- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੋਲਕਾਤਾ 'ਚ ਭਾਰੀ ਹਿੰਸਾ! CPM ਦਫ਼ਤਰਾਂ ਦੀ ਭੰਨਤੋੜ ਤੋਂ ਬਾਅਦ ਸਾਬਕਾ TMC ਵਿਧਾਇਕ ਦੇ ਘਰ 'ਤੇ ਵੀ ਹਮਲਾ
ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ਦੇ ਜਾਦਵਪੁਰ ਇਲਾਕੇ 'ਚ ਐਤਵਾਰ ਨੂੰ ਭਾਰੀ ਹਿੰਸਾ ਅਤੇ ਭੰਨਤੋੜ ਦੀ ਖ਼ਬਰ ਸਾਹਮਣੇ ਆਈ ਹੈ। ਮੋਟਰਸਾਈਕਲਾਂ ’ਤੇ ਸਵਾਰ ਅਣਪਛਾਤੇ ਉਪਦਰਵੀਆਂ ਦੇ ਇੱਕ ਗਰੁੱਪ ਨੇ ਸੀਪੀਐਮ (CPI-M) ਦੇ ਕਈ ਪਾਰਟੀ ਦਫ਼ਤਰਾਂ ਨੂੰ ਨਿਸ਼ਾਨਾ ਬਣਾਇਆ। ਇਸ ਤੋਂ ਇਲਾਵਾ ਸਾਬਕਾ ਤ੍ਰਿਣਮੂਲ ਕਾਂਗਰਸ (TMC) ਵਿਧਾਇਕ ਦੇਬਬਰਤ ਮਜੂਮਦਾਰ ਦੇ ਘਰ ਅਤੇ ਪਾਰਟੀ ਦਫ਼ਤਰ ’ਤੇ ਵੀ ਹਮਲਾ ਕੀਤਾ ਗਿਆ।
Posted By Sunita
Publish Date: Sun, 20 Sep 2026 03:05 PM (IST)
Updated Date: Sun, 20 Sep 2026 03:07 PM (IST)
ਡਿਜੀਟਲ ਡੈਸਕ, ਕੋਲਕਾਤਾ - ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ਦੇ ਜਾਦਵਪੁਰ ਇਲਾਕੇ 'ਚ ਐਤਵਾਰ ਨੂੰ ਭਾਰੀ ਹਿੰਸਾ ਅਤੇ ਭੰਨਤੋੜ ਦੀ ਖ਼ਬਰ ਸਾਹਮਣੇ ਆਈ ਹੈ। ਮੋਟਰਸਾਈਕਲਾਂ ’ਤੇ ਸਵਾਰ ਅਣਪਛਾਤੇ ਉਪਦਰਵੀਆਂ ਦੇ ਇੱਕ ਗਰੁੱਪ ਨੇ ਸੀਪੀਐਮ (CPI-M) ਦੇ ਕਈ ਪਾਰਟੀ ਦਫ਼ਤਰਾਂ ਨੂੰ ਨਿਸ਼ਾਨਾ ਬਣਾਇਆ। ਇਸ ਤੋਂ ਇਲਾਵਾ ਸਾਬਕਾ ਤ੍ਰਿਣਮੂਲ ਕਾਂਗਰਸ (TMC) ਵਿਧਾਇਕ ਦੇਬਬਰਤ ਮਜੂਮਦਾਰ ਦੇ ਘਰ ਅਤੇ ਪਾਰਟੀ ਦਫ਼ਤਰ ’ਤੇ ਵੀ ਹਮਲਾ ਕੀਤਾ ਗਿਆ।
ਪੁਲਿਸ ਮੁਤਾਬਕ ਕੋਲਕਾਤਾ ਨਗਰ ਨਿਗਮ (KMC) ਦੇ 6 ਵੱਖ-ਵੱਖ ਵਾਰਡਾਂ- ਵਾਰਡ ਨੰਬਰ 96, 99, 101, 102, 105 ਅਤੇ 106- 'ਚ ਸੀਪੀਐਮ ਦੇ ਦਫ਼ਤਰਾਂ 'ਚ ਭੰਨਤੋੜ ਕੀਤੀ ਗਈ ਹੈ। ਉਪਦਰਵੀਆਂ ਨੇ ਸੀਪੀਐਮ ਦੇ ਪਾਰਟੀ ਝੰਡਿਆਂ ਨੂੰ ਨੋਚ ਕੇ ਜ਼ਮੀਨ ’ਤੇ ਸੁੱਟ ਦਿੱਤਾ ਅਤੇ ਕਈ ਥਾਵਾਂ ’ਤੇ ਸ਼ਹੀਦਾਂ ਦੀਆਂ ਵੇਦੀਆਂ ਨੂੰ ਵੀ ਨੁਕਸਾਨ ਪਹੁੰਚਾਇਆ। ਸਭ ਤੋਂ ਵੱਧ ਤਣਾਅ ਵਾਰਡ ਨੰਬਰ 96 'ਚ ਦੇਖਣ ਨੂੰ ਮਿਲਿਆ, ਜਿੱਥੇ ਸਾਬਕਾ TMC ਵਿਧਾਇਕ ਦੇਬਬਰਤ ਮਜੂਮਦਾਰ ਦਾ ਘਰ ਅਤੇ ਪਾਰਟੀ ਦਫ਼ਤਰ ਸਥਿਤ ਹੈ।
ਸਾਬਕਾ ਵਿਧਾਇਕ ਦੇ ਪਰਿਵਾਰ ਨਾਲ ਮਾਰਕੁੱਟ
ਮੀਡੀਆ ਰਿਪੋਰਟਾਂ ਮੁਤਾਬਕ ਹਮਲਾਵਰਾਂ ਨੇ ਸਾਬਕਾ TMC ਵਿਧਾਇਕ ਦੇ ਘਰ ’ਤੇ ਧਾਵਾ ਬੋਲਿਆ, ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਮਾਰਕੁੱਟ ਕੀਤੀ ਅਤੇ ਉਨ੍ਹਾਂ ਦੇ ਵੱਡੇ ਭਰਾ ਨੂੰ ਧੱਕਾ ਦੇ ਕੇ ਫਰਸ਼ ’ਤੇ ਸੁੱਟ ਦਿੱਤਾ। ਪਰਿਵਾਰ ਦਾ ਦੋਸ਼ ਹੈ ਕਿ ਉਨ੍ਹਾਂ ਨੇ ਵਾਰ-ਵਾਰ ਪੁਲਿਸ ਨੂੰ ਫੋਨ ਕੀਤਾ, ਪਰ ਪੁਲਿਸ ਘਟਨਾ ਤੋਂ ਲਗਭਗ ਇੱਕ ਘੰਟੇ ਬਾਅਦ ਮੌਕੇ ’ਤੇ ਪਹੁੰਚੀ।
ਸਥਾਨਕ ਸੂਤਰਾਂ ਮੁਤਾਬਕ ਮੋਟਰਸਾਈਕਲ ਸਵਾਰ ਇਹ ਗਰੁੱਪ ਸਿਰਫ਼ ਜਾਦਵਪੁਰ ਹੀ ਨਹੀਂ, ਸਗੋਂ ਦੱਖਣੀ 24 ਪਰਗਨਾ ਦੇ ਨਰਿੰਦਰਪੁਰ ਇਲਾਕੇ 'ਚ ਵੀ ਲਗਾਤਾਰ ਹੰਗਾਮਾ ਕਰ ਰਿਹਾ ਸੀ। ਹਾਲਾਂਕਿ ਵਾਰਡ ਨੰਬਰ 101 ਅਤੇ 105 'ਚ ਝੜਪ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਨੇ ਲਾਠੀਚਾਰਜ ਕਰਕੇ ਸਥਿਤੀ ਨੂੰ ਕਾਬੂ 'ਚ ਕੀਤਾ ਅਤੇ ਹਾਲਾਤ ਨੂੰ ਹੋਰ ਵਿਗੜਨ ਤੋਂ ਰੋਕਿਆ।
ਕਿਸ ’ਤੇ ਲੱਗੇ ਦੋਸ਼?
ਇਸ ਘਟਨਾ ਤੋਂ ਬਾਅਦ ਸੀਪੀਐਮ ਅਤੇ ਤ੍ਰਿਣਮੂਲ ਕਾਂਗਰਸ ਦੋਵਾਂ ਨੇ ਪੁਲਿਸ ਦੀ ਕਾਰਵਾਈ ’ਤੇ ਗੰਭੀਰ ਸਵਾਲ ਚੁੱਕੇ ਹਨ। ਪੀੜਤਾਂ ਅਤੇ ਆਗੂਆਂ ਦਾ ਦੋਸ਼ ਹੈ ਕਿ ਇਸ ਹਿੰਸਾ ਦੇ ਪਿੱਛੇ ਭਾਰਤੀ ਜਨਤਾ ਪਾਰਟੀ (BJP) ਦੇ ਸਮਰਥਕਾਂ ਦਾ ਹੱਥ ਹੈ।
ਸਾਬਕਾ ਵਿਧਾਇਕ ਦੇਬਬਰਤ ਮਜੂਮਦਾਰ ਨੇ ਦਾਅਵਾ ਕੀਤਾ ਕਿ ਹਮਲਾ ਕਰਨ ਵਾਲੇ ਸਾਰੇ ਲੋਕ BJP ਸਮਰਥਕ ਸਨ ਅਤੇ ਉਨ੍ਹਾਂ ਨੇ ਕਿਹਾ ਕਿ ਆਪਣੇ ਸਿਆਸੀ ਜੀਵਨ 'ਚ ਉਨ੍ਹਾਂ ਨੇ ਅਜਿਹਾ ਮੰਜ਼ਰ ਕਦੇ ਨਹੀਂ ਦੇਖਿਆ। ਫਿਲਹਾਲ ਇਸ ਪੂਰੇ ਮਾਮਲੇ ’ਤੇ ਭਾਜਪਾ ਵੱਲੋਂ ਕੋਈ ਅਧਿਕਾਰਤ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ ਹੈ ਅਤੇ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।