GNM ਵਿਦਿਆਰਥਣ ਮੌਤ ਮਾਮਲੇ 'ਚ ਨਵਾਂ ਮੋੜ, ਨੌਜਵਾਨ ਵੱਲੋਂ ਫੋਨ ਨੰਬਰ ਬਲਾਕ ਕੀਤੇ ਜਾਣ ਤੋਂ ਪਰੇਸ਼ਾਨ ਸੀ ਲੜਕੀ; ਪੁਲਿਸ ਜਾਂਚ 'ਚ ਵੱਡਾ ਖੁਲਾਸਾ

ਮੈਨਪੁਰੀ ਦੀ ਰਹਿਣ ਵਾਲੀ 24 ਸਾਲਾ ਲੜਕੀ ਮਟਸੈਨਾ ਇਲਾਕੇ ਦੇ ਕਨੇਟਾ ਪਿੰਡ ਨੇੜੇ ਸਥਿਤ ਫਿਰੋਜ਼ਾਬਾਦ ਕਾਲਜ ਆਫ਼ ਨਰਸਿੰਗ ਵਿੱਚ GNM ਪਹਿਲੇ ਸਾਲ ਦੀ ਵਿਦਿਆਰਥਣ ਸੀ। ਮੰਗਲਵਾਰ ਰਾਤ ਉਸ ਦੀ ਲਾਸ਼ ਰੇਲਵੇ ਟਰੈਕ 'ਤੇ ਪਈ ਮਿਲੀ ਸੀ। ਵਿਦਿਆਰਥਣ ਦੇ ਭਰਾ ਨੇ ਕਾਲਜ ਦੇ ਸੰਚਾਲਕ ਸੁਰੇਸ਼ ਚੰਦਰ ਦਕਸ਼ ਅਤੇ ਉਨ੍ਹਾਂ ਦੇ ਨਿਰਦੇਸ਼ਕ ਪੁੱਤਰ ਯਸ਼ ਦਕਸ਼ 'ਤੇ ਭੈਣ ਨੂੰ ਪਰੇਸ਼ਾਨ ਕਰਨ ਦੇ ਦੋਸ਼ ਲਗਾਏ ਸਨ। ਸ਼ਿਕਾਇਤ ਵਿੱਚ ਕਿਹਾ ਗਿਆ ਸੀ ਕਿ ਮੰਗਲਵਾਰ ਰਾਤ ਨਿਰਦੇਸ਼ਕ ਨੇ ਭੈਣ ਨੂੰ ਹੋਸਟਲ ਦੇ ਬਾਹਰ ਬੁਲਾ ਕੇ ਉਸ ਨਾਲ ਜਬਰ-ਜ਼ਨਾਹ ਕਰਨ ਦੀ ਕੋਸ਼ਿਸ਼ ਕੀਤੀ। ਭੈਣ ਨੇ ਵਿਰੋਧ ਕਰਦਿਆਂ ਫੋਨ ਕਰਕੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਤਾਂ ਨਿਰਦੇਸ਼ਕ ਨੇ ਆਪਣੇ ਪਿਤਾ ਨਾਲ ਮਿਲ ਕੇ ਉਸ ਦੀ ਹੱਤਿਆ ਕਰ ਦਿੱਤੀ ਅਤੇ ਲਾਸ਼ ਰੇਲਵੇ ਟਰੈਕ 'ਤੇ ਸੁੱਟ ਦਿੱਤੀ।