ਮਹਾਨ ਗਾਇਕ ਮੁਹੰਮਦ ਰਫ਼ੀ ਦੇ ਮੁੰਬਈ ਵਾਲੇ ਘਰ 'ਚ ਰਚੀ ਗਈ 65 ਲੱਖ ਦੀ ਠੱਗੀ ਦੀ ਸਾਜ਼ਿਸ਼; ਸਿੰਗਰ ਦੇ ਰਿਸ਼ਤੇਦਾਰਾਂ ਸਮੇਤ 8 ਲੋਕਾਂ 'ਤੇ FIR

ਅਧਿਆਪਕ ਦੀ ਸ਼ਿਕਾਇਤ 'ਤੇ ਇਰਫਾਨ ਪਰਵੇਜ਼ ਅਹਿਮਦ, ਉਸ ਦੀ ਪਤਨੀ ਫਰਹੀਨ, ਬੇਟੇ ਉਬੈਦ ਅਤੇ ਇਮਾਦ ਤੋਂ ਇਲਾਵਾ ਸ਼ਹਾਨਾ ਕੁਰੈਸ਼ੀ, ਰਿਹਾਨਾ ਕੁਰੈਸ਼ੀ ਅਤੇ ਸ਼ਾਹਨਵਾਜ਼ ਕੁਰੈਸ਼ੀ ਦੇ ਖ਼ਿਲਾਫ਼ ਸ਼ਹਿਰ ਕੋਤਵਾਲੀ ਵਿੱਚ ਧੋਖਾਧੜੀ ਅਤੇ ਗਬਨ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਅਧਿਆਪਕ ਨੇ ਦੱਸਿਆ ਕਿ ਇਰਫਾਨ ਪਰਵੇਜ਼ ਮੁਹੰਮਦ ਰਫ਼ੀ ਦਾ ਦੋਹਤਾ ਹੈ, ਜਦੋਂ ਕਿ ਫਰਹੀਨ ਇਰਫਾਨ ਪਰਵੇਜ਼ ਦੀ ਪਤਨੀ ਹੈ। ਦੋਸ਼ ਹੈ ਕਿ ਇਹ ਪੂਰੀ ਸਾਜ਼ਿਸ਼ ਦੋਹਤੇ ਦੀ ਪਤਨੀ ਫਰਹੀਨ ਨੇ ਰਚੀ ਸੀ। ਸ਼ਹਿਰ ਦੇ ਕੋਤਵਾਲ ਅਵਨੀਤ ਮਾਨ ਨੇ ਦੱਸਿਆ ਕਿ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ।