ਪਹਾੜੀ ਇਲਾਕਿਆਂ ਵਿੱਚ ਹੁਣ ਨਹੀਂ ਹੋਵੇਗੀ ਮੋਬਾਈਲ ਨੈੱਟਵਰਕ ਦੀ ਸਮੱਸਿਆ, BSNL ਨੇ ਸ਼ੁਰੂ ਕੀਤੀ ਗਲੋਬਲ ਸੈਟੇਲਾਈਟ ਫੋਨ ਸੇਵਾ

ਇਸ ਤੋਂ ਇਲਾਵਾ 85 ਨਵੇਂ ਟਾਵਰਾਂ ਦਾ ਨਿਰਮਾਣ ਵੀ ਜਾਰੀ ਹੈ। ਇਸ ਨਾਲ ਕਰੀਬ 200 ਹੋਰ ਪਿੰਡਾਂ ਵਿੱਚ ਨੈੱਟਵਰਕ ਪਹੁੰਚੇਗਾ। 4G ਸੇਵਾਵਾਂ ਦੇ ਵਿਸਥਾਰ ਦੇ ਨਾਲ ਹਾਈ-ਸਪੀਡ ਉਪਕਰਨਾਂ ਦੀ ਸਥਾਪਨਾ ਅਤੇ ਨੈੱਟਵਰਕ ਅਪਗ੍ਰੇਡੇਸ਼ਨ ਦਾ ਕੰਮ ਵੀ ਕੀਤਾ ਗਿਆ ਹੈ। BSNL ਨੇ ਕਿਹਾ ਕਿ ਉਹ ਨਿੱਜੀ ਕੰਪਨੀਆਂ ਦੇ ਮੁਕਾਬਲੇ ਸਸਤੀਆਂ ਅਤੇ ਗੁਣਵੱਤਾ ਵਾਲੀਆਂ ਸੇਵਾਵਾਂ ਦੇਣ ਲਈ ਵਚਨਬੱਧ ਹੈ।

ਉਨ੍ਹਾਂ ਦੱਸਿਆ ਕਿ ਗਾਹਕਾਂ ਲਈ ਖ਼ਾਸ ਆਫ਼ਰ ਤਹਿਤ 2,399 ਰੁਪਏ ਵਾਲੇ ਸਾਲਾਨਾ ਪਲਾਨ ਦੀ ਵੈਧਤਾ ਵਧਾ ਕੇ 412 ਦਿਨ ਕਰ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ 499 ਰੁਪਏ ਵਾਲੇ ਫਾਈਬਰ ਬੇਸਿਕ ਪਲਾਨ ’ਤੇ ਛੂਟ ਤੋਂ ਬਾਅਦ ਗਾਹਕਾਂ ਨੂੰ 399 ਰੁਪਏ ਪ੍ਰਤੀ ਮਹੀਨਾ ਵਿੱਚ ਹਾਈ-ਸਪੀਡ ਇੰਟਰਨੈੱਟ ਮਿਲੇਗਾ।

ਉਨ੍ਹਾਂ ਅੱਗੇ ਦੱਸਿਆ ਕਿ ਭਾਰਤਨੈੱਟ ਪ੍ਰਾਜੈਕਟ ਤਹਿਤ ਫੇਜ਼-1 ਦਾ ਕੰਮ ਪੂਰਾ ਹੋ ਚੁੱਕਾ ਹੈ। ਇਸ ਰਾਹੀਂ 10 ਜ਼ਿਲ੍ਹਿਆਂ ਦੀਆਂ 1,819 ਗ੍ਰਾਮ ਪੰਚਾਇਤਾਂ ਅਤੇ 30 ਬਲਾਕ ਮੁੱਖ ਦਫ਼ਤਰਾਂ ਨੂੰ ਕਨੈਕਟੀਵਿਟੀ ਦਿੱਤੀ ਗਈ ਹੈ। ਸੋਧੇ ਹੋਏ ਭਾਰਤਨੈੱਟ ਪ੍ਰੋਗਰਾਮ ਤਹਿਤ ਲਗਭਗ 8,300 ਕਿਲੋਮੀਟਰ ਆਪਟੀਕਲ ਫਾਈਬਰ ਕੇਬਲ ਵਿਛਾਈ ਜਾ ਚੁੱਕੀ ਹੈ ਅਤੇ 1,659 ਗ੍ਰਾਮ ਪੰਚਾਇਤਾਂ ਨੂੰ ਨੈੱਟਵਰਕ ਨਾਲ ਜੋੜਿਆ ਗਿਆ ਹੈ।

ਇਸ ਤੋਂ ਇਲਾਵਾ ਪੇਂਡੂ ਇਲਾਕਿਆਂ ਵਿੱਚ ਡਿਜ਼ੀਟਲ ਸੇਵਾਵਾਂ ਅਤੇ ਸਵੈ-ਰੋਜ਼ਗਾਰ ਨੂੰ ਉਤਸ਼ਾਹਿਤ ਕਰਨ ਲਈ BSNL ਨੇ ਭਾਰਤਨੈੱਟ ਉਦਯਮੀ ਮੁਹਿੰਮ ਵੀ ਸ਼ੁਰੂ ਕੀਤੀ ਹੈ। ਦੂਰ-ਦੁਰਾਡੇ ਅਤੇ ਨੈੱਟਵਰਕ ਤੋਂ ਵਾਂਝੇ ਇਲਾਕਿਆਂ ਵਿੱਚ ਸੰਚਾਰ ਸਹੂਲਤ ਉਪਲਬਧ ਕਰਵਾਉਣ ਲਈ BSNL ਨੇ ਗਲੋਬਲ ਸੈਟੇਲਾਈਟ ਫੋਨ ਸੇਵਾ ਵੀ ਸ਼ੁਰੂ ਕੀਤੀ ਹੈ।