ਕ੍ਰਿਕਟਰ ਮੁਹੰਮਦ ਸ਼ਮੀ ਦੀ ਰਾਜਨੀਤਿਕ ਐਂਟਰੀ ਤੋਂ ਪਹਿਲਾਂ ਵੱਡਾ ਹੰਗਾਮਾ, ਪਤਨੀ ਹਸੀਨ ਜਹਾਂ ਨੇ ਵੀ ਕੀਤਾ ਚੋਣ ਲੜਨ ਦਾ ਐਲਾਨ; ਗਰਮਾਇਆ ਸਿਆਸੀ ਮਾਹੌਲ

ਸ਼ੁੱਕਰਵਾਰ ਨੂੰ ਦੈਨਿਕ ਜਾਗਰਣ ਨਾਲ ਮੋਬਾਈਲ ’ਤੇ ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਸ਼ਮੀ ਜਾਂ ਉਨ੍ਹਾਂ ਦੇ ਪਰਿਵਾਰ 'ਚੋਂ ਕੋਈ ਵਿਅਕਤੀ ਚੋਣ ਲੜੇਗਾ ਤਾਂ ਉਸ ਨੂੰ ਹਰਾਉਣ ਲਈ ਉਹ ਵੀ ਚੋਣ ਲੜਨਗੀਆਂ। ਹਾਲਾਂਕਿ ਇਸ ਸਮੇਂ ਉਹ ਕਿਸੇ ਵੀ ਰਾਜਨੀਤਿਕ ਪਾਰਟੀ ਦੇ ਸੰਪਰਕ 'ਚ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਸਮਾਂ ਆਉਣ ’ਤੇ ਉਹ ਆਪਣੇ ਪੱਤੇ ਖੋਲ੍ਹਣਗੀਆਂ। ਪਿਛਲੇ ਦਿਨੀਂ ਕ੍ਰਿਕਟਰ ਮੁਹੰਮਦ ਸ਼ਮੀ ਨੇ ਦਿੱਲੀ 'ਚ ਰਾਲੋਦ ਦੇ ਪ੍ਰਧਾਨ ਜਯੰਤ ਚੌਧਰੀ ਨਾਲ ਮੁਲਾਕਾਤ ਕੀਤੀ ਸੀ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਵੱਡੇ ਭਰਾ ਹਸੀਬ ਅਹਿਮਦ ਦੇ ਰਾਲੋਦ ਉਮੀਦਵਾਰ ਵਜੋਂ ਅਮਰੋਹਾ ਵਿਧਾਨ ਸਭਾ ਸੀਟ ਤੋਂ ਚੋਣ ਲੜਨ ਦੀ ਚਰਚਾ ਚੱਲ ਰਹੀ ਸੀ। ਖੁਦ ਹਸੀਬ ਨੇ ਵੀ ਚੋਣ ਲੜਨ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਸੀ।