ਰਾਸ਼ਟਰਪਤੀ ਮੁਰਮੂ ਵੱਲੋਂ ਝੰਡਾ ਲਹਿਰਾਉਣ ਨਾਲ ਨਾਸਿਕ ਕੁੰਭ ਦਾ ਆਰੰਭ, 24 ਜੁਲਾਈ 2028 ਨੂੰ ਹੋਵੇਗੀ ਸਮਾਪਤੀ

ਇਸ ਮੌਕੇ ਨਾਸਿਕ ਸ਼ਹਿਰ ਤੋਂ ਕਰੀਬ 30 ਕਿੱਲੋਮੀਟਰ ਦੂਰ ਤ੍ਰਿੰਬਕੇਸ਼ਵਰ ਵਿਖੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਦੁਪਹਿਰ 12:02 ਵਜੇ ਰਵਾਇਤੀ ਝੰਡਾ ਲਹਿਰਾਇਆ। ਇਸ ਮੌਕੇ ਸ਼੍ਰਿੰਗੇਰੀ ਬੈਂਚ ਦੇ ਸ਼ੰਕਰਾਚਾਰਯ ਵਿਧੁਸ਼ੇਖਰ ਭਾਰਤੀ ਵੀ ਖ਼ਾਸ ਤੌਰ ’ਤੇ ਹਾਜ਼ਰ ਸਨ। ਰਾਮਕੁੰਡ ਵਿਖੇ ਰਸਮਾਂ ਪੁਰੋਹਿਤ ਸੰਘ ਦੇ ਪ੍ਰਧਾਨ ਚੰਦਰਸ਼ੇਖਰ ਪੰਚਾਕਸ਼ਰੀ ਅਤੇ ਸਿੰਹਸਥ ਕਮੇਟੀ ਦੇ ਮੁੱਖ ਟਰੱਸਟੀ ਸਤੀਸ਼ ਸ਼ੁਕਲਾ ਨੇ ਸੰਪੰਨ ਕਰਵਾਈਆਂ। ਕੁੰਭ ਮੇਲੇ ਦੇ ਇਸ ਪਵਿੱਤਰ ਆਗਾਜ਼ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਤਪੋਵਨ ਮੈਦਾਨ ਤੋਂ ਰਾਮਤੀਰਥ ਪੰਚਵਟੀ ਹੁੰਦੇ ਹੋਏ ਰਾਮਕੁੰਡ ਤੱਕ ਵਿਸ਼ਾਲ ‘ਮਹਾਧਵਜ ਗ੍ਰਾਮ ਪਰਿਕਰਮਾ’ ਕੱਢੀ ਗਈ। ਇਸ ਵਿਚ ਹਜ਼ਾਰਾਂ ਸ਼ਰਧਾਲੂਆਂ ਅਤੇ ਸਾਧੂ-ਸੰਤਾਂ ਨੇ ਹਿੱਸਾ ਲਿਆ।