- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦਿਲ ਦਹਿਲਾ ਦੇਣ ਵਾਲੀ ਵਾਰਦਾਤ : ਸਬੰਧ ਬਣਾਉਣ ਲਈ ਦਬਾਅ ਪਾ ਰਿਹਾ ਸੀ ਨੌਜਵਾਨ, ਰਿਸੈਪਸ਼ਨਿਸਟ ਨੇ ਗੱਲ ਨਾ ਮੰਨੀ ਤਾਂ ਚਾਕੂ ਨਾਲ ਕੀਤੇ 10 ਤੋਂ ਵੱਧ ਵਾਰ
ਇੱਕ ਲੈਬ ਵਿੱਚ ਐਕਸ-ਰੇ ਹੈਲਪਰ ਵਜੋਂ ਕੰਮ ਕਰਨ ਵਾਲੇ ਅਸਦ ਨੇ ਮਹਿਲਾ ਰਿਸੈਪਸ਼ਨਿਸਟ ’ਤੇ ਚਾਕੂ ਨਾਲ 10 ਤੋਂ ਵੱਧ ਵਾਰ ਕੀਤੇ। ਖ਼ੂਨ ਨਾਲ ਲੱਥਪੱਥ ਹਾਲਤ ਵਿੱਚ ਮੁਟਿਆਰ ਨੂੰ ਜਟੀਆ ਹਸਪਤਾਲ ਤੋਂ ਮੈਡੀਕਲ ਕਾਲਜ ਭੇਜਿਆ ਗਿਆ। ਪੁਲਿਸ ਨੇ ਮੁਟਿਆਰ ਦੀ ਮਾਂ ਦੀ ਸ਼ਿਕਾਇਤ ’ਤੇ ਕੇਸ ਦਰਜ ਕਰਕੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਅਨੁਸੂਚਿਤ ਜਾਤੀ ਨਾਲ ਸਬੰਧਤ ਮਹਿਲਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸ ਦੀ 23 ਸਾਲਾ ਧੀ ਸਵਾਸਤਿਕ ਲੈਬ ਵਿੱਚ ਰਿਸੈਪਸ਼ਨਿਸਟ ਹੈ। ਇਸੇ ਲੈਬ ਵਿੱਚ ਅਸਦ ਵੀ ਐਕਸ-ਰੇ ਹੈਲਪਰ ਵਜੋਂ ਕੰਮ ਕਰਦਾ ਹੈ।
Posted By Sunita
Publish Date: Sun, 15 Nov 2026 03:32 PM (IST)
Updated Date: Sun, 15 Nov 2026 03:33 PM (IST)
ਜਾਗਰਣ ਸੰਵਾਦਦਾਤਾ, ਬੁਲੰਦਸ਼ਹਿਰ - ਇੱਕ ਲੈਬ ਵਿੱਚ ਐਕਸ-ਰੇ ਹੈਲਪਰ ਵਜੋਂ ਕੰਮ ਕਰਨ ਵਾਲੇ ਅਸਦ ਨੇ ਮਹਿਲਾ ਰਿਸੈਪਸ਼ਨਿਸਟ ’ਤੇ ਚਾਕੂ ਨਾਲ 10 ਤੋਂ ਵੱਧ ਵਾਰ ਕੀਤੇ। ਖ਼ੂਨ ਨਾਲ ਲੱਥਪੱਥ ਹਾਲਤ ਵਿੱਚ ਮੁਟਿਆਰ ਨੂੰ ਜਟੀਆ ਹਸਪਤਾਲ ਤੋਂ ਮੈਡੀਕਲ ਕਾਲਜ ਭੇਜਿਆ ਗਿਆ। ਪੁਲਿਸ ਨੇ ਮੁਟਿਆਰ ਦੀ ਮਾਂ ਦੀ ਸ਼ਿਕਾਇਤ ’ਤੇ ਕੇਸ ਦਰਜ ਕਰਕੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਅਨੁਸੂਚਿਤ ਜਾਤੀ ਨਾਲ ਸਬੰਧਤ ਮਹਿਲਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸ ਦੀ 23 ਸਾਲਾ ਧੀ ਸਵਾਸਤਿਕ ਲੈਬ ਵਿੱਚ ਰਿਸੈਪਸ਼ਨਿਸਟ ਹੈ। ਇਸੇ ਲੈਬ ਵਿੱਚ ਅਸਦ ਵੀ ਐਕਸ-ਰੇ ਹੈਲਪਰ ਵਜੋਂ ਕੰਮ ਕਰਦਾ ਹੈ।
ਦੋਸ਼ ਹੈ ਕਿ ਅਸਦ ਕਾਫ਼ੀ ਸਮੇਂ ਤੋਂ ਮੁਟਿਆਰ ਨੂੰ ਪਰੇਸ਼ਾਨ ਕਰ ਰਿਹਾ ਸੀ ਅਤੇ ਉਸ ’ਤੇ ਸਬੰਧ ਬਣਾਉਣ ਲਈ ਦਬਾਅ ਪਾ ਰਿਹਾ ਸੀ। ਸ਼ਿਕਾਇਤ ਕਰਨ ਦੇ ਬਾਵਜੂਦ ਮੁਲਜ਼ਮ ਆਪਣੀਆਂ ਹਰਕਤਾਂ ਤੋਂ ਬਾਜ਼ ਨਹੀਂ ਆਇਆ। ਛੁੱਟੀ ਤੋਂ ਬਾਅਦ ਉਹ ਮੁਟਿਆਰ ਦਾ ਪਿੱਛਾ ਕਰਦਾ ਅਤੇ ਜਾਤੀਸੂਚਕ ਸ਼ਬਦਾਂ ਦੀ ਵਰਤੋਂ ਕਰਦਿਆਂ ਤਾਅਨੇ ਮਾਰਦਾ ਸੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਮੁਟਿਆਰ ਨੇ ਕੁਝ ਦਿਨਾਂ ਲਈ ਕੰਮ ’ਤੇ ਜਾਣਾ ਵੀ ਛੱਡ ਦਿੱਤਾ ਸੀ। ਪਰਿਵਾਰਕ ਮੈਂਬਰਾਂ ਦੇ ਸਮਝਾਉਣ ਤੋਂ ਬਾਅਦ ਉਹ ਮੁੜ ਕੰਮ ’ਤੇ ਜਾਣ ਲੱਗੀ। ਸ਼ਨੀਵਾਰ ਦੁਪਹਿਰ ਕਰੀਬ 12:15 ਵਜੇ ਮੁਟਿਆਰ ਕਾਊਂਟਰ ’ਤੇ ਬੈਠੀ ਸੀ। ਇਸੇ ਦੌਰਾਨ ਅਸਦ ਉੱਥੇ ਪਹੁੰਚ ਗਿਆ। ਉਸ ਨੇ ਮੁਟਿਆਰ ਦਾ ਹੱਥ ਫੜ ਕੇ ਗਾਲੀ-ਗਲੋਚ ਕਰਨਾ ਸ਼ੁਰੂ ਕਰ ਦਿੱਤਾ।
ਵਿਰੋਧ ਕਰਨ ’ਤੇ ਚਾਕੂ ਨਾਲ ਕੀਤੇ ਕਈ ਵਾਰ
ਵਿਰੋਧ ਕਰਨ ’ਤੇ ਮੁਲਜ਼ਮ ਨੇ ਚਾਕੂ ਕੱਢ ਕੇ ਮੁਟਿਆਰ ਦੀ ਗਰਦਨ, ਚਿਹਰੇ ਅਤੇ ਸਰੀਰ ’ਤੇ 10 ਤੋਂ ਵੱਧ ਵਾਰ ਕੀਤੇ। ਇਸ ਕਾਰਨ ਉਹ ਖ਼ੂਨ ਨਾਲ ਲੱਥਪੱਥ ਹੋ ਗਈ। ਲੈਬ ਵਿੱਚ ਮੌਜੂਦ ਮਰੀਜ਼ ਅੰਜੂ ਨੇ ਦੱਸਿਆ ਕਿ ਅਸਦ ਦੇ ਲੈਬ ਵਿੱਚ ਪਹੁੰਚਦਿਆਂ ਹੀ ਮੁਟਿਆਰ ਕੋਲ ਬੈਠੇ ਨੌਜਵਾਨ ਨੂੰ ਉੱਥੋਂ ਹਟਾ ਦਿੱਤਾ ਅਤੇ ਫਿਰ ਕੁਝ ਹੀ ਸਕਿੰਟਾਂ ਵਿੱਚ ਉਸ ’ਤੇ ਚਾਕੂ ਨਾਲ 10 ਤੋਂ ਵੱਧ ਵਾਰ ਕਰ ਦਿੱਤੇ। ਇਸ ਤੋਂ ਬਾਅਦ ਮੁਲਜ਼ਮ ਫ਼ਰਾਰ ਹੋ ਗਿਆ। ਜ਼ਖ਼ਮੀ ਮੁਟਿਆਰ ਨੂੰ ਜਟੀਆ ਹਸਪਤਾਲ ਲਿਜਾਇਆ ਗਿਆ। ਉੱਥੇ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਮੈਡੀਕਲ ਕਾਲਜ ਰੈਫ਼ਰ ਕਰ ਦਿੱਤਾ ਗਿਆ।
ਪੁਲਿਸ ਨੇ ਮੁਲਜ਼ਮ ਨੂੰ ਕੀਤਾ ਗ੍ਰਿਫ਼ਤਾਰ
ਐੱਸਪੀ ਸਿਟੀ ਅਭਿਸ਼ੇਕ ਪ੍ਰਤਾਪ ਅਜੇ ਨੇ ਦੱਸਿਆ ਕਿ ਇਕੱਠੇ ਕੰਮ ਕਰਨ ਕਾਰਨ ਮੁਟਿਆਰ ਅਤੇ ਨੌਜਵਾਨ ਵਿਚਕਾਰ ਸਬੰਧ ਬਣ ਗਏ ਸਨ। ਪਿਛਲੇ ਦਿਨੀਂ ਦੋਵਾਂ ਵਿਚਕਾਰ ਮਨਮੁਟਾਅ ਹੋਣ ਕਾਰਨ ਮੁਲਜ਼ਮ ਨੌਜਵਾਨ ਨਾਰਾਜ਼ ਸੀ।
ਉੱਧਰ, ਹਿੰਦੂ ਸੰਗਠਨ ਦੇ ਸੁਨੀਲ ਸੋਲੰਕੀ, ਨਿਤਿਨ ਪੰਡਿਤ, ਗੋਲੂ ਰਾਜਪੂਤ ਅਤੇ ਵਿਕਾਸ ਆਜ਼ਾਦ ਨੇ ਵੀ ਕੋਤਵਾਲੀ ਪਹੁੰਚ ਕੇ ਪੁਲਿਸ ਤੋਂ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ। ਐੱਸਐੱਸਪੀ ਦਿਨੇਸ਼ ਕੁਮਾਰ ਨੇ ਹਸਪਤਾਲ ਪਹੁੰਚ ਕੇ ਇਲਾਜ ਅਧੀਨ ਪੀੜਤਾ ਦਾ ਹਾਲ-ਚਾਲ ਜਾਣਿਆ।