- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਮਰਨਾਥ ਯਾਤਰਾ ’ਚ ਨਵਾਂ ਰਿਕਾਰਡ, ਸ਼ਰਧਾਲੂਆਂ ਦਾ ਅੰਕੜਾ 4 ਲੱਖ ਦੇ ਪਾਰ; ਜੰਮੂ ਤੋਂ ਬਾਲਟਾਲ ਲਈ 19ਵਾਂ ਜਥਾ ਰਵਾਨਾ
ਬਾਬਾ ਅਮਰਨਾਥ ਯਾਤਰਾ ਚਾਰ ਲੱਖ ਦੇ ਕਰੀਬ ਪਹੁੰਚ ਗਈ ਹੈ। ਉੱਥੇ ਹੀ ਜੰਮੂ ਦੇ ਭਗਵਤੀ ਨਗਰ ਆਧਾਰ ਕੈਂਪ ਤੋਂ ਐਤਵਾਰ ਸਵੇਰੇ ਬਾਬਾ ਅਮਰਨਾਥ ਯਾਤਰਾ ਲਈ 4474 ਸ਼ਰਧਾਲੂਆਂ ਦਾ ਜਥਾ ਰਵਾਨਾ ਹੋਇਆ।
Posted By Anuradha Bains
Publish Date: Sun, 26 Jul 2026 01:21 PM (IST)
Updated Date: Sun, 26 Jul 2026 01:23 PM (IST)
ਜਾਗਰਣ ਸੰਵਾਦਦਾਤਾ, ਜੰਮੂ। ਬਾਬਾ ਅਮਰਨਾਥ ਯਾਤਰਾ ਚਾਰ ਲੱਖ ਦੇ ਕਰੀਬ ਪਹੁੰਚ ਗਈ ਹੈ। ਉੱਥੇ ਹੀ ਜੰਮੂ ਦੇ ਭਗਵਤੀ ਨਗਰ ਆਧਾਰ ਕੈਂਪ ਤੋਂ ਐਤਵਾਰ ਸਵੇਰੇ ਬਾਬਾ ਅਮਰਨਾਥ ਯਾਤਰਾ ਲਈ 4474 ਸ਼ਰਧਾਲੂਆਂ ਦਾ ਜਥਾ ਰਵਾਨਾ ਹੋਇਆ।
ਇਹ ਯਾਤਰਾ ਦਾ 19ਵਾਂ ਜਥਾ ਸੀ, ਜੋ 166 ਵਾਹਨਾਂ ਦੇ ਕਾਫ਼ਲੇ ’ਚ ਸਵੇਰੇ 2:40 ਵਜੇ ਬਾਲਟਾਲ ਆਧਾਰ ਕੈਂਪ ਲਈ ਰਵਾਨਾ ਹੋਇਆ। ਹਾਲ ਹੀ ’ਚ ਹੋਈ ਭਾਰੀ ਬਾਰਿਸ਼ ਕਾਰਨ ਰਵਾਇਤੀ ਪਹਿਲਗਾਮ ਰਸਤੇ ਨੂੰ ਨੁਕਸਾਨ ਪਹੁੰਚਣ ਕਾਰਨ ਇਸ ਰਸਤੇ 'ਤੇ ਮੁਰੰਮਤ ਅਤੇ ਦੇਖਭਾਲ ਦਾ ਕੰਮ ਜਾਰੀ ਹੈ।
ਇਸੇ ਵਜ੍ਹਾ ਕਰਕੇ ਐਤਵਾਰ ਨੂੰ ਜੰਮੂ ਤੋਂ ਪਹਿਲਗਾਮ ਆਧਾਰ ਕੈਂਪ ਲਈ ਕਿਸੇ ਵੀ ਸ਼ਰਧਾਲੂ ਨੂੰ ਰਵਾਨਾ ਨਹੀਂ ਕੀਤਾ ਗਿਆ। ਫ਼ਿਲਹਾਲ ਯਾਤਰਾ ਸਿਰਫ਼ ਬਾਲਟਾਲ ਰਸਤੇ ਤੋਂ ਹੀ ਚਲਾਈ ਜਾ ਰਹੀ ਹੈ। ਕਸ਼ਮੀਰ ਦੇ ਮੰਡਲ ਕਮਿਸ਼ਨਰ ਅੰਸ਼ੁਲ ਗਰਗ ਨੇ ਦੱਸਿਆ ਕਿ ਪਹਿਲਗਾਮ ਰਸਤੇ 'ਤੇ ਜ਼ਰੂਰੀ ਮੁਰੰਮਤ ਦਾ ਕੰਮ ਪੂਰਾ ਹੋਣ ਤੱਕ ਯਾਤਰਾ ਬਾਲਟਾਲ ਰਸਤੇ ਤੋਂ ਜਾਰੀ ਰਹੇਗੀ।
ਉਨ੍ਹਾਂ ਸ਼ਰਧਾਲੂਆਂ ਨੂੰ ਪ੍ਰਸ਼ਾਸਨ ਵੱਲੋਂ ਸਮੇਂ-ਸਮੇਂ 'ਤੇ ਜਾਰੀ ਕੀਤੀ ਜਾਣ ਵਾਲੀ ਸਲਾਹ ਦੀ ਪਾਲਣਾ ਕਰਨ ਅਤੇ ਯਾਤਰਾ ਦੇ ਸੁਚਾਰੂ ਸੰਚਾਲਨ ਵਿੱਚ ਸਹਿਯੋਗ ਕਰਨ ਦੀ ਅਪੀਲ ਕੀਤੀ। 3 ਜੁਲਾਈ ਤੋਂ ਸ਼ੁਰੂ ਹੋਈ 57 ਦਿਨਾਂ ਦੀ ਸ਼੍ਰੀ ਅਮਰਨਾਥ ਯਾਤਰਾ ਹੁਣ ਤੱਕ ਸੁਚਾਰੂ ਰੂਪ ਨਾਲ ਜਾਰੀ ਹੈ।
ਹਾਲਾਂਕਿ ਛੇ ਦਿਨ ਤੱਕ ਖਰਾਬ ਮੌਸਮ ਅੜਿੱਕਾ ਬਣਿਆ ਰਿਹਾ ਅਤੇ ਅੱਜ ਸ਼ਾਮ ਤੱਕ ਦਰਸ਼ਨ ਕਰਨ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਚਾਰ ਲੱਖ ਤੱਕ ਪਹੁੰਚ ਜਾਵੇਗੀ। ਯਾਤਰਾ ਦੀ ਸਮਾਪਤੀ 28 ਅਗਸਤ ਨੂੰ ਰੱਖੜੀ ਦੇ ਮੌਕੇ 'ਤੇ ਹੋਵੇਗੀ। ਯਾਤਰਾ ਨੂੰ ਲੈ ਕੇ ਸ਼ਰਧਾਲੂਆਂ ਵਿੱਚ ਭਾਰੀ ਉਤਸ਼ਾਹ ਬਣਿਆ ਹੋਇਆ ਹੈ।