ਸ਼ਰਮਨਾਕ ਘਟਨਾ: ਪਤੀ ਨੂੰ ਬਚਾਉਣ ਆਈ ਗਰਭਵਤੀ ਔਰਤ ਦੀ ਕੁੱਟਮਾਰ, ਪੇਟ 'ਚ ਹੀ ਬੱਚੇ ਦੀ ਮੌਤ

ਸ਼ੁੱਕਰਵਾਰ ਨੂੰ ਪ੍ਰਿਆ ਪਾਲ ਨੇ ਇੱਕ ਮ੍ਰਿਤਕ ਬੱਚੇ ਨੂੰ ਜਨਮ ਦਿੱਤਾ। ਅਧਿਆਪਕ ਦਾ ਕਹਿਣਾ ਹੈ ਕਿ ਕੁੱਟਮਾਰ ਕਰਨ ਵਾਲੇ ਭਾਜਪਾ ਦੇ ਲੋਕ ਸਨ। ਕੁੱਟਮਾਰ ਨਾਲ ਪ੍ਰਿਆ ਦੇ ਬੱਚੇ ਦੀ ਜਾਨ ਗਈ। ਉਸ ਨੂੰ ਅੱਠ ਮਹੀਨੇ ਦਾ ਗਰਭ ਸੀ। ਦਿਨਹਾਟਾ-2 ਬਲਾਕ ਦੇ ਬੜਾ ਸ਼ਾਕਦਲ ਗ੍ਰਾਮ ਪੰਚਾਇਤ ਅੰਤਰਗਤ ਕੁਚਨੀ ਪਿੰਡ ਦੀ ਇਸ ਘਟਨਾ ਨਾਲ ਲੋਕਾਂ ਵਿੱਚ ਰੋਸ ਹੈ।

Posted By Anuradha Bains

Publish Date: Sun, 01 Nov 2026 11:34 AM (IST)

Updated Date: Sun, 01 Nov 2026 11:36 AM (IST)

ਸ਼ਰਮਨਾਕ ਘਟਨਾ: ਪਤੀ ਨੂੰ ਬਚਾਉਣ ਆਈ ਗਰਭਵਤੀ ਔਰਤ ਦੀ ਕੁੱਟਮਾਰ, ਪੇਟ 'ਚ ਹੀ ਬੱਚੇ ਦੀ ਮੌਤ

ਜੇਐੱਨਐੱਨ, ਦਿਨਹਾਟਾ। ਬੁੱਧਵਾਰ ਦੀ ਰਾਤ ਟਿਊਸ਼ਨ ਪੜ੍ਹਾ ਕੇ ਘਰ ਪਰਤ ਰਹੇ ਅਧਿਆਪਕ ਦੇਵਜੀਤ ਬਰਮਨ 'ਤੇ ਕੁਝ ਲੋਕਾਂ ਨੇ ਹਮਲਾ ਕਰ ਦਿੱਤਾ। ਕਿਸੇ ਤਰ੍ਹਾਂ ਉਹ ਜਿਵੇਂ-ਤਿਵੇਂ ਭੱਜ ਕੇ ਆਪਣੇ ਘਰ ਪਹੁੰਚੇ, ਇਸਦੇ ਬਾਵਜੂਦ ਮੁਲਜ਼ਮਾਂ ਨੇ ਉੱਥੇ ਪਹੁੰਚ ਕੇ ਵੀ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ। ਦੋਸ਼ ਹੈ ਕਿ ਆਪਣੇ ਪਤੀ ਨੂੰ ਬਚਾਉਣ ਲਈ ਅੱਗੇ ਆਈ ਉਨ੍ਹਾਂ ਦੀ ਗਰਭਵਤੀ ਪਤਨੀ ਪ੍ਰਿਆ ਪਾਲ ਨਾਲ ਵੀ ਕੁੱਟਮਾਰ ਕੀਤੀ ਗਈ।

ਅਧਿਆਪਕ ਅਨੁਸਾਰ ਉਸ ਦੀ ਰਿਸ਼ਤੇਦਾਰ ਤ੍ਰਿਣਮੂਲ ਕਾਂਗਰਸ (TMC) ਨਾਲ ਜੁੜੀ ਹੋਈ ਹੈ। ਇਸੇ ਕਾਰਨ ਭਾਜਪਾ ਦੇ ਕਥਿਤ ਲੋਕਾਂ ਨੇ ਹਮਲਾ ਕੀਤਾ। ਇਸ ਮਾਮਲੇ ਵਿੱਚ ਦਸ ਲੋਕਾਂ ਖ਼ਿਲਾਫ਼ ਸ਼ਿਕਾਇਤ ਕੀਤੀ ਗਈ ਹੈ। ਸਾਹਿਬਗੰਜ ਥਾਣੇ ਦੀ ਪੁਲਿਸ ਨੇ ਦੋ ਲੋਕਾਂ ਚੰਦਨ ਬਰਮਨ ਅਤੇ ਮਨੋਰੰਜਨ ਬਰਮਨ ਨੂੰ ਫੜਿਆ ਹੈ।

ਦੋਸ਼ ਲਗਾਇਆ ਕਿ ਘਟਨਾ ਸਮੇਂ ਮੌਜੂਦ ਭਾਜਪਾ ਨੇਤਾਵਾਂ ਨੂੰ ਪੁਲਿਸ ਨੇ ਹੁਣ ਤੱਕ ਗ੍ਰਿਫ਼ਤਾਰ ਨਹੀਂ ਕੀਤਾ ਹੈ। ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰਕੇ ਸਾਨੂੰ ਇਨਸਾਫ਼ ਦਿੱਤਾ ਜਾਵੇ। ਉੱਧਰ ਸ਼ਨੀਵਾਰ ਨੂੰ ਦਿਨਹਾਟਾ ਦੇ ਵਿਧਾਇਕ ਅਜੇ ਰਾਏ ਪੀੜਤ ਪਰਿਵਾਰ ਨੂੰ ਮਿਲਣ ਪਹੁੰਚੇ। ਘਟਨਾ ਦੀ ਪੂਰੀ ਜਾਣਕਾਰੀ ਲਈ।

ਭਾਜਪਾ ਦੇ ਤਿੰਨ ਨੰਬਰ ਮੰਡਲ ਪ੍ਰਧਾਨ ਚਾਣਕਿਆ ਬਰਮਨ ਨੂੰ ਫੋਨ ਕਰਕੇ ਫਟਕਾਰ ਲਗਾਈ। ਵਿਧਾਇਕ ਨੇ ਕਿਹਾ ਕਿ ਇਸ ਘਟਨਾ ਦੀ ਜਾਣਕਾਰੀ ਨਹੀਂ ਸੀ। ਪਤਾ ਚੱਲਦਿਆਂ ਹੀ ਜ਼ਰੂਰੀ ਕਦਮ ਚੁੱਕੇ। ਪ੍ਰਸ਼ਾਸਨ ਤੋਂ ਮਾਮਲੇ ਦੀ ਨਿਰਪੱਖ ਜਾਂਚ ਕਰਕੇ ਦੋਸ਼ੀਆਂ ਖ਼ਿਲਾਫ਼ ਕਾਰਵਾਈ ਕਰਨ ਲਈ ਕਿਹਾ ਹੈ।

ਵਿਧਾਇਕ ਨੇ ਇਸ ਪਰਿਵਾਰ ਨੂੰ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ। ਕਿਹਾ ਕਿ ਪੁਲਿਸ ਨੇ ਦੋ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਇਸਦਾ ਮਤਲਬ ਹੈ ਕਿ ਪ੍ਰਸ਼ਾਸਨ ਆਪਣਾ ਕੰਮ ਕਰ ਰਹਾ ਹੈ। ਉੱਧਰ ਪੀੜਤ ਦੇਵਜੀਤ ਬਰਮਨ ਨੇ ਦੱਸਿਆ ਕਿ ਵਿਧਾਇਕ ਘਰ ਆਏ ਸਨ, ਉਨ੍ਹਾਂ ਨੇ ਮਦਦ ਦਾ ਭਰੋਸਾ ਦਿੱਤਾ ਹੈ।