- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਧਰਮ ਪਰਿਵਰਤਨ ਮਾਮਲੇ 'ਚ ਸਨਸਨੀਖੇਜ਼ ਖੁਲਾਸਾ, ਮੁਰਗੇ ਦੇ ਖੂਨ ਨਾਲ ਲਵ ਲੈਟਰ ਲਿਖ ਕੇ ਕੁੜੀਆਂ ਨੂੰ ਫਸਾਉਂਦਾ ਸੀ ਡਾ. ਰਮੀਜ਼; ਪੁਛਗਿੱਛ ਦੌਰਾਨ ਉੱਡੇ ਹੋਸ਼
ਜਦੋਂ ਲੜਕੀਆਂ ਦੇ ਵਿਆਹ ਤੈਅ ਹੁੰਦੇ ਤਾਂ ਉਹ ਉਨ੍ਹਾਂ ਦੇ ਮੰਗੇਤਰਾਂ ਨੂੰ ਵੀਡੀਓ ਭੇਜ ਕੇ ਰਿਸ਼ਤੇ ਤੁੜਵਾ ਦਿੰਦਾ ਸੀ, ਤਾਂ ਜੋ ਮਜਬੂਰੀ ਵਿੱਚ ਉਹ ਮੁੜ ਉਸ ਕੋਲ ਆ ਜਾਣ। ਨਿੱਜੀ ਵੀਡੀਓ ਜਨਤਕ ਕਰਨ ਦੀ ਧਮਕੀ ਦੇ ਕੇ ਉਸ ਨੇ ਇੱਕ ਲੜਕੀ ਦੇ ਕਰੀਬ ਚਾਰ ਰਿਸ਼ਤੇ ਵੀ ਤੁੜਵਾ ਦਿੱਤੇ ਸਨ। ਪੁਲਿਸ ਸਾਹਮਣੇ ਆਏ ਇਸ ਬਿਆਨ ਤੋਂ ਬਲੈਕਮੇਲਿੰਗ ਅਤੇ ਮਾਨਸਿਕ ਦਬਾਅ ਬਣਾਉਣ ਦੇ ਕਈ ਨਵੇਂ ਤਰੀਕੇ ਸਾਹਮਣੇ ਆਏ ਹਨ।
Posted By Sunita
Publish Date: Tue, 03 Nov 2026 11:02 AM (IST)
Updated Date: Tue, 03 Nov 2026 11:04 AM (IST)
ਆਯੁਸ਼ਮਾਨ ਪਾਂਡੇ, ਲਖਨਊ - ਕੇਜੀਐਮਯੂ ਵਿੱਚ ਐੱਮਡੀ ਪੈਥਾਲੋਜੀ ਦਾ ਵਿਦਿਆਰਥੀ ਰਹਿ ਚੁੱਕੇ ਰਮੀਜ਼ੁੱਦੀਨ ਉਰਫ਼ ਰਮੀਜ਼ ਦੀਆਂ ਹਰਕਤਾਂ ਹੈਰਾਨ ਕਰ ਦੇਣ ਵਾਲੀਆਂ ਹਨ। ਪੁਲਿਸ ਪੁੱਛਗਿੱਛ ਦੌਰਾਨ ਉਸ ਨੇ ਦੱਸਿਆ ਕਿ ਇੱਕ ਲੜਕੀ ਨੂੰ ਆਪਣੇ ਜਾਲ ਵਿੱਚ ਫਸਾਉਣ ਲਈ ਉਸ ਨੇ ਮੁਰਗੇ ਦੇ ਖੂਨ ਨਾਲ ਚਿੱਠੀ ਲਿਖ ਕੇ ਭੇਜੀ ਸੀ। ਲੜਕੀ ਨੇ ਚਿੱਠੀ ਵਿੱਚ ਮੁਰਗੇ ਦੇ ਖੂਨ ਨੂੰ ਰਮੀਜ਼ ਦਾ ਖੂਨ ਸਮਝ ਲਿਆ ਅਤੇ ਉਸ ਤੋਂ ਪ੍ਰਭਾਵਿਤ ਹੋ ਕੇ ਉਸ ਦੀਆਂ ਮਨਮਾਨੀਆਂ ਮੰਨਣ ਲਈ ਰਾਜ਼ੀ ਹੋ ਗਈ। ਇੰਨਾ ਹੀ ਨਹੀਂ, ਉਹ ਪਹਿਲਾਂ ਲੜਕੀਆਂ ਨਾਲ ਸਰੀਰਕ ਸਬੰਧ ਬਣਾਉਂਦਾ ਸੀ ਅਤੇ ਇਸ ਦੌਰਾਨ ਵੀਡੀਓ ਬਣਾ ਕੇ ਆਪਣੇ ਫੋਨ ਵਿੱਚ ਰੱਖ ਲੈਂਦਾ ਸੀ।
ਜਦੋਂ ਲੜਕੀਆਂ ਦੇ ਵਿਆਹ ਤੈਅ ਹੁੰਦੇ ਤਾਂ ਉਹ ਉਨ੍ਹਾਂ ਦੇ ਮੰਗੇਤਰਾਂ ਨੂੰ ਵੀਡੀਓ ਭੇਜ ਕੇ ਰਿਸ਼ਤੇ ਤੁੜਵਾ ਦਿੰਦਾ ਸੀ, ਤਾਂ ਜੋ ਮਜਬੂਰੀ ਵਿੱਚ ਉਹ ਮੁੜ ਉਸ ਕੋਲ ਆ ਜਾਣ। ਨਿੱਜੀ ਵੀਡੀਓ ਜਨਤਕ ਕਰਨ ਦੀ ਧਮਕੀ ਦੇ ਕੇ ਉਸ ਨੇ ਇੱਕ ਲੜਕੀ ਦੇ ਕਰੀਬ ਚਾਰ ਰਿਸ਼ਤੇ ਵੀ ਤੁੜਵਾ ਦਿੱਤੇ ਸਨ। ਪੁਲਿਸ ਸਾਹਮਣੇ ਆਏ ਇਸ ਬਿਆਨ ਤੋਂ ਬਲੈਕਮੇਲਿੰਗ ਅਤੇ ਮਾਨਸਿਕ ਦਬਾਅ ਬਣਾਉਣ ਦੇ ਕਈ ਨਵੇਂ ਤਰੀਕੇ ਸਾਹਮਣੇ ਆਏ ਹਨ।
2012 ਵਿੱਚ ਆਗਰਾ ਵਿੱਚ ਲੜਕੀ ਨਾਲ ਹੋਈ ਸੀ ਮੁਲਾਕਾਤ
ਪੁਲਿਸ ਸੂਤਰਾਂ ਮੁਤਾਬਕ, ਰਮੀਜ਼ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਸਾਲ 2012 ਵਿੱਚ ਆਗਰਾ ਦੇ ਸਰੋਜਨੀ ਨਾਇਡੂ ਮੈਡੀਕਲ ਕਾਲਜ ਵਿੱਚ ਐੱਮਬੀਬੀਐੱਸ ਦੀ ਪੜ੍ਹਾਈ ਦੌਰਾਨ ਉਸ ਦੀ ਮੁਲਾਕਾਤ ਲੜਕੀ ਨਾਲ ਹੋਈ ਸੀ। 8 ਦਸੰਬਰ ਨੂੰ ਉਸ ਨੇ ਡਾਂਸ ਦੀ ਪ੍ਰੈਕਟਿਸ ਦਾ ਬਹਾਨਾ ਬਣਾ ਕੇ ਉਸ ਨੂੰ ਆਪਣੇ ਕਮਰੇ ਵਿੱਚ ਬੁਲਾਇਆ। ਉੱਥੇ ਸ਼ਰਾਬ ਪਿਲਾ ਕੇ ਉਸ ਨਾਲ ਜਬਰ-ਜ਼ਨਾਹ ਕੀਤਾ ਅਤੇ ਬਾਅਦ ਵਿੱਚ ਵਿਆਹ ਦਾ ਝਾਂਸਾ ਦੇ ਕੇ ਸਰੀਰਕ ਸਬੰਧ ਬਣਾਉਂਦਾ ਰਿਹਾ। ਇਸ ਦੌਰਾਨ ਉਸ ਨੇ ਨਿੱਜੀ ਵੀਡੀਓ ਵੀ ਬਣਾ ਲਈ।
ਇਸ ਤੋਂ ਬਾਅਦ ਪੀੜਤਾ ਨੂੰ ਪਰਿਵਾਰ ਤੋਂ ਦੂਰ ਕਰਨ ਲਈ ਉਹ ਉਸ ਦੇ ਬੈਗ ਵਿੱਚ ਬੀਅਰ ਦੀਆਂ ਬੋਤਲਾਂ ਅਤੇ ਵਰਤੀਆਂ ਹੋਈਆਂ ਸ਼ੱਕੀ ਚੀਜ਼ਾਂ ਰੱਖ ਦਿੰਦਾ ਸੀ, ਤਾਂ ਜੋ ਘਰ ਵਿੱਚ ਵਿਵਾਦ ਹੋਵੇ ਅਤੇ ਉਹ ਪਰਿਵਾਰ ਤੋਂ ਦੂਰ ਹੋ ਜਾਵੇ। ਰਮੀਜ਼ ਨੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਜਦੋਂ ਲੜਕੀ ਦੇ ਪਰਿਵਾਰ ਵਾਲਿਆਂ ਨੇ ਉਸ ਲਈ ਰਿਸ਼ਤੇ ਲੱਭਣੇ ਸ਼ੁਰੂ ਕੀਤੇ ਤਾਂ ਉਹ ਨਿੱਜੀ ਵੀਡੀਓ ਦਾ ਹਵਾਲਾ ਦੇ ਕੇ ਹੋਣ ਵਾਲੇ ਪਤੀ ਤੱਕ ਪਹੁੰਚ ਜਾਂਦਾ ਸੀ। ਵੀਡੀਓ ਜਨਤਕ ਕਰਨ ਦੀ ਧਮਕੀ ਦੇ ਕੇ ਉਹ ਰਿਸ਼ਤਾ ਤੋੜਨ ਦਾ ਦਬਾਅ ਬਣਾਉਂਦਾ ਸੀ।
ਗਰਭਵਤੀ ਹੋਣ 'ਤੇ ਲੜਕੀ ਨਾਲ ਵਿਆਹ ਕਰਨ ਤੋਂ ਕੀਤਾ ਇਨਕਾਰ
ਇਸ ਤਰ੍ਹਾਂ ਉਸ ਨੇ ਕਰੀਬ ਚਾਰ ਰਿਸ਼ਤੇ ਤੁੜਵਾ ਦਿੱਤੇ। ਸਾਲ 2016 ਵਿੱਚ ਜਦੋਂ ਲੜਕੀ ਗਰਭਵਤੀ ਹੋ ਗਈ ਤਾਂ ਉਸ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਆਗਰਾ ਦੇ ਖੰਦਾਰੀ ਇਲਾਕੇ ਦੇ ਇੱਕ ਕਲੀਨਿਕ ਤੋਂ ਗਰਭਪਾਤ ਦੀ ਦਵਾਈ ਦਿਵਾਈ ਅਤੇ ਤੀਜੇ ਦਿਨ ਆਪਣੇ ਕਮਰੇ ਵਿੱਚ ਹੀ ਗਰਭਪਾਤ ਕਰਵਾ ਦਿੱਤਾ।
ਬਿਆਨਾਂ ਵਿੱਚ ਰਮੀਜ਼ ਦੇ ਮਾਤਾ-ਪਿਤਾ ਨੇ ਵੀ ਸਾਜ਼ਿਸ਼ ਵਿੱਚ ਆਪਣੀ ਭੂਮਿਕਾ ਸਵੀਕਾਰ ਕੀਤੀ ਹੈ। ਧਰਮ ਪਰਿਵਰਤਨ ਲਈ ਲੜਕੀ ਨੂੰ ਹਿੰਦੂ ਤਿਉਹਾਰ ਮਨਾਉਣ ਤੋਂ ਰੋਕਿਆ ਜਾਂਦਾ ਸੀ ਅਤੇ ਮੁਸਲਿਮ ਰੀਤੀ-ਰਿਵਾਜ ਅਪਣਾਉਣ ਲਈ ਦਬਾਅ ਪਾਇਆ ਜਾਂਦਾ ਸੀ। 9 ਫਰਵਰੀ 2025 ਨੂੰ ਪੀਲੀਭੀਤ ਵਿੱਚ ਹੋਏ ਨਿਕਾਹ ਦੌਰਾਨ ਲੜਕੀ ਅਤੇ ਉਸ ਦੇ ਪਿਤਾ ਦੇ ਦਸਤਖ਼ਤ ਦਬਾਅ ਹੇਠ ਕਰਵਾਏ ਜਾਣ ਦਾ ਦੋਸ਼ ਵੀ ਸਾਹਮਣੇ ਆਇਆ ਹੈ। ਪੁਲਿਸ ਹੁਣ ਨਿਕਾਹਨਾਮੇ, ਨਿੱਜੀ ਵੀਡੀਓਜ਼, ਡਿਜੀਟਲ ਸਬੂਤਾਂ ਅਤੇ ਹੋਰ ਲੜਕੀਆਂ ਨਾਲ ਜੁੜੇ ਮਾਮਲਿਆਂ ਨੂੰ ਆਪਸ ਵਿੱਚ ਜੋੜ ਕੇ ਜਾਂਚ ਕਰ ਰਹੀ ਹੈ।
ਪੜ੍ਹਾਈ ਛੁਡਵਾ ਕੇ ਆਪਣੇ ਕੋਲ ਰੱਖਣ ਦੀ ਸੀ ਕੋਸ਼ਿਸ਼
ਸਾਲ 2023 ਵਿੱਚ ਰਮੀਜ਼ ਨੇ ਕੇਜੀਐਮਯੂ ਵਿੱਚ ਐੱਮਡੀ ਪੈਥਾਲੋਜੀ ਵਿੱਚ ਦਾਖ਼ਲਾ ਲਿਆ ਸੀ, ਜਦਕਿ ਲੜਕੀ ਨੇ ਆਗਰਾ ਦੇ ਇੱਕ ਕਾਲਜ ਵਿੱਚ ਦਾਖ਼ਲਾ ਲਿਆ ਸੀ। ਪੁਲਿਸ ਮੁਤਾਬਕ, ਰਮੀਜ਼ ਨਹੀਂ ਚਾਹੁੰਦਾ ਸੀ ਕਿ ਲੜਕੀ ਅੱਗੇ ਪੜ੍ਹਾਈ ਕਰੇ। ਉਹ ਬਹਾਨੇ ਬਣਾ ਕੇ ਉਸ ਦੀ ਪੜ੍ਹਾਈ ਛੁਡਵਾਉਣ ਦੀ ਕੋਸ਼ਿਸ਼ ਕਰਦਾ ਰਿਹਾ। ਬਾਅਦ ਵਿੱਚ ਉਸ ਨੂੰ ਲਖਨਊ ਬੁਲਾ ਕੇ ਆਪਣੇ ਫਲੈਟ ਦੇ ਨੇੜੇ ਇੱਕ ਕਮਰਾ ਦਿਵਾਇਆ ਅਤੇ ਫਿਰ ਪਰਿਵਾਰ ਨਾਲ ਰਹਿਣ ਲਈ ਦਬਾਅ ਪਾਇਆ। ਦੋਸ਼ ਹੈ ਕਿ ਉਸ ਤੋਂ ਖਾਣਾ ਬਣਵਾਉਣ ਅਤੇ ਸਫ਼ਾਈ ਕਰਵਾਉਣ ਦੇ ਨਾਲ-ਨਾਲ ਪੜ੍ਹਾਈ ਛੱਡਣ ਲਈ ਵੀ ਕਿਹਾ ਜਾਂਦਾ ਸੀ। ਵਿਰੋਧ ਕਰਨ 'ਤੇ ਉਸ ਨਾਲ ਕੁੱਟਮਾਰ ਵੀ ਕੀਤੀ ਜਾਂਦੀ ਸੀ।