- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
PM Modi ਨੇ ਫਲਾਈਦੁਬਈ ਦੇ 'ਹੀਰੋ' ਪਾਇਲਟ ਸਮਿਤ ਮਛਾਰ ਨਾਲ ਫੋਨ 'ਤੇ ਕੀਤੀ ਗੱਲ, ਕਿਹਾ- ਪੂਰੇ ਦੇਸ਼ ਨੂੰ ਤੁਹਾਡੇ 'ਤੇ ਮਾਣ ਹੈ
ਪਾਇਲਟ ਕੈਪਟਨ ਸਮਿਤ ਮਛਾਰ ਨੇ ਦੱਸਿਆ ਕਿ ਭਾਰੀ ਦਬਾਅ ਅਤੇ ਸੰਕਟ ਦੇ ਵਿਚਕਾਰ ਉਨ੍ਹਾਂ ਨੂੰ ਕਿਸ ਗੱਲ ਨੇ ਹਿੰਮਤ ਅਤੇ ਹੌਸਲਾ ਦਿੱਤਾ। ਪ੍ਰਧਾਨ ਮੰਤਰੀ ਨੇ ਮੁਸ਼ਕਿਲ ਹਾਲਾਤਾਂ ਵਿੱਚ ਦਿਖਾਈ ਗਈ ਉਨ੍ਹਾਂ ਦੀ ਅਸਾਧਾਰਨ ਬਹਾਦਰੀ, ਸੂਝ-ਬੂਝ ਅਤੇ ਜਾਂਬਾਜ਼ੀ ਦੀ ਦਿਲ ਖੋਲ੍ਹ ਕੇ ਤਾਰੀਫ਼ ਕੀਤੀ ਅਤੇ ਉਨ੍ਹਾਂ ਦੇ ਜਲਦੀ ਅਤੇ ਪੂਰੀ ਤਰ੍ਹਾਂ ਸਿਹਤਮੰਦ ਹੋਣ ਦੀ ਕਾਮਨਾ ਕੀਤੀ।
Posted By Anuradha Bains
Publish Date: Fri, 02 Oct 2026 12:05 PM (IST)
Updated Date: Fri, 02 Oct 2026 12:07 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਫਲਾਈਦੁਬਈ ਦੇ ਜਹਾਜ਼ ਵਿੱਚ 174 ਯਾਤਰੀਆਂ ਦੀ ਜਾਨ ਬਚਾਉਣ ਵਾਲੇ ਭਾਰਤ ਦੇ ਬਹਾਦਰ ਪਾਇਲਟ ਕੈਪਟਨ ਸਮਿਤ ਮਛਾਰ ਨਾਲ ਫੋਨ 'ਤੇ ਗੱਲ ਕਰਕੇ ਉਨ੍ਹਾਂ ਦਾ ਹਾਲ-ਚਾਲ ਜਾਣਿਆ। ਗੱਲਬਾਤ ਦੌਰਾਨ ਕੈਪਟਨ ਸਮਿਤ ਨੇ ਉਸ ਖੌਫ਼ਨਾਕ ਘਟਨਾ ਦੇ ਪਲ-ਪਲ ਦਾ ਤਜ਼ਰਬਾ ਸਾਂਝਾ ਕੀਤਾ।
ਪਾਇਲਟ ਕੈਪਟਨ ਸਮਿਤ ਮਛਾਰ ਨੇ ਦੱਸਿਆ ਕਿ ਭਾਰੀ ਦਬਾਅ ਅਤੇ ਸੰਕਟ ਦੇ ਵਿਚਕਾਰ ਉਨ੍ਹਾਂ ਨੂੰ ਕਿਸ ਗੱਲ ਨੇ ਹਿੰਮਤ ਅਤੇ ਹੌਸਲਾ ਦਿੱਤਾ। ਪ੍ਰਧਾਨ ਮੰਤਰੀ ਨੇ ਮੁਸ਼ਕਿਲ ਹਾਲਾਤਾਂ ਵਿੱਚ ਦਿਖਾਈ ਗਈ ਉਨ੍ਹਾਂ ਦੀ ਅਸਾਧਾਰਨ ਬਹਾਦਰੀ, ਸੂਝ-ਬੂਝ ਅਤੇ ਜਾਂਬਾਜ਼ੀ ਦੀ ਦਿਲ ਖੋਲ੍ਹ ਕੇ ਤਾਰੀਫ਼ ਕੀਤੀ ਅਤੇ ਉਨ੍ਹਾਂ ਦੇ ਜਲਦੀ ਅਤੇ ਪੂਰੀ ਤਰ੍ਹਾਂ ਸਿਹਤਮੰਦ ਹੋਣ ਦੀ ਕਾਮਨਾ ਕੀਤੀ।
ਪੀ.ਐੱਮ. ਮੋਦੀ ਨੇ ਘਰਦਿਆਂ ਨਾਲ ਵੀ ਕੀਤੀ ਸੀ ਗੱਲ
ਪੀ.ਐੱਮ. ਮੋਦੀ ਨੇ ਵੀਰਵਾਰ ਨੂੰ ਪਾਇਲਟ ਦੀ ਪਤਨੀ ਅਤੇ ਮਾਤਾ-ਪਿਤਾ ਨਾਲ ਵੀ ਗੱਲ ਕੀਤੀ ਸੀ ਅਤੇ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਸੀ ਕਿ ਮਛਾਰ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਭਾਰਤੀ ਮਿਸ਼ਨਾਂ ਵੱਲੋਂ ਪੂਰੀ ਮਦਦ ਮਿਲੇਗੀ।
ਦੁਬਈ ਤੋਂ ਤੇਲ ਅਵੀਵ ਜਾ ਰਹੀ ਫਲਾਈਦੁਬਈ ਦੀ ਉਡਾਣ FZ1073 ਅਸਮਾਨ ਵਿੱਚ ਆਮ ਗਤੀ ਨਾਲ ਚੱਲ ਰਹੀ ਸੀ ਜਦੋਂ ਅਚਾਨਕ ਕਾਕਪਿਟ ਦੇ ਅੰਦਰ ਇੱਕ ਅਚਾਨਕ ਸੰਕਟ ਪੈਦਾ ਹੋ ਗਿਆ।
ਸਹਿ-ਪਾਇਲਟ ਨੇ ਬਦਨੀਤੀ ਨਾਲ ਜਹਾਜ਼ ਦਾ ਕੰਟਰੋਲ ਵਿਗਾੜਦਿਆਂ ਇਸਨੂੰ ਹੇਠਾਂ ਡੇਗਣ ਦੀ ਕੋਸ਼ਿਸ਼ ਕੀਤੀ, ਜਿਸ ਨਾਲ ਕੁਝ ਸਕਿੰਟਾਂ ਵਿੱਚ ਹੀ ਹਵਾਈ ਜਹਾਜ਼ ਹਜ਼ਾਰਾਂ ਫੁੱਟ ਹੇਠਾਂ ਗੋਤਾ ਲਗਾਉਣ ਲੱਗਿਆ।
ਖ਼ਤਰੇ ਨੂੰ ਭਾਂਪਦਿਆਂ ਮੁੱਖ ਪਾਇਲਟ ਕੈਪਟਨ ਸਮਿਤ ਮਛਾਰ ਨੇ ਇਸਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ, ਜਿਸ ਤੋਂ ਬਾਅਦ ਦੋਵਾਂ ਵਿਚਕਾਰ ਕਾਕਪਿਟ ਵਿੱਚ ਭਿਆਨਕ ਸੰਘਰਸ਼ ਸ਼ੁਰੂ ਹੋ ਗਿਆ।
ਗੰਭੀਰ ਸੱਟਾਂ ਦੇ ਬਾਵਜੂਦ ਨਹੀਂ ਟੁੱਟਣ ਦਿੱਤਾ ਹੌਸਲਾ
ਇਸ ਖ਼ੂਨੀ ਹੱਥੋਪਾਈ ਵਿੱਚ ਕੈਪਟਨ ਸਮਿਤ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਏ ਅਤੇ ਸਰੀਰ ਵਿੱਚੋਂ ਲਗਾਤਾਰ ਵਗ ਰਹੇ ਖ਼ੂਨ ਕਾਰਨ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਹੋਣ ਲੱਗੀ ਸੀ। ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਹੋਸ਼ ਨਹੀਂ ਖੋਹਿਆ। ਬੇਹੱਦ ਫੁਰਤੀ ਅਤੇ ਸੂਝ-ਬੂਝ ਦਿਖਾਉਂਦਿਆਂ ਉਨ੍ਹਾਂ ਨੇ ਕਿਸੇ ਤਰ੍ਹਾਂ ਕਾਕਪਿਟ ਦਾ ਸੁਰੱਖਿਅਤ ਲਾਕ ਖੋਲ੍ਹ ਦਿੱਤਾ।
ਦਰਵਾਜ਼ਾ ਖੁੱਲ੍ਹਦਿਆਂ ਹੀ ਕੈਬਿਨ ਕਰੂ ਅਤੇ ਅਗਲੀਆਂ ਕਤਾਰਾਂ ਵਿੱਚ ਬੈਠੇ ਮੁਸਾਫਰ ਤੁਰੰਤ ਅੰਦਰ ਦਾਖ਼ਲ ਹੋਏ ਅਤੇ ਹੰਗਾਮਾ ਮਚਾ ਰਹੇ ਕੋ-ਪਾਇਲਟ ਨੂੰ ਦਬੋਚ ਕੇ ਕਾਬੂ ਵਿੱਚ ਕਰ ਲਿਆ।
ਸਾਊਦੀ ਅਰਬ ਵਿੱਚ ਸੁਰੱਖਿਅਤ ਐਮਰਜੈਂਸੀ ਲੈਂਡਿੰਗ
ਇਤਫ਼ਾਕ ਨਾਲ ਉਸੇ ਫਲਾਈਟ ’ਚ ਬਤੌਰ ਯਾਤਰੀ ਸਫ਼ਰ ਕਰ ਰਹੇ ਫਲਾਈਦੁਬਈ ਦੇ ਹੀ ਦੋ ਹੋਰ ਪਾਇਲਟ ਫ਼ੌਰਨ ਸਰਗਰਮ ਹੋਏ। ਉਨ੍ਹਾਂ ਨੇ ਕਾਕਪਿਟ ਵਿੱਚ ਪਹੁੰਚ ਕੇ ਬੇਕਾਬੂ ਹੋ ਰਹੇ ਜਹਾਜ਼ ਦਾ ਸਟੀਅਰਿੰਗ ਫੜਿਆ ਅਤੇ ਇਸਨੂੰ ਸਥਿਰ ਕੀਤਾ।
ਹਵਾ ਵਿੱਚ ਪੈਦਾ ਹੋਏ ਇਸ ਭਾਰੀ ਤਣਾਅ ਦੇ ਵਿਚਕਾਰ ਸੂਝ-ਬੂਝ ਦਿਖਾਉਂਦਿਆਂ ਉਡਾਣ ਦਾ ਰੁਖ਼ ਸਾਊਦੀ ਅਰਬ ਦੇ ਤਬੁਕ ਹਵਾਈ ਅੱਡੇ ਵੱਲ ਮੋੜਿਆ ਗਿਆ, ਜਿੱਥੇ ਸਾਰੇ ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਸਮੇਤ ਜਹਾਜ਼ ਨੂੰ ਸੁੱਖ-ਸਾਂਦ ਨਾਲ ਉਤਾਰ ਲਿਆ ਗਿਆ।