ਪੈਂਦੀ ਹੈ ਅਤੇ ਲੋੜ ਮੁਤਾਬਕ ਹੀ ਸਬਜ਼ੀਆਂ ਖ਼ਰੀਦਣੀਆਂ ਪੈ ਰਹੀਆਂ ਹਨ।
ਕਿਸਾਨਾਂ ਨੂੰ ਮਿਲੀ ਰਾਹਤ
ਦੂਜੇ ਪਾਸੇ, ਸਬਜ਼ੀਆਂ ਦੀਆਂ ਕੀਮਤਾਂ ਵਿੱਚ ਵਾਧੇ ਨਾਲ ਕਿਸਾਨਾਂ ਨੂੰ ਰਾਹਤ ਮਿਲੀ ਹੈ। ਬਮਨੇ ਦੇ ਕਿਸਾਨ ਵਿਸ਼ੇਸ਼ਵਰ ਮਹਤੋ ਨੇ ਦੱਸਿਆ ਕਿ ਪਹਿਲਾਂ ਟਮਾਟਰ ਦੇ ਖ਼ਰੀਦਦਾਰ ਨਹੀਂ ਮਿਲ ਰਹੇ ਸਨ, ਪਰ ਹੁਣ ਬਿਹਤਰ ਕੀਮਤ ਮਿਲਣ ਨਾਲ ਮਿਹਨਤ ਦਾ ਸਹੀ ਫਲ ਮਿਲ ਰਿਹਾ ਹੈ। ਪੁਰਾਣੀ ਰਾਏ ਦੇ ਕਿਸਾਨ ਰਾਜੇਸ਼ ਮਹਤੋ ਨੇ ਕਿਹਾ ਕਿ ਮੀਂਹ ਨਾਲ ਭਿੰਡੀ ਦੀ ਫ਼ਸਲ ਨੂੰ ਨੁਕਸਾਨ ਹੋਇਆ ਹੈ, ਪਰ ਕੀਮਤ ਵਧਣ ਨਾਲ ਕਿਸਾਨਾਂ ਨੂੰ ਕੁਝ ਰਾਹਤ ਜ਼ਰੂਰ ਮਿਲੀ ਹੈ।