ਹਨੀਮੂਨ ’ਤੇ ਗਏ ਨਵ-ਵਿਆਹੇ ਜੋੜੇ ਨਾਲ ਹੋਟਲ 'ਚ ਵਾਪਰਿਆ ਵੱਡਾ ਹਾਦਸਾ, ਬਾਰਬਿਕਿਊ ਦੇ ਧਮਾਕੇ ਨਾਲ ਅੱਗ ਦੀ ਲਪੇਟ 'ਚ ਆਈ ਲਾੜੀ; ਕੈਮਰੇ 'ਚ ਕੈਦ ਹੋਇਆ ਖ਼ੌਫ਼ਨਾਕ ਮੰਜ਼ਰ

ਜਾਗਰਣ ਸੰਵਾਦਦਾਤਾ, ਸਿਲੀਗੁੜੀ - ਦਾਰਜਿਲਿੰਗ ਦੀਆਂ ਪਹਾੜੀਆਂ ’ਤੇ ਹਨੀਮੂਨ ਮਨਾਉਣ ਪਹੁੰਚੇ ਇੱਕ ਨਵ-ਵਿਆਹੇ ਜੋੜੇ ਨਾਲ ਬਾਰਬਿਕਿਊ ਬਣਾਉਂਦੇ ਸਮੇਂ ਹਾਦਸਾ ਵਾਪਰ ਗਿਆ। ਜਾਣਕਾਰੀ ਮੁਤਾਬਕ ਇਹ ਜੋੜਾ ਉੱਤਰ ਦਿਨਾਜਪੁਰ ਜ਼ਿਲ੍ਹੇ ਦੇ ਚੋਪੜਾ ਬਾਜ਼ਾਰ ਇਲਾਕੇ ਦਾ ਰਹਿਣ ਵਾਲਾ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਜੋੜਾ ਦਾਰਜਿਲਿੰਗ ਦੇ ਕਰਸੀਅੰਗ ਸਥਿਤ ਸਿਟੋਂਗ ਦੇ ਇੱਕ ਹੋਮਸਟੇ ਵਿੱਚ ਠਹਿਰਿਆ ਹੋਇਆ ਸੀ। 13 ਸਤੰਬਰ ਦੀ ਰਾਤ ਹੋਮਸਟੇ ਵਿੱਚ ਬਾਰਬਿਕਿਊ ਤਿਆਰ ਕਰਨ ਦੌਰਾਨ ਕਥਿਤ ਲਾਪਰਵਾਹੀ ਕਾਰਨ ਅਚਾਨਕ ਹਾਦਸਾ ਵਾਪਰ ਗਿਆ। ਅੱਗ ਦੀ ਲਪੇਟ ਵਿੱਚ ਆਉਣ ਕਾਰਨ ਨਵ-ਵਿਆਹੀ ਦੁਲਹਨ ਦੇ ਸਰੀਰ ਦੇ ਕਈ ਹਿੱਸੇ ਝੁਲਸ ਗਏ। ਹਾਦਸੇ ਤੋਂ ਬਾਅਦ ਉਸ ਨੂੰ ਤੁਰੰਤ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ।

ਹਾਦਸੇ ਦੀ ਖੌਫਨਾਕ ਵੀਡੀਓ ਹੋਈ ਵਾਇਰਲ

ਵੀਰਵਾਰ ਨੂੰ ਹਾਦਸੇ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਇਹ ਘਟਨਾ ਸਾਹਮਣੇ ਆਈ। ਪਹਾੜੀ ਇਲਾਕਿਆਂ ਵਿੱਚ ਬਾਰਬਿਕਿਊ ਜਾਂ ਕੈਂਪਿੰਗ ਦੌਰਾਨ ਅੱਗ ਦੀ ਵਰਤੋਂ ਨੂੰ ਲੈ ਕੇ ਗੰਭੀਰ ਸਵਾਲ ਖੜ੍ਹੇ ਹੋ ਰਹੇ ਹਨ। ਬਿਨਾਂ ਲੋੜੀਂਦੇ ਸੁਰੱਖਿਆ ਪ੍ਰਬੰਧਾਂ ਅਤੇ ਸਿਖਲਾਈ ਦੇ ਪਹਾੜੀ ਇਲਾਕਿਆਂ ਦੇ ਹੋਟਲਾਂ ਅਤੇ ਹੋਮਸਟੇਜ਼ ਵਿੱਚ ਬਾਰਬਿਕਿਊ ਦਾ ਰੁਝਾਨ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।