- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
NIA ਦੀ ਚਾਰਜਸ਼ੀਟ 'ਚ ਵੱਡਾ ਖ਼ੁਲਾਸਾ, ਅੱਤਵਾਦੀਆਂ ਦੇ ਨਿਸ਼ਾਨੇ 'ਤੇ ਸੀ ਦਿੱਲੀ ਦਾ ਪ੍ਰਸਿੱਧ ਲਾਲ ਮੰਦਰ; ਟ੍ਰੈਫਿਕ ਨੇ ਬਚਾਈ ਵੱਡੀ ਤਬਾਹੀ
ਰਾਜਧਾਨੀ ਦਿੱਲੀ 'ਚ ਪਿਛਲੇ ਸਾਲ ਲਾਲ ਕਿਲ੍ਹੇ ਨੇੜੇ ਹੋਏ ਧਮਾਕੇ ਦੇ ਮਾਮਲੇ 'ਚ ਵੱਡਾ ਖੁਲਾਸਾ ਹੋਇਆ ਹੈ। ਰਾਸ਼ਟਰੀ ਜਾਂਚ ਏਜੰਸੀ (NIA) ਵੱਲੋਂ ਅਦਾਲਤ 'ਚ ਦਾਇਰ ਕੀਤੀ ਗਈ ਚਾਰਜਸ਼ੀਟ ਮੁਤਾਬਕ, ਪਿਛਲੇ ਸਾਲ 10 ਨਵੰਬਰ ਨੂੰ ਹੋਏ ਇਸ ਵਾਹਨ-ਜਨਿਤ ਆਈਈਡੀ (VBIED) ਹਮਲੇ ਦਾ ਪਹਿਲਾ ਮੁੱਖ ਨਿਸ਼ਾਨਾ ਚਾਂਦਨੀ ਚੌਕ ਸਥਿਤ ਇਤਿਹਾਸਕ ‘ਲਾਲ ਮੰਦਰ’ ਸੀ।
Posted By Sunita
Publish Date: Thu, 10 Sep 2026 10:28 AM (IST)
Updated Date: Thu, 10 Sep 2026 10:32 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ - ਰਾਜਧਾਨੀ ਦਿੱਲੀ 'ਚ ਪਿਛਲੇ ਸਾਲ ਲਾਲ ਕਿਲ੍ਹੇ ਨੇੜੇ ਹੋਏ ਧਮਾਕੇ ਦੇ ਮਾਮਲੇ 'ਚ ਵੱਡਾ ਖੁਲਾਸਾ ਹੋਇਆ ਹੈ। ਰਾਸ਼ਟਰੀ ਜਾਂਚ ਏਜੰਸੀ (NIA) ਵੱਲੋਂ ਅਦਾਲਤ 'ਚ ਦਾਇਰ ਕੀਤੀ ਗਈ ਚਾਰਜਸ਼ੀਟ ਮੁਤਾਬਕ, ਪਿਛਲੇ ਸਾਲ 10 ਨਵੰਬਰ ਨੂੰ ਹੋਏ ਇਸ ਵਾਹਨ-ਜਨਿਤ ਆਈਈਡੀ (VBIED) ਹਮਲੇ ਦਾ ਪਹਿਲਾ ਮੁੱਖ ਨਿਸ਼ਾਨਾ ਚਾਂਦਨੀ ਚੌਕ ਸਥਿਤ ਇਤਿਹਾਸਕ ‘ਲਾਲ ਮੰਦਰ’ ਸੀ।
ਉਮਰ-ਉਨ-ਨਬੀ ਨੇ ਬਦਲਿਆ ਸੀ ਪਲਾਨ
NIA ਦੀ ਜਾਂਚ 'ਚ ਸਾਹਮਣੇ ਆਇਆ ਕਿ ਧਮਾਕੇ ਤੋਂ ਠੀਕ 13 ਮਿੰਟ ਪਹਿਲਾਂ ਹਮਲਾਵਰ ਉਮਰ-ਉਨ-ਨਬੀ ਨੇ ਆਈ-20 ਕਾਰ ਨੂੰ ਲਾਲ ਮੰਦਰ ਦੇ ਨੇੜੇ ਪਾਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਹਾਲਾਂਕਿ, ਇਲਾਕੇ 'ਚ ਭਾਰੀ ਟ੍ਰੈਫਿਕ ਅਤੇ ਪੁਲਿਸ ਦੀ ਸਖ਼ਤ ਮੌਜੂਦਗੀ ਕਾਰਨ ਉਹ ਆਪਣੇ ਮਨਸੂਬੇ 'ਚ ਕਾਮਯਾਬ ਨਹੀਂ ਹੋ ਸਕਿਆ ਅਤੇ ਉਸ ਨੂੰ ਮਜਬੂਰੀ 'ਚ ਆਪਣਾ ਰਸਤਾ ਬਦਲਣਾ ਪਿਆ।
ਹਮਲਾਵਰ ਨੇ ਲਿਆ ਸੀ ਯੂ-ਟਰਨ
ਸੀਸੀਟੀਵੀ ਫੁਟੇਜ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਸ਼ਾਮ 6:37 ਵਜੇ ਸ਼ੱਕੀ ਕਾਰ ਨੂੰ ਲਾਲ ਮੰਦਰ ਦੇ ਨੇੜੇ ਦੇਖਿਆ ਗਿਆ ਸੀ। ਪਾਰਕ ਕਰਨ 'ਚ ਅਸਫਲ ਰਹਿਣ ਤੋਂ ਬਾਅਦ ਹਮਲਾਵਰ ਨੇ ਗੱਡੀ ਨੂੰ ਯੂ-ਟਰਨ ਲਿਆ ਅਤੇ ਲਾਲ ਕਿਲ੍ਹੇ ਦੇ ਗੇਟ ਨੰਬਰ 4 ਵੱਲ ਵਧ ਗਿਆ। ਇਸ ਤੋਂ ਬਾਅਦ ਸ਼ਾਮ ਠੀਕ 6:50 ਵਜੇ ਕਾਰ 'ਚ ਰੱਖੇ ਵਿਸਫੋਟਕ 'ਚ ਧਮਾਕਾ ਕਰ ਦਿੱਤਾ ਗਿਆ।
NIA ਦੀ ਚਾਰਜਸ਼ੀਟ 'ਚ ਦਿੱਲੀ 'ਚ ਹੋਏ ਇਸ ਪਹਿਲੇ ਵਾਹਨ-ਜਨਿਤ ਅੱਤਵਾਦੀ ਹਮਲੇ ਦੀ ਸਾਜ਼ਿਸ਼ ਅਤੇ ਯੋਜਨਾ ਦਾ ਵਿਸਥਾਰ ਨਾਲ ਵੇਰਵਾ ਦਰਜ ਹੈ। ਏਜੰਸੀ ਮੁਤਾਬਕ, ਸੁਰੱਖਿਆ ਕਰਮਚਾਰੀਆਂ ਦੀ ਚੌਕਸੀ ਕਾਰਨ ਹਮਲਾਵਰ ਨੇ ਐਨ ਮੌਕੇ ’ਤੇ ਆਪਣਾ ਟਿਕਾਣਾ ਬਦਲ ਲਿਆ ਸੀ।
ਲੱਖਾਂ ਰੁਪਏ ਦਾ ਹੋਇਆ ਸੀ ਨੁਕਸਾਨ
ਉੱਥੇ ਹੀ, NIA ਦੀ ਜਾਂਚ ਰਿਪੋਰਟ ਮੁਤਾਬਕ ਰਾਜਧਾਨੀ 'ਚ ਹੋਏ ਇਸ ਧਮਾਕੇ 'ਚ 11 ਲੋਕਾਂ ਦੀ ਮੌਤ ਹੋਈ ਸੀ, ਜਦਕਿ 29 ਲੋਕ ਜ਼ਖਮੀ ਹੋਏ ਸਨ। ਜਾਂਚ ਰਿਪੋਰਟ ਅਨੁਸਾਰ, ਇਸ ਹਮਲੇ ਕਾਰਨ ਆਸ-ਪਾਸ ਦੀਆਂ ਜਾਇਦਾਦਾਂ ਨੂੰ ਕਰੀਬ 17.7 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਦੱਸਿਆ ਗਿਆ ਹੈ।
ਉਮਰ-ਉਨ-ਨਬੀ ਨੂੰ ਦੱਸਿਆ ਗਿਆ ਇੰਚਾਰਜ
ਨਵੰਬਰ 2025 'ਚ ਲਾਲ ਕਿਲ੍ਹੇ ਨੇੜੇ ਹੋਏ ਕਾਰ ਧਮਾਕੇ ਦੇ ਮਾਮਲੇ 'ਚ NIA ਨੇ ਚਾਰਜਸ਼ੀਟ 'ਚ ਆਤਮਘਾਤੀ ਹਮਲਾਵਰ ਉਮਰ-ਉਨ-ਨਬੀ ਨੂੰ ਅੰਸਾਰ ਗਜ਼ਵਾਤ-ਉਲ-ਹਿੰਦ ਦੇ ਮੁੜ ਸਰਗਰਮ ਕੀਤੇ ਗਏ ਅੱਤਵਾਦੀ ਮਾਡਿਊਲ ਦਾ ਆਪਰੇਸ਼ਨਲ ਇੰਚਾਰਜ ਦੱਸਿਆ ਹੈ।
ਜਾਂਚ ਏਜੰਸੀ ਦੇ ਅਨੁਸਾਰ, ਨਬੀ ਸਾਲ 2022 ਦੀ ਸ਼ੁਰੂਆਤ ਤੋਂ ਨਿਸ਼ਕਿਰਿਆ ਪਏ ਅੱਤਵਾਦੀ ਨੈੱਟਵਰਕ ਨੂੰ ਮੁੜ ਸਰਗਰਮ ਕਰਨ ਅਤੇ ਦੇਸ਼ 'ਚ ਅੱਤਵਾਦੀ ਹਮਲਿਆਂ ਦੀ ਸਾਜ਼ਿਸ਼ ਨੂੰ ਅੱਗੇ ਵਧਾਉਣ 'ਚ ਲੱਗਾ ਹੋਇਆ ਸੀ।