ਸਪਨਾ ਚੌਧਰੀ ਦੇ ਸ਼ੋਅ ’ਤੇ ਪੁਲਿਸ ਦੀ ਰੋਕ : ਮੇਲੇ 'ਚ ਪ੍ਰੋਗਰਾਮ ਦੀ ਨਹੀਂ ਮਿਲੀ ਮਨਜ਼ੂਰੀ, ਪ੍ਰਬੰਧਕਾਂ ਨੂੰ 8 ਲੱਖ ਦਾ ਘਾਟਾ

ਹਾਥਰਸ (ਜਾਗਰਣ ਪੱਤਰ ਪ੍ਰੇਰਕ) : ਸ਼੍ਰੀ ਦੌਜੀ ਮਹਾਰਾਜ ਮੇਲੇ ਦੇ ਆਖਰੀ ਦਿਨ ਯਾਨੀ 6 ਅਕਤੂਬਰ ਨੂੰ ਹੋਣ ਵਾਲੇ ਹਰਿਆਣਵੀ ਕਲਾਕਾਰ ਸਪਨਾ ਚੌਧਰੀ ਦੇ ਸੰਗੀਤਕ ਪ੍ਰੋਗਰਾਮ ਨੂੰ ਲੈ ਕੇ ਮੁਸ਼ਕਲ ਖੜ੍ਹੀ ਹੋ ਗਈ ਹੈ। ਭਾਰੀ ਭੀੜ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਪੁਲਿਸ ਪ੍ਰਸ਼ਾਸਨ ਨੇ ਇਸ ਪ੍ਰੋਗਰਾਮ ਲਈ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਦੂਜੇ ਪਾਸੇ, ਪ੍ਰਬੰਧਕ ਸ਼ੋਅ ਕਰਵਾਉਣ 'ਤੇ ਅੜੇ ਹੋਏ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਲਾਕਾਰ ਨੂੰ ਲਗਪਗ 15 ਦਿਨ ਪਹਿਲਾਂ ਬੁੱਕ ਕੀਤਾ ਗਿਆ ਸੀ ਅਤੇ 8 ਲੱਖ ਰੁਪਏ ਦੀ ਅਗਾਊਂ ਅਦਾਇਗੀ ਵੀ ਕੀਤੀ ਜਾ ਚੁੱਕੀ ਹੈ। ਇਸ ਮਾਮਲੇ ਸਬੰਧੀ ਸੋਮਵਾਰ ਨੂੰ ਡਿਵੀਜ਼ਨਲ ਕਮਿਸ਼ਨਰ ਅਤੇ ਜ਼ਿਲ੍ਹਾ ਮੈਜਿਸਟਰੇਟ ਵਿਚਕਾਰ ਗੱਲਬਾਤ ਹੋਣੀ ਹੈ।