- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਜ਼ਹਿਰੀਲੀ ਸ਼ਰਾਬ ਬਣੀ ਕਾਲ: 9 ਲੋਕਾਂ ਦੀ ਮੌਤ ਨਾਲ ਗਮਗੀਨ ਹੋਇਆ ਇਲਾਕਾ, 5 ਮਰੀਜ਼ਾਂ ਦੀ ਹਾਲਤ ਬੇਹੱਦ ਨਾਜ਼ੁਕ
ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦੇ ਬੰਡਾ 'ਚ ਸ਼ਨੀਵਾਰ ਰਾਤ ਸ਼ੱਕੀ ਹਾਲਾਤਾਂ 'ਚ ਛੇ ਲੋਕਾਂ ਦੀ ਮੌਤ ਹੋ ਗਈ। ਉੱਥੇ ਹੀ ਪੰਜ ਲੋਕਾਂ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਸਾਗਰ ਸਥਿਤ ਬੁੰਦੈਲਖੰਡ ਮੈਡੀਕਲ ਕਾਲਜ (ਬੀਐੱਮਸੀ) ਰੈਫਰ ਕੀਤਾ ਗਿਆ ਹੈ। ਘਟਨਾ ਦਾ ਕਾਰਨ ਜ਼ਹਿਰੀਲੀ ਸ਼ਰਾਬ ਪੀਣ ਦੀ ਆਸ਼ੰਕਾ ਜਤਾਈ ਜਾ ਰਹੀ ਹੈ। ਹਾਲਾਂਕਿ, ਇਸ ਦੀ ਪੁਸ਼ਟੀ ਪੋਸਟਮਾਰਟਮ ਰਿਪੋਰਟ ਅਤੇ ਜਾਂਚ ਤੋਂ ਬਾਅਦ ਹੀ ਹੋ ਸਕੇਗੀ।
Posted By Sunita
Publish Date: Sun, 06 Sep 2026 11:01 AM (IST)
Updated Date: Sun, 06 Sep 2026 11:33 AM (IST)
ਡਿਜ਼ੀਟਲ ਡੈਸਕ, ਸਾਗਰ - ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦੇ ਬੰਡਾ 'ਚ ਸ਼ਨੀਵਾਰ ਰਾਤ ਸ਼ੱਕੀ ਹਾਲਾਤਾਂ 'ਚ 9 ਲੋਕਾਂ ਦੀ ਮੌਤ ਹੋ ਗਈ। ਉੱਥੇ ਹੀ ਪੰਜ ਲੋਕਾਂ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਸਾਗਰ ਸਥਿਤ ਬੁੰਦੈਲਖੰਡ ਮੈਡੀਕਲ ਕਾਲਜ (ਬੀਐੱਮਸੀ) ਰੈਫਰ ਕੀਤਾ ਗਿਆ ਹੈ। ਘਟਨਾ ਦਾ ਕਾਰਨ ਜ਼ਹਿਰੀਲੀ ਸ਼ਰਾਬ ਪੀਣ ਦੀ ਆਸ਼ੰਕਾ ਜਤਾਈ ਜਾ ਰਹੀ ਹੈ। ਹਾਲਾਂਕਿ, ਇਸ ਦੀ ਪੁਸ਼ਟੀ ਪੋਸਟਮਾਰਟਮ ਰਿਪੋਰਟ ਅਤੇ ਜਾਂਚ ਤੋਂ ਬਾਅਦ ਹੀ ਹੋ ਸਕੇਗੀ।
ਜਾਣਕਾਰੀ ਮੁਤਾਬਕ, ਰਾਤ ਨੂੰ ਲਗਭਗ ਦਰਜਨ ਭਰ ਲੋਕਾਂ ਦੀ ਤਬੀਅਤ ਵਿਗੜਨ ਤੋਂ ਬਾਅਦ ਉਨ੍ਹਾਂ ਨੂੰ ਬੰਡਾ ਦੇ ਸਿਵਲ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਸੀ। ਇਲਾਜ ਦੌਰਾਨ ਛੇ ਲੋਕਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਦਾ ਪੋਸਟਮਾਰਟਮ ਬੰਡਾ ਹਸਪਤਾਲ 'ਚ ਕੀਤਾ ਜਾ ਰਿਹਾ ਹੈ। ਗੰਭੀਰ ਹਾਲਤ ਵਾਲੇ ਪੰਜ ਮਰੀਜ਼ਾਂ ਨੂੰ ਇਲਾਜ ਲਈ ਬੀਐੱਮਸੀ ਸਾਗਰ ਭੇਜਿਆ ਗਿਆ ਹੈ।
ਇਨ੍ਹਾਂ ਦੀ ਹੋਈ ਮੌਤ
ਪੁਲਿਸ ਮੁਤਾਬਕ ਮ੍ਰਿਤਕਾਂ 'ਚ ਗੋਲੂ ਉਰਫ਼ ਚਮਨ ਲੋਧੀ (45), ਵਾਸੀ ਗੂਗਰਾ ਖੁਰਦ, ਦਿਗਵਿਜੈ ਲੋਧੀ (28), ਵਾਸੀ ਨੌਰਾਜ, ਕਰਤਾਰ ਸਿੰਘ ਲੋਧੀ (30), ਵਾਸੀ ਨੌਰਾਜ, ਉਜਿਆਰ ਸਿੰਘ ਲੋਧੀ (56), ਵਾਸੀ ਗੂਗਰਾ ਖੁਰਦ, ਰੋਸ਼ਨ ਲੋਧੀ (30), ਵਾਸੀ ਪਾਟਨ ਥਾਣਾ ਵਿਨਾਇਕਾ ਅਤੇ ਰਾਜੇਂਦਰ ਲੋਧੀ (32), ਵਾਸੀ ਨੌਰਾਜ-ਗੂਗਰਾ ਸ਼ਾਮਲ ਹਨ। ਇਹ ਜਾਣਕਾਰੀ ਵੀ ਸਾਹਮਣੇ ਆਈ ਹੈ ਕਿ ਗੋਲੂ ਉਰਫ਼ ਚਮਨ ਪਹਿਲਾਂ ਤੋਂ ਕੈਂਸਰ ਦੀ ਬਿਮਾਰੀ ਨਾਲ ਪੀੜਤ ਸੀ।
ਪੰਜ ਮਰੀਜ਼ ਬੀਐੱਮਸੀ ਰੈਫਰ
ਹਰਨਾਮ ਰਾਏ (42), ਵਾਸੀ ਚੌਕਾ, ਉੱਤਮ ਨੱਥੂ ਨਾਇਕ (42), ਵਾਸੀ ਦਲਪਤਪੁਰ, ਮੰਗਲ ਰਜਕ (40), ਵਾਸੀ ਗੂਗਰਾ ਖੁਰਦ, ਪਰਮ ਆਦਿਵਾਸੀ, ਵਾਸੀ ਹਿਨੌਤਾ ਅਤੇ ਧਨਸਿੰਘ ਆਦਿਵਾਸੀ (30), ਵਾਸੀ ਹਿਨੌਤਾ ਨੂੰ ਗੰਭੀਰ ਹਾਲਤ 'ਚ ਬੀਐੱਮਸੀ ਸਾਗਰ ਰੈਫਰ ਕੀਤਾ ਗਿਆ ਹੈ। ਪ੍ਰਸ਼ਾਸਨ ਅਤੇ ਪੁਲਿਸ ਵੱਲੋਂ ਘਟਨਾ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜ਼ਹਿਰੀਲੀ ਸ਼ਰਾਬ ਪੀਣ ਦੀ ਆਸ਼ੰਕਾ ਨੂੰ ਲੈ ਕੇ ਵੀ ਜਾਂਚ ਕੀਤੀ ਜਾ ਰਹੀ ਹੈ।