ਕੁਖ਼ਿਆਤ ਬੌਬੀ ਕਬੂਤਰ ਦੀ ਗਰਲਫ੍ਰੈਂਡ ਗ੍ਰਿਫ਼ਤਾਰ : ਕੌਣ ਹੈ ਲੇਡੀ ਡੌਨ ਖੁਸ਼ਨੁਮਾ ਉਰਫ਼ ਨੇਹਾ? ਹਸੀਨ ਚਿਹਰੇ ਪਿੱਛੇ ਛੁਪੇ ਖ਼ੌਫ਼ਨਾਕ ਰਾਜ਼

ਨਵੀਂ ਦਿੱਲੀ : ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਗੈਂਗਸਟਰ ਹਾਸ਼ਿਮ ਉਰਫ਼ ਬਾਬਾ ਦੇ ਕਰੀਬੀ ਗੁਰਗੇ ਬੌਬੀ ਕਬੂਤਰ ਦੀ ਗਰਲਫ੍ਰੈਂਡ ਖੁਸ਼ਨੁਮਾ ਅੰਸਾਰੀ ਉਰਫ਼ ਨੇਹਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਮੁਤਾਬਕ ਨੇਹਾ ਹੀ ਉਹ ਸ਼ਖਸ ਹੈ ਜੋ ਬੌਬੀ ਦੀ ਫਰਾਰੀ ਦੌਰਾਨ ਉਸਦੀ ਸਭ ਤੋਂ ਵੱਡੀ ਮਦਦਗਾਰ ਸੀ।

ਸੁੰਦਰ ਚਿਹਰਾ ਤੇ ਅਪਰਾਧ ਦਾ ਗਠਜੋੜ

ਬਿਊਟੀ ਪਾਰਲਰ ਤੋਂ ਗੈਂਗ ਤੱਕ: ਨੇਹਾ ਪੇਸ਼ੇ ਤੋਂ ਇੱਕ ਬਿਊਟੀ ਪਾਰਲਰ ਚਲਾਉਂਦੀ ਹੈ ਅਤੇ ਸੋਸ਼ਲ ਮੀਡੀਆ 'ਤੇ ਕਾਫੀ ਸਰਗਰਮ ਹੈ।

ਇੰਸਟਾਗ੍ਰਾਮ ਬਣਿਆ ਹਥਿਆਰ: ਉਸ ਦੇ ਇੰਸਟਾਗ੍ਰਾਮ ਪ੍ਰੋਫਾਈਲ 'ਤੇ ਗਲੈਮਰਸ ਤਸਵੀਰਾਂ ਅਤੇ ਬਿਊਟੀ ਟਿਪਸ ਦੀਆਂ ਰੀਲਾਂ ਭਰੀਆਂ ਹੋਈਆਂ ਹਨ ਪਰ ਪੁਲਿਸ ਦਾ ਦਾਅਵਾ ਹੈ ਕਿ ਇਹ ਸੋਸ਼ਲ ਮੀਡੀਆ ਪ੍ਰੋਫਾਈਲ ਗੈਂਗ ਦੇ ਵਿਚਕਾਰ ਸੰਪਰਕ (Communication) ਕਰਨ ਦਾ ਇੱਕ ਜ਼ਰੀਆ ਸੀ।

ਡਰੱਗ ਸਿੰਡੀਕੇਟ ਨਾਲ ਸਬੰਧ: ਨੇਹਾ 'ਤੇ ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਡਰੱਗ ਸਿੰਡੀਕੇਟ ਨਾਲ ਜੁੜੇ ਹੋਣ ਦੇ ਵੀ ਦੋਸ਼ ਹਨ। ਉਹ ਬੌਬੀ ਦੇ ਟਿਕਾਣੇ ਬਦਲਣ ਵਿੱਚ ਉਸਦੀ ਮਦਦ ਕਰਦੀ ਸੀ।

ਕੌਣ ਹੈ ਬੌਬੀ ਕਬੂਤਰ

ਲਾਰੈਂਸ ਬਿਸ਼ਨੋਈ ਗੈਂਗ ਨਾਲ ਸਬੰਧ: ਬੌਬੀ ਕਬੂਤਰ ਕੁਖ਼ਿਆਤ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਗੈਂਗ ਨਾਲ ਜੁੜਿਆ ਹੋਇਆ ਹੈ।

16 ਕਤਲਾਂ ਦਾ ਇਲਜ਼ਾਮ: ਹਾਸ਼ਿਮ ਦੇ ਨਿਰਦੇਸ਼ਾਂ 'ਤੇ ਬੌਬੀ ਅਤੇ ਉਸਦੇ ਸਾਥੀ ਸਾਬਿਰ ਨੇ ਯਮੁਨਾਪਾਰ ਇਲਾਕੇ ਵਿੱਚ 16 ਕਤਲਾਂ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਸੀ।

ਸਿੱਧੂ ਮੂਸੇਵਾਲਾ ਕੇਸ: ਪੁਲਿਸ ਅਧਿਕਾਰੀਆਂ ਦਾ ਦਾਅਵਾ ਹੈ ਕਿ ਬੌਬੀ ਨੇ ਸ਼ਾਹਰੁਖ ਅਤੇ ਹੋਰਾਂ ਨਾਲ ਮਿਲ ਕੇ ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਪਹਿਲਾਂ ਰੇਕੀ (Reece) ਵੀ ਕੀਤੀ ਸੀ।

ਮਕੋਕਾ (MCOCA): ਉਹ ਮਕੋਕਾ ਦੇ ਤਿੰਨ ਮਾਮਲਿਆਂ ਵਿੱਚ ਲੋੜੀਂਦਾ (Wanted) ਸੀ ਅਤੇ ਪਿਛਲੇ 7 ਸਾਲਾਂ ਤੋਂ ਫਰਾਰ ਚੱਲ ਰਿਹਾ ਸੀ।