ਰਾਜੌਰੀ 'ਚ ਕੁਦਰਤ ਦਾ ਕਹਿਰ: ਬੱਦਲ ਫਟਣ ਕਾਰਨ 4 ਲੋਕਾਂ ਦੀ ਮੌਤ, ਹੜ੍ਹ 'ਚ ਕਬਰਸਤਾਨ ਤੇ ਗੱਡੀਆਂ ਰੁੜ੍ਹੀਆਂ; ਰੋਕੀ ਗਈ ਮਾਤਾ ਵੈਸ਼ਨੋ ਦੇਵੀ ਯਾਤਰਾ

ਜਾਗਰਣ ਸੰਵਾਦਦਾਤਾ, ਰਾਜੌਰੀ : ਰਾਜੌਰੀ 'ਚ ਰਾਤ 1:00 ਵਜੇ ਤੋਂ ਸਵੇਰੇ 6:00 ਵਜੇ ਦੇ ਦਰਮਿਆਨ ਭਾਰੀ ਮੀਂਹ ਪਿਆ, ਜਿਸ ਤੋਂ ਬਾਅਦ ਉੱਥੇ ਹੜ੍ਹ ਆ ਗਿਆ ਹੈ। ਇਸ ਰਾਤ ਭਰ ਹੋਈ ਭਾਰੀ ਬਾਰਸ਼ ਅਤੇ ਹੜ੍ਹ ਕਾਰਨ ਹਰ ਪਾਸੇ ਵੱਡੇ ਪੱਧਰ 'ਤੇ ਨੁਕਸਾਨ ਹੋਇਆ ਹੈ। ਅਧਿਕਾਰੀਆਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਰਾਜੌਰੀ ਨਦੀ ਦਾ ਜਲ ਪੱਧਰ ਵਧਣ ਕਾਰਨ ਇਸ ਦਾ ਪਾਣੀ ਬੇਲਾ ਕਲੋਨੀ 'ਚ ਦਾਖਲ ਹੋ ਗਿਆ, ਜਿਸ ਨਾਲ ਪੂਰਾ ਇਲਾਕਾ ਜਲਥਲ ਹੋ ਗਿਆ। ਬੇਲਾ ਬੱਸ ਸਟੈਂਡ 'ਤੇ ਖੜ੍ਹੀਆਂ ਕਈ ਗੱਡੀਆਂ ਪਾਣੀ ਦੇ ਇਸ ਅਚਾਨਕ ਅਤੇ ਤੇਜ਼ ਵਹਾਅ 'ਚ ਰੁੜ੍ਹ ਗਈਆਂ। ਰਿਪੋਰਟਾਂ ਅਨੁਸਾਰ, ਬੇਲਾ ਕਲੋਨੀ 'ਚ ਕਈ ਘਰ ਅਤੇ ਪਰਿਵਾਰ ਹੜ੍ਹ ਦੇ ਪਾਣੀ ਦੇ ਵਿਚਕਾਰ ਫਸੇ ਹੋਏ ਹਨ ਅਤੇ 4 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਤੋਂ ਇਲਾਵਾ ਬੇਲਾ ਅਤੇ ਉਸ ਦੇ ਆਸ-ਪਾਸ ਦੇ ਇਲਾਕਿਆਂ 'ਚ ਪਸ਼ੂਆਂ ਦੇ ਨੁਕਸਾਨ ਦੀ ਵੀ ਖ਼ਬਰ ਹੈ। ਦਰਹਾਲੀ ਨਦੀ ਦੇ ਹੜ੍ਹ ਨੇ ਰਾਜੌਰੀ ਦੇ ਬੇਲਾ ਇਲਾਕੇ 'ਚ ਭਾਰੀ ਤਬਾਹੀ ਮਚਾਈ ਹੈ, ਜਿਸ ਨਾਲ ਉੱਥੋਂ ਦੇ ਪਾਰਕ ਅਤੇ ਬੱਸ ਸਟੈਂਡ ਨੂੰ ਨੁਕਸਾਨ ਪਹੁੰਚਿਆ ਹੈ। ਖ਼ਬਰਾਂ ਮੁਤਾਬਕ ਇਸ ਹੜ੍ਹ ਕਾਰਨ ਕਾਫੀ ਨੁਕਸਾਨ ਹੋਇਆ ਹੈ।