- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਟਾਈਗਰ ਸ਼ਰਾਫ ਫਾਇਰਿੰਗ ਕੇਸ: ਗ੍ਰਿਫ਼ਤਾਰ ਦੋਸ਼ੀ ਰੇਹਾਨ ਦੀ ਮਾਂ ਦਾ ਵੱਡਾ ਦਾਅਵਾ, ਕਿਹਾ- ਬੇਟੇ ਨੂੰ ਨਸ਼ੀਲਾ ਪਦਾਰਥ ਦੇ ਕੇ ਫਸਾਇਆ
ਸ਼ਮਸ਼ੀਦਾ ਅਨੁਸਾਰ, ਰੇਹਾਨ ਆਪਣੇ ਪਰਿਵਾਰ ਦੀ ਆਰਥਿਕ ਮਦਦ ਲਈ ਗੁਰੂਗ੍ਰਾਮ ਵਿੱਚ ਵੈਲਡਿੰਗ ਦਾ ਕੰਮ ਸਿੱਖ ਰਹਾ ਸੀ। ਬਿਹਾਰ ਦੇ ਇੱਕ ਨੌਜਵਾਨ ਨੇ ਉਸ ਨੂੰ ਝਾਂਸਾ ਦਿੱਤਾ ਸੀ ਕਿ ਉਸ ਦਾ ਭਰਾ ਗੁਰੂਗ੍ਰਾਮ ਵਿੱਚ ਵੈਲਡਿੰਗ ਸਿਖਾਵੇਗਾ ਅਤੇ ਉਸ ਨੂੰ ਇਸ ਬਦਲੇ ਚੰਗੇ ਪੈਸੇ ਵੀ ਮਿਲਣਗੇ। ਮਾਂ ਨੇ ਬੇਟੇ ਨੂੰ ਸੁਨੇਹਾ ਦਿੰਦਿਆਂ ਕਿਹਾ, 'ਬੇਟਾ, ਤੂੰ ਜੋ ਕੀਤਾ ਉਹ ਗਲਤ ਹੈ। ਤੈਨੂੰ ਕਦੇ ਵੀ ਗੁੰਮਰਾਹ ਨਹੀਂ ਹੋਣਾ ਚਾਹੀਦਾ।’
Posted By Anuradha Bains
Publish Date: Tue, 20 Oct 2026 01:15 PM (IST)
Updated Date: Tue, 20 Oct 2026 01:17 PM (IST)
ਡਿਜੀਟਲ ਡੈਸਕ, ਸੋਨੀਪਤ। ਬਾਲੀਵੁੱਡ ਅਭਿਨੇਤਾ ਟਾਈਗਰ ਸ਼ਰਾਫ ਦੀ ਗੱਡੀ 'ਤੇ ਹੋਈ ਫਾਇਰਿੰਗ ਦੇ ਮਾਮਲੇ ’ਚ ਗ੍ਰਿਫ਼ਤਾਰ ਤਿੰਨ ਦੋਸ਼ੀਆਂ ਵਿੱਚੋਂ ਇੱਕ ਰੇਹਾਨ ਦੀ ਮਾਂ ਨੇ ਵੱਡਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਬੇਟੇ ਨੂੰ ਕਿਸੇ ਨੇ ਵਰਗਲਾ ਕੇ ਅਤੇ ਨਸ਼ੀਲਾ ਪਦਾਰਥ ਦੇ ਕੇ ਇਸ ਗਲਤ ਕੰਮ ਵਿੱਚ ਫਸਾਇਆ ਹੈ।
ਤਿੰਨ ਦੋਸ਼ੀ ਰਾਜਸਥਾਨ ਦੇ ਕੋਟਾ ਤੋਂ ਗ੍ਰਿਫ਼ਤਾਰ
ਸੋਮਵਾਰ ਨੂੰ ਪੁਲਿਸ ਨੇ ਇਸ ਮਾਮਲੇ ਵਿੱਚ ਤਿੰਨ ਦੋਸ਼ੀਆਂ ਨੂੰ ਰਾਜਸਥਾਨ ਦੇ ਕੋਟਾ ਵਿੱਚ ਇੱਕ ਟ੍ਰੇਨ ਤੋਂ ਗ੍ਰਿਫ਼ਤਾਰ ਕੀਤਾ ਸੀ। ਇਨ੍ਹਾਂ ਵਿੱਚ ਬਿਹਾਰ ਦੇ ਬੇਗੂਸਰਾਏ ਦਾ ਰਹਿਣ ਵਾਲਾ ਰਿਤਿਕ ਉਰਫ਼ ਰੋਸ਼ਨ ਅਤੇ ਹਰਿਆਣਾ ਦੇ ਸੋਨੀਪਤ ਦਾ ਰੇਹਾਨ ਸ਼ਾਮਲ ਹਨ।
ਇਹ ਘਟਨਾ ਮੁੰਬਈ ਦੇ ਜੁਹੂ ਇਲਾਕੇ ਵਿੱਚ ਵਾਪਰੀ, ਜਿੱਥੇ ਅਭਿਨੇਤਾ ਟਾਈਗਰ ਸ਼ਰਾਫ ਦੀ ਕਾਰ ਨੂੰ ਨਿਸ਼ਾਨਾ ਬਣਾ ਕੇ ਗੋਲੀਆਂ ਚਲਾਈਆਂ ਗਈਆਂ। ਫਾਇਰਿੰਗ ਵਿੱਚ 36 ਸਾਲਾ ਅਭਿਨੇਤਾ ਵਾਲ-ਵਾਲ ਬਚ ਗਏ ਪਰ ਉਨ੍ਹਾਂ ਦਾ ਡਰਾਈਵਰ ਅਤੇ ਕੋਲ ਮੌਜੂਦ ਇੱਕ ਰਾਹਗੀਰ ਜ਼ਖ਼ਮੀ ਹੋ ਗਏ।
'20 ਦਿਨਾਂ ਤੋਂ ਬੰਦ ਸੀ ਫੋਨ'
ਰੇਹਾਨ ਦੀ ਮਾਂ ਸ਼ਮਸ਼ੀਦਾ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਵਿੱਚ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਇੱਕ ਵਿਅਕਤੀ ਗੱਡੀ ਵਿੱਚ ਉਨ੍ਹਾਂ ਦੇ ਘਰ ਆਇਆ ਅਤੇ ਉਨ੍ਹਾਂ ਦੇ ਬੇਟੇ ਨੂੰ ਆਪਣੇ ਨਾਲ ਲੈ ਗਿਆ। ਪਿਛਲੇ 20 ਦਿਨਾਂ ਤੋਂ ਰੇਹਾਨ ਨਾਲ ਪਰਿਵਾਰ ਦਾ ਕੋਈ ਸੰਪਰਕ ਨਹੀਂ ਹੋ ਸਕਿਆ ਸੀ।
ਫੋਨ ਕਰਨ 'ਤੇ ਉਸ ਦਾ ਮੋਬਾਈਲ ਲਗਾਤਾਰ ਸਵਿੱਚ ਆਫ਼ ਆ ਰਿਹਾ ਸੀ। ਸ਼ਮਸ਼ੀਦਾ ਨੂੰ ਸ਼ੱਕ ਹੈ ਕਿ ਰੇਹਾਨ ਨੂੰ ਕੋਈ ਨਸ਼ੀਲਾ ਪਦਾਰਥ ਪਿਲਾ ਕੇ ਲਿਜਾਇਆ ਗਿਆ ਅਤੇ ਨੌਜਵਾਨਾਂ ਦਾ ਫਾਇਦਾ ਉਠਾਉਣ ਵਾਲੇ ਗਿਰੋਹ ਨੇ ਉਸ ਦੀ ਗਲਤ ਵਰਤੋਂ ਕੀਤੀ।
ਕੰਮ ਸਿਖਾਉਣ ਅਤੇ ਚੰਗੇ ਪੈਸਿਆਂ ਦਾ ਦਿੱਤਾ ਗਿਆ ਸੀ ਝਾਂਸਾ
ਸ਼ਮਸ਼ੀਦਾ ਅਨੁਸਾਰ, ਰੇਹਾਨ ਆਪਣੇ ਪਰਿਵਾਰ ਦੀ ਆਰਥਿਕ ਮਦਦ ਲਈ ਗੁਰੂਗ੍ਰਾਮ ਵਿੱਚ ਵੈਲਡਿੰਗ ਦਾ ਕੰਮ ਸਿੱਖ ਰਹਾ ਸੀ। ਬਿਹਾਰ ਦੇ ਇੱਕ ਨੌਜਵਾਨ ਨੇ ਉਸ ਨੂੰ ਝਾਂਸਾ ਦਿੱਤਾ ਸੀ ਕਿ ਉਸ ਦਾ ਭਰਾ ਗੁਰੂਗ੍ਰਾਮ ਵਿੱਚ ਵੈਲਡਿੰਗ ਸਿਖਾਵੇਗਾ ਅਤੇ ਉਸ ਨੂੰ ਇਸ ਬਦਲੇ ਚੰਗੇ ਪੈਸੇ ਵੀ ਮਿਲਣਗੇ। ਮਾਂ ਨੇ ਬੇਟੇ ਨੂੰ ਸੁਨੇਹਾ ਦਿੰਦਿਆਂ ਕਿਹਾ, 'ਬੇਟਾ, ਤੂੰ ਜੋ ਕੀਤਾ ਉਹ ਗਲਤ ਹੈ। ਤੈਨੂੰ ਕਦੇ ਵੀ ਗੁੰਮਰਾਹ ਨਹੀਂ ਹੋਣਾ ਚਾਹੀਦਾ।’
ਪਹਿਲਾਂ ਵੀ ਆਰਮਜ਼ ਐਕਟ ਵਿੱਚ ਗ੍ਰਿਫ਼ਤਾਰ ਹੋ ਚੁੱਕਾ ਹੈ ਦੋਸ਼ੀ
ਦੂਜੇ ਪਾਸੇ, ਰੇਹਾਨ ਦੇ ਦਿਹਾੜੀਦਾਰ ਮਜ਼ਦੂਰ ਪਿਤਾ ਰਈਸੁਦੀਨ ਨੇ ਦੱਸਿਆ ਕਿ 9ਵੀਂ ਜਮਾਤ ਵਿੱਚ ਪੜ੍ਹਾਈ ਛੱਡ ਚੁੱਕਾ ਰੇਹਾਨ ਪਿਛਲੇ 10 ਸਾਲਾਂ ਤੋਂ ਆਪਣੀ ਮਾਂ ਨਾਲ ਦੇਵਦੂ ਪਿੰਡ ਵਿੱਚ ਰਹਿ ਰਹਾ ਸੀ। ਕੁਝ ਮਹੀਨੇ ਪਹਿਲਾਂ ਵੀ ਰੇਹਾਨ 'ਤੇ 'ਆਰਮਜ਼ ਐਕਟ' ਤਹਿਤ ਮਾਮਲਾ ਦਰਜ ਹੋਇਆ ਸੀ, ਜਿਸ ਵਿੱਚ ਉਸ ਦੀ ਮਾਂ ਨੇ ਜ਼ਮਾਨਤ ਕਰਾਈ ਸੀ।
ਪਿਤਾ ਨੇ ਇਸ ਤਰ੍ਹਾਂ ਦੀਆਂ ਅਪਰਾਧਿਕ ਗਤੀਵਿਧੀਆਂ ਲਈ ਰੇਹਾਨ ਦੇ ਦੋਸਤ ਸਰਕਲ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਇਹ ਪੂਰੀ ਵਾਰਦਾਤ ਐਤਵਾਰ ਸ਼ਾਮ ਨੂੰ ਹੋਈ ਸੀ, ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓ ਵੀ ਸਾਹਮਣੇ ਆਏ ਹਨ। ਪੁਲਿਸ ਫਿਲਹਾਲ ਮਾਮਲੇ ਦੀ ਵਿਸਤ੍ਰਿਤ ਜਾਂਚ ਕਰ ਰਹੀ ਹੈ।