ਮੁਹੰਮਦ ਸ਼ਮੀ ਨੇ ਟੈਸਟ ਕ੍ਰਿਕਟ ਤੋਂ ਲਿਆ ਸੰਨਿਆਸ, 6 ਨਵੰਬਰ ਨੂੰ ਵਿਦਾਈ ਲੈਣ ਦਾ ਕਾਰਨ ਵੀਡੀਓ ਰਾਹੀਂ ਦੱਸਿਆ

ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤੀ ਟੀਮ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਸ਼ੁੱਕਰਵਾਰ ਨੂੰ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ। 36 ਸਾਲਾ ਸ਼ਮੀ ਨੇ 6 ਨਵੰਬਰ ਨੂੰ ਹੀ ਸੰਨਿਆਸ ਲੈਣ ਦੇ ਖ਼ਾਸ ਕਾਰਨ ਦਾ ਖੁਲਾਸਾ ਵੀ ਕੀਤਾ। ਸ਼ਮੀ ਨੇ 6 ਨਵੰਬਰ 2013 ਨੂੰ ਆਪਣਾ ਟੈਸਟ ਡੈਬਿਊ ਕੀਤਾ ਸੀ ਅਤੇ 13 ਸਾਲ ਬਾਅਦ ਕ੍ਰਿਕਟ ਦੇ ਸਭ ਤੋਂ ਲੰਬੇ ਫਾਰਮੈਟ ਨੂੰ ਅਲਵਿਦਾ ਕਹਿ ਦਿੱਤਾ। ਉਨ੍ਹਾਂ ਦਾ ਟੈਸਟ ਕੈਪ ਨੰਬਰ 279 ਸੀ। ਉਨ੍ਹਾਂ ਨੇ 64 ਟੈਸਟ ਮੈਚਾਂ ਵਿੱਚ 229 ਵਿਕਟਾਂ ਹਾਸਲ ਕੀਤੀਆਂ। ਮੁਹੰਮਦ ਸ਼ਮੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ’ਤੇ ਇੱਕ ਵੀਡੀਓ ਅਪਲੋਡ ਕਰਕੇ ਟੈਸਟ ਫਾਰਮੈਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ। ਸ਼ਮੀ ਨੇ ਦੱਸਿਆ ਕਿ ਉਹ ਸੀਮਤ ਓਵਰਾਂ ਵਾਲੀ ਕ੍ਰਿਕਟ ਖੇਡਣਾ ਜਾਰੀ ਰੱਖਣਗੇ।ਦੱਸਣਯੋਗ ਹੈ ਕਿ ਪਿਛਲੇ ਕਾਫ਼ੀ ਸਮੇਂ ਤੋਂ ਸ਼ਮੀ ਨੂੰ ਰਾਸ਼ਟਰੀ ਟੀਮ ਵਿੱਚ ਮੌਕਾ ਨਹੀਂ ਦਿੱਤਾ ਜਾ ਰਿਹਾ ਸੀ।