- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ ਦੇਸ਼ ਭਗਤੀ', ਕਾਰਗਿਲ ਵਿਜੈ ਦਿਵਸ 'ਤੇ PM ਮੋਦੀ ਨੇ ਦਿੱਤੀ ਸ਼ਰਧਾਂਜਲੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐਤਵਾਰ ਨੂੰ 27ਵੇਂ ਕਾਰਗਿਲ ਵਿਜੈ ਦਿਵਸ ਦੇ ਮੌਕੇ 'ਤੇ ਦੇਸ਼ ਦੀ ਪ੍ਰਭੂਸੱਤਾ ਅਤੇ ਸਰਹੱਦਾਂ ਦੀ ਰੱਖਿਆ ਕਰਨ ਵਾਲੇ ਵੀਰ ਜਵਾਨਾਂ ਨੂੰ ਨਮਨ ਕੀਤਾ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕਰਦਿਆਂ ਲਿਖਿਆ ਕਿ ਔਖੇ ਤੋਂ ਔਖੇ ਹਾਲਾਤ 'ਚ ਵੀ ਦੇਸ਼ ਦੇ ਸੈਨਿਕਾਂ ਵੱਲੋਂ ਦਿਖਾਇਆ ਗਿਆ ਅਸਾਧਾਰਨ ਸਾਹਸ ਅਤੇ ਕਰਤੱਵ ਨਿਸ਼ਠਾ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ।
Posted By Sunita
Publish Date: Sun, 26 Jul 2026 12:19 PM (IST)
Updated Date: Sun, 26 Jul 2026 12:21 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐਤਵਾਰ ਨੂੰ 27ਵੇਂ ਕਾਰਗਿਲ ਵਿਜੈ ਦਿਵਸ ਦੇ ਮੌਕੇ 'ਤੇ ਦੇਸ਼ ਦੀ ਪ੍ਰਭੂਸੱਤਾ ਅਤੇ ਸਰਹੱਦਾਂ ਦੀ ਰੱਖਿਆ ਕਰਨ ਵਾਲੇ ਵੀਰ ਜਵਾਨਾਂ ਨੂੰ ਨਮਨ ਕੀਤਾ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕਰਦਿਆਂ ਲਿਖਿਆ ਕਿ ਔਖੇ ਤੋਂ ਔਖੇ ਹਾਲਾਤ 'ਚ ਵੀ ਦੇਸ਼ ਦੇ ਸੈਨਿਕਾਂ ਵੱਲੋਂ ਦਿਖਾਇਆ ਗਿਆ ਅਸਾਧਾਰਨ ਸਾਹਸ ਅਤੇ ਕਰਤੱਵ ਨਿਸ਼ਠਾ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ।
ਪੀ.ਐੱਮ. ਮੋਦੀ ਨੇ ਲਿਖਿਆ, "ਕਾਰਗਿਲ ਵਿਜੈ ਦਿਵਸ 'ਤੇ, ਸਾਡਾ ਦੇਸ਼ ਭਾਰਤ ਦੀ ਸੁਰੱਖਿਆ ਲਈ ਬਹਾਦਰ ਸੈਨਿਕਾਂ ਦੇ ਅਸਾਧਾਰਨ ਸਾਹਸ ਅਤੇ ਸਮਰਪਣ ਪ੍ਰਤੀ ਧੰਨਵਾਦ ਪ੍ਰਗਟ ਕਰਦਾ ਹੈ। ਬਹੁਤ ਹੀ ਔਖੇ ਹਾਲਾਤ 'ਚ ਵੀ ਉਨ੍ਹਾਂ ਦਾ ਅਦੁੱਤੀ ਸਾਹਸ ਹਮੇਸ਼ਾ ਰਾਸ਼ਟਰੀ ਮਾਣ ਦਾ ਸਰੋਤ ਬਣਿਆ ਰਹੇਗਾ। ਉਨ੍ਹਾਂ ਦੀ ਅਟੁੱਟ ਦੇਸ਼ ਭਗਤੀ ਅਤੇ ਕਰਤੱਵ-ਨਿਸ਼ਠਾ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ।"
ਸਾਡੇ ਜਵਾਨਾਂ ਨੇ ਦੁਸ਼ਮਣਾਂ ਨੂੰ ਗੋਡੇ ਟੇਕਣ ਲਈ ਕੀਤਾ ਮਜਬੂਰ
ਕਾਰਗਿਲ ਯੁੱਧ 'ਚ ਭਾਰਤੀ ਫ਼ੌਜ ਦੀ ਇਤਿਹਾਸਕ ਜਿੱਤ ਦੀ 27ਵੀਂ ਵਰ੍ਹੇਗੰਢ ਦੇ ਮੌਕੇ 'ਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਐਕਸ 'ਤੇ ਲਿਖਿਆ, "'ਕਾਰਗਿਲ ਵਿਜੈ ਦਿਵਸ' ਭਾਰਤੀ ਫ਼ੌਜ ਦੇ ਅਦੁੱਤੀ ਸ਼ੌਰਜ ਅਤੇ ਅਦਭੁਤ ਪਰਾਕ੍ਰਮ ਦਾ ਪ੍ਰਤੀਕ ਹੈ। ਸਾਲ 1999 'ਚ ਹਿਮਾਲਿਆ ਦੀਆਂ ਦੁਰਗਮ ਬਰਫ਼ੀਲੀਆਂ ਚੋਟੀਆਂ 'ਤੇ ਵਿਖਮ ਹਾਲਾਤ ਅਤੇ ਦੁਸ਼ਮਣ ਦੇ ਉਚਾਈ 'ਤੇ ਸਥਿਤ ਮੋਰਚਿਆਂ ਦੇ ਬਾਵਜੂਦ, ਸਾਡੇ ਵੀਰ ਜਵਾਨਾਂ ਨੇ 'ਆਪ੍ਰੇਸ਼ਨ ਵਿਜੈ' ਦੇ ਮਾਧਿਅਮ ਨਾਲ ਦੁਸ਼ਮਣ ਨੂੰ ਗੋਡੇ ਟੇਕਣ ਲਈ ਮਜਬੂਰ ਕਰ ਦਿੱਤਾ।"
"'ਕਾਰਗਿਲ ਵਿਜੈ ਦਿਵਸ' 'ਤੇ ਉਨ੍ਹਾਂ ਸਾਰੇ ਵੀਰ ਸਪੂਤਾਂ ਨੂੰ ਯਾਦ ਕਰਕੇ ਨਮਨ ਕਰਦਾ ਹਾਂ, ਜਿਨ੍ਹਾਂ ਨੇ ਆਪਣਾ ਸਰਵਉੱਚ ਬਲੀਦਾਨ ਦੇ ਕੇ ਦੇਸ਼ ਦੀ ਅਖੰਡਤਾ ਨੂੰ ਅੱਖੁੰਡ ਬਣਾਏ ਰੱਖਿਆ।"
ਇਹ ਸਾਡੇ ਲਈ ਆਮ ਦਿਨ ਨਹੀਂ ਹੈ
ਉੱਥੇ ਹੀ, ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ, "ਕਾਰਗਿਲ ਵਿਜੈ ਦਿਵਸ, ਸਾਡੇ ਲਈ ਕੋਈ ਆਮ ਦਿਨ ਨਹੀਂ ਹੈ। ਇਹ ਹਰ ਉਸ ਨੌਜਵਾਨ ਲਈ ਪ੍ਰੇਰਣਾ ਦਾ ਦਿਨ ਹੈ, ਜੋ ਨਿੱਜੀ ਸਫਲਤਾ ਅਤੇ ਰਾਸ਼ਟਰੀ ਕਰਤੱਵ ਦੇ ਵਿਚਕਾਰ ਦਾ ਅੰਤਰ ਸਮਝਣਾ ਚਾਹੁੰਦਾ ਹੈ। ਇਹ ਦਿਨ ਸਾਨੂੰ ਸਿਖਾਉਂਦਾ ਹੈ ਕਿ 'ਕੁਰਬਾਨੀ' ਅਤੇ 'ਸੇਵਾ' ਦਾ ਭਾਵ ਹੀ ਕਿਸੇ ਵੀ ਰਾਸ਼ਟਰ ਦੀ ਰੀੜ੍ਹ ਹੁੰਦਾ ਹੈ।"
ਰਾਹੁਲ ਗਾਂਧੀ ਨੇ ਵੀ ਦਿੱਤੀ ਸ਼ਰਧਾਂਜਲੀ
ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਵੀ ਬਲੀਦਾਨੀ ਸੈਨਿਕਾਂ ਨੂੰ ਸ਼ਰਧਾਂਜਲੀ ਦਿੰਦਿਆਂ ਕਿਹਾ, "ਭਾਰਤ ਦੀ ਸਰਹੱਦ ਦੀ ਰੱਖਿਆ ਕਰਦਿਆਂ ਆਪਣਾ ਸਰਵਉੱਚ ਬਲੀਦਾਨ ਦੇਣ ਵਾਲੇ ਸਾਰੇ ਵੀਰ ਜਵਾਨਾਂ ਨੂੰ ਕਾਰਗਿਲ ਵਿਜੈ ਦਿਵਸ 'ਤੇ ਨਿਮਰ ਸ਼ਰਧਾਂਜਲੀ। ਦੇਸ਼ ਤੁਹਾਡੇ ਸਾਹਸ, ਸ਼ੌਰਜ ਅਤੇ ਸਰਵਉੱਚ ਬਲੀਦਾਨ ਦਾ ਸਦਾ ਰਿਣੀ ਰਹੇਗਾ।"
ਦੱਸਣਯੋਗ ਹੈ ਕਿ ਅੱਜ ਭਾਰਤ 1999 ਦੇ ਕਾਰਗਿਲ ਯੁੱਧ 'ਚ ਮਿਲੀ ਜਿੱਤ ਦੀ ਯਾਦ 'ਚ ਕਾਰਗਿਲ ਵਿਜੈ ਦਿਵਸ ਦੀ 27ਵੀਂ ਵਰ੍ਹੇਗੰਢ ਮਾਣ ਨਾਲ ਮਨ੍ਹਾ ਰਿਹਾ ਹੈ। ਇਹ ਦਿਨ ਆਪ੍ਰੇਸ਼ਨ ਵਿਜੈ ਦੀ ਸਫ਼ਲ ਸਮਾਪਤੀ ਦਾ ਪ੍ਰਤੀਕ ਹੈ ਅਤੇ ਉਨ੍ਹਾਂ 527 ਸੈਨਿਕਾਂ ਨੂੰ ਸ਼ਰਧਾਂਜਲੀ ਅਰਪਣ ਕਰਦਾ ਹੈ ਜਿਨ੍ਹਾਂ ਨੇ ਕਾਰਗਿਲ ਖੇਤਰ ਦੀਆਂ ਰਣਨੀਤਕ ਉਚਾਈਆਂ ਤੋਂ ਪਾਕਿਸਤਾਨੀ ਘੁਸਪੈਠੀਆਂ ਨੂੰ ਖਦੇੜਦਿਆਂ ਸਰਵਉੱਚ ਬਲੀਦਾਨ ਦਿੱਤਾ।